މާލޭގެ ބޮޑު ރަސްގެފާނު މަގަށް ވާގޮތަށް ހުރި ރެސްޓޯރެންޓެއްގެ ބަދިގެ ތެރޭގައި ދުން ބޯވެ، އެ ރެސްޓޯރެންޓްގެ 7 މުވައްޒަފަކަށް ހޮސްޕިޓަލްގައި ފަރުވާދޭން ޖެހިއްޖެއެވެ.

ފުލުހުންގެ އިދާރާއިން ވިދާޅުވީ، އެހާދިސާގައި ހޮސްޕިޓަލުގައި ފަރުވާދެމުންދާ އެއްވެސް މީހެއްގެ ހާލު ގޯސް ނޫން ކަމުގައި ވެސް ފުލުހުން ވިދާޅުވިއެވެ. ފުލުހުން ވިދާޅުވީ އެމީހުންގެ ތެރޭގައި ހިމެނެނީ އިންޑިއާ އާއި ސްރީލަންކާގެ މީހަކާއި ބަނގުލަދޭޝްގެ ދެ މީހުންނާއި ނޭޕާލްގެ 3 މީހުން ކަމަށެވެ. އޭގެ ތެރެއިން އެކަކަށް ފަރުވާދެމުން ގެންދަނީ އޭޑީކޭ ހޮސްޕިޓަލްގައެވެ.

ބަދިގެ ތެރޭގައި ދުން ބޯވީ، ބަދިގެެއިން ދުން ބޭރުކުރުމަށް ބަހައްޓާފައިވާ ދުން ހޮޅިން ބަދިގެ ތެރެއަށް ދުން ބޭރުވާން ފެށުމުން ކަމަށް މައުލޫމާތު ލިބިފައިވެއެވެ. 

ފުލުހުން ވިދާޅުވީ މިހާދިސާ އާއި ގުޅިގެން ބަލަންޖެހޭ ކަންކަން ބަލަމުންދާ ކަމަށެވެ.