ސަރުކާރުގެ ބޯހިޔާވަހި ކަމުގެ ސިޔާސަތުގެ ތެރެއިން މިހާތަނަށް، ދޮށީ އުމުރުގެ މީހުން އޮތީ ވަރަށް ބޮޑަށް ހަވާސާ ކުރެވިފައެވެ. ދަރިން ތިބި އަދަދަށް ބަލައިގެން ޕޮއިންޓް އިތުރުވާގޮތަށް އޮތް ނަމަވެސް، މުސްކުޅި މައިން ބަފައިންނާއި އެނޫންވެސް ޝަރުޢީގޮތުން ބަަލަންޖެހޭ އުމުރުން ދޮށީ މީހުން ބަލާ ފަރާތްތަކަށް އެއްވެސް ޚާއްޞަކަމެއް ދީފައެއް ނޯވެއެވެ. މީގެ އިތުރުން ބޯހިޔާވަހިކަމުގެ ސިޔާސަތުތައް މިހާތަނަށް އެކަށައަޅާފައި އޮތް ގޮތުން އުމުރުން 65 އަހަރުން މަތީގެ ދޮށީ އުމުރުގެ މީހުންނަށް ވަކިން ބޯހިޔާވަހިކަމެއް ލިބޭނެ ގޮތެއްވެސް ނެތި އޮންނަނީ އެމީހުން ވަރަށް ބޮޑަށް ނިކަމެތިވެފައެވެ.

"އިސްރަށްވެހިންގެ ހިޔާވަހި"ގެ ނަމުގައި ބިނާކުރައްވާ ޢިމާރާތަކީ، ދޮށީ އުމުރުގެ މީހުންގެ ތެރެއިން އާއިލާގެ އަޅާލުން ނުލިބުމުގެ ސަބަބުން ދައުލަތުން ބަލަހައްޓަންޖެހޭ ހާލަތަށްދާ ފަރާތްތަކަށް، އުފާވެރިކަމާއި، ހިތްހަމަޖެހުމާއެކު އުމުރުގެ ބާކީ ދުވަސްތައް ހޭދަކުރެވޭނެ ފަދަ މާހައުލެއް ޤާއިމުކުރުމުގެ ގޮތުން ފެންވަރު ރަނގަޅު ޚިދުމަތްތަކާއެކު، ދޮށީ އުމުރުގެ މީހުންނަށް ޙާއްޞަ ކުރައްވައިގެން ބިނާކުރައްވާ ޢިމާރާތެއް ކަމުގައި ރައީސުލްޖުމްހޫރިއްޔާގެ އޮފީހުން ވިދާޅުވެފައިވެއެވެ. މި ޢިމާރާތަކީ ދައުލަތުގެ ބަޖެޓުން ޚަރަދު ކުރައްވައިގެން އެޅުއްވުމަށް ނިންމަވާފައިވާ ޢިމާރާތެކެވެ.

މިމަހުގެ 15 އަދި 16 ދެދުވަހު، ސްކޫލު ބަދަލުކުރަން ބޭނުންވާ ދަރިވަރުންގެ ފޯމް ހުށައެޅުމަށް ދިން ފުރުޞަތުގައި، އަތޮޅުތަކުގެ ސްކޫލުތަކުން މާލެއަށް 159 ދަރިވަރުން އަދި މާލޭގެ އެއްސްކޫލުން އަނެއް ސްކޫލަށް ބަދަލުވުމަށް 134 ދަރިވަރުން އަދި ރާއްޖެއިން ބޭރުްން މާލެއަށް ބަދަލުވާ 3 ދަރިވަރުންނާއި ޕްރައިވެޓް ސްކޫލުތަކުން ސަރުކާރުގެ ސްކޫލުތަކަށް 17 ދަރިވަރަކު ބަދަލުކޮށްދިނުމަށް އެދި ފޯމް ހުށައަޅާފައިވެއެވެ.

ރައީސުލްޖުމްހޫރިއްޔާގެ އޮފީހުން ވިދާޅުވެފައި ވާގޮތުގައި، އެމަނިކުފާނު މިގޮތަށް ނިންމެވީ އާދީއްތަ ދުވަހު، ރައީސުލްޖުމްހޫރިއްޔާގެ އޮފީހުގައި ކުރިއަށްދިޔަ ވަޒީރުންގެ މަޖިލީހުގެ ބައްދަލުވުމުގައި މިނިސްޓްރީ އޮފް އިކޮނޮމިކް ޑިވެލޮޕްމަންޓް އެންޑް ޓްރޭޑް ހުށަހެޅުއްވި ކަރުދާހުގެ މައްޗަށް ވަޒީރުންގެ މެދުގައި މަޝްވަރާކުރެއްވުމަށްފަހުގައެވެ.

ރައީސުލްޖުމްހޫރިއްޔާ ކުރެއްވި ޓްވީޓުގައި ވިދާޅުވީ، އިޒްރޭލުގެ އިސްވެރިން ހައްޔަރު ކުރުމަށް އިންޓަރނޭޝަނަލް ކްރިމިނަލްކޯޓަށް އެދި ހުށައެޅުމަކީ ފަލަސްޠީނުގެ ރައްޔިތުންގެ ހައްޤުތައް ކަށަވަރުކޮށްދިނުމުގައި މިހާތަނަށް، އެޅުނު އެންމެ މުހިއްމު ފިޔަވަޅު ކަމުގައެވެ. އަދި އެއްވެސް ޤައުމަކީ ބައިނަލްއަޤުވާމީ ޤާނޫނުތަކަށް ބޯ ނުލަބައި ތިބެވޭނެ ޤައުމުތަކެއް ނޫންކަމަށާއި، އިޒްރޭލުން ފަލަސްޠީނުގެ ރައްޔިތުންނާއި ދެކޮޅަށް ހިންގަމުންދާ ޤަޠުލު ޢާއްމުތައް ބަލައި ފިޔަވަޅު އެޅެން ޖެހޭނެ ކަމުގައި އެމަނިކުފާނު ވިދާޅުވިއެވެ.

މިހާދިސާގައި އެއްވެސް މީހަކަށް ގެއްލުމެއް ލިބިފައި ނުވި ނަމަވެސް އެގެއާ ގާތުގައި މަގުގައި ޕާކުކޮށްފައި ހުރި ސައިކަލުތަކަށް އެކިވަރުގެ ގެެއްލުންތައް ލިބުނެވެ. މިހާދިސާ ހިނގާފައި ވަނީ މިރޭ ގައެވެ. ބެލްކަނިން ބައެއް ވެޓުނުގެ ހުންނަނީ މައްޗަންގޮޅި ސަހަރާގެ އިރުމަތިން އޮންނަ ދެވިނަ މަގުގައެވެ.

އީރާންގެ ޤާނޫނުތަކުގައި ވާގޮތުން، ރައީސް އަވަހާރަވެއްޖެނަމަ ނުވަތަ މަސްއޫލިއްޔަތު އަދާކުރުމަށް ވަގުތީ ގޮތެއްގައި ނުވަތަ ދާއިމީ ގޮތެއްގައި ނުކުޅެދިއްޖެ ނަމަ، ނައިބު ރައީސް ، ވަގުތީ ރައީސްގެ ގޮތުގައި ހަމަޖެއްސޭނެއެވެ. އަދި ނައިބު ރައީސް ރައީސް ކަމުގެ މަޤާމާއި ހަވާލުވެވަޑައިގެންނެވުމަށްފަހުގައި ގިނަ ވެެގެން 50 ދުވަހުގެ ތެރޭގައި އިންތިޚާބު ބާއްވައި އައު ރައީސަކު ހޮވަންޖެހޭނެއެވެ.

މިމަހުގެ 13 ވަނަ ދުވަހު ބަނޑޭރިކޮށީގައި މަރުވެފައި އޮއްވައި ފެނުނު އެމީހާ އާއި ގުޅޭ މައުލޫމާތެއް ފުލުހުން ހާމައެއް ނުކުރެއެވެ. އެމީހާވެސް ފެނިފައި ވަނީ މަރުވެ ކުނިވެފައި އޮއްވައެވެ. ބަނޑޭރިކޮށީގެ ގެއެއްގެ ތެރޭގައި މަރުވެފައި އޮއްވައި ފެނުނު މީހަކީ، އުމުރު ދުވަހުގެ ޖަލު ޙުކުމެއް ތަންފީޒް ކުރަމުން ދަނިކޮށް މަޢާފްދެއްވައި މިދިޔަ އަހަރު ދޫކޮށްލާފައިވާ މީހެއް ކަމުގައި ބައެއް މަސްދަރުތަކުން ބުނެފައިވެއެވެ.

އައިމަން އެގޭތެރޭގައި މަރުވެފައި އޮއްވައި ފެނިފައި ވަނީ، މިއަދު 14:20 ހާއިރުގައެވެ. އޭނާގެ މަރުވެފައިވާ ހަށިގަނޑު ފެނިގެން ފުލުހުންނަށް ރިޕޯޓްކޮށްފައި ވަނީ އާއްމު ބައެކެވެ. ފެނުނު އިރު ހަށިގަނޑު އޮތީ ކުނިވެފައި ކަމަށް މައުލޫމާތު ލިބިފައިވެއެވެ.

މިއަދު، މ. ރަބީޢުވިލާ ގޭގެ ގްރައުންޑް ފްލޯގައި މަރުވެފައި އޮތް މީހަކު އޮއްވައި ފެނިފައިވާ ކަމަށް ފުލުހުން ވަނީ ބުނެފައެވެ. އެހެން ނަމަވެސް އެމީހާ އާއި ގުޅޭ ތަފްސީލެއް ފުލުުހުން ހާމައެއް ނުކުރެއެވެ. މިއަދު ފުލުހުން ވަނީ މާލެއިން މިމަހުގެ 16 ވަނަ ދުވަހުންފެށިގެން ޒުވާނަކު ގެއްލިފައިވާތީ އޭނާ ހޯދުމަށްވެސް އާއްމު އިއުލާނެއް ކޮށްފައެވެ.

ފުލުހުންގެ އިދާރާއިން ވިދާޅުވީ، މަރުވެފައި އޮތް މީހާ ފެނިފައި ވަނީ މާފަންނު ގެއެއްގެ ގްރައުންޑް ފްލޯއިން ކަމަށެވެ.

އަޙްމަދު އައިމަން އެންމެ ފަހުން ފެނިފައިވަނީ މެއި 16 ވަނަ ދުވަހުގެ 21:30 ހާއިރު، އޭނާ ދިރިއުޅޭ ގެއިން ކަމަށް އާއިލާއިން ފުލުހުންނަށް މައުލޫމާތުދީފައިވާކަމަށްވެސް ފުލުހުންގެ އިދާރާއިން ވަނީ ވިދާޅުވެފައެވެ.

އެމްއެންޑީއެފުން ވިދާޅުވީ އެދޯނި ފެނުނު ސަރަހައްދަށް ދިޔުމަށްޓަކައި ކޯސްޓްގާޑު ޝިޕް ޝަހީދު ޢަލީ މިހާރު ދަތުރުކުރަމުންދާ ކަމަށެވެ. ގެއްލިގެން ހޯދަމުން ދާ ދޯނި AAA-37 ދޯނި ފެނިގެން ރިޕޯޓްކޮށްފައި ވަނީ، ކަންނެލި މަސްވެރިކަން ކުރާ އުޅަނދެއް ކަމުގައިވާ އަސުރުމާ -3 އިންނެވެ. އަސުރުމާ-3 ދޯނިން ވަނީ، ގެއްލިގެން ހޯދާ AAA-37 ދޯނި ދަތުރުކުރަމުންދާ މަންޒަރު ފެންނަ ފޮޓޯއެއްވެސް އާއްމުކޮށްފައެވެ.

ރާއްޖެއިން އީރާނާއި އެކު ޤާއިމްކޮށްފައި އޮތް ގުޅުންތައް، މެދުއިރުމަތީގެ މަޝްރަހަށް އައި ބަދަލުތަކާއި ގުޅިގެން 2016 ވަނަ އަހަރު ކަނޑާލާފައިވެއެވެ. އޭގެ ފަހުން ދިވެހިރާއްޖެއިން އަލުން އީރާނާއި އެކު ގުޅުންތައް ޤާއިމްކުރިކަން އިޢުލާނުކުރީ، 2023 ވަނަ އަހަރުގެ ސެޕްޓެމްބަރު މަހު އޮތް، އދ. ގެ އާއްމު ބައްދަލުވުމުގެ ހަވާސާގެ ތެރެއިން، ފޮރިން މިނިސްޓްރީގެ ކުރީގެ ސްޓޭޓް މިނިސްޓަރ އަބްދުﷲ ޚަލީލް އާއި އިރާނުގެ ފޮރިން މިނިސްޓަރ ޑރ. ހުސެން އާމިރު އަބްދުﷲ ހިއާން ބޭއްވެވި ބައްދަލު ކުރެއްވުމަށް ފަހުގައެވެ.

ހެލިކޮޕްޓަރު ވެއްޓުމުގެ ހާދިސާގައި އީރާނުގެ ރައީސް އިބްރާހީމް ރައީސީގެ އިތުރުން، އީރާންގެ ފޮރިން މިނިސްޓަރ ހުސައިން އާމިރް ޢަބުދުލްލަހްޔާން އާއި، އީރާނުގެ އީސްޓް އަޒަރް ބައިޖާން ޕްރޮވިންސްްގެ ގަވަރުނަރު މާލިކް ރަޙްމަތީ އާއި ތަބްރީޒް ޕްރޮވިންސްގެ އިމާމް މުޙައްމަދު ޢަލީ އަލްޙާޝިމް ވަނީ އަވަހާރަވެފައެވެ. އަދި ހެލިކޮޕްޓަރުގެ ދެޕައިލެޓުންނާއި ކުރޫއިންވެސް ވަނީ މަރުވެފައެވެ.

އީރާންގެ ރައީސް އިބްރާހީމް ރައީސީ އަވަހާރަ ވުމާއި ގުޅިގެން، ރައީސްގެ ޒިންމާތަކާއި ހަވާލުވެ ވަޑައިގަންނަވާނީ، ނައިބު ރައީސް މުޙައްމަދު މޮޚްބަރ އައްޔަނުކުރައްވާނެއެވެ. މީގެ އިތުރުން ކުރިޔަށް އޮތް 50 ދުވަހުގެ ތެރޭގައި އައު އިންތިޚާބެއް ބާއްވަންވެސް ޤާނޫނުން ލާޒިމް ކުރެއެވެ.