އެމްޑީޕީގެ ރައީސް ޢަބުދުﷲ ޝާހިދު ވިދާޅުވީ، ކެމްޕޭން ދަތުރުގައި، ރަށްރަށުގެ ރައްޔިތުންގެ ފަރާތުން އިވުނީ ސަރުކާރާމެދު ކުރެވޭ ޝަކުވާގެ އަޑު ކަމަށެވެ. އަދި މިސްރާބު ހަމަމަގަށް ގެންދިޔުމަށް މުޅި ރާއްޖެއިން އެމްޑީޕީ ކެންޑިޑޭޓުންނަށް ވޯޓު ދެއްވުމަށް އެމަނިކުފާނު އެދިވަޑައިގެންނެވިއެވެ.

ރައީސް ޞާލިހް ވިދާޅުވީ، ރައީސް ޑރ. މުޙައްމަދު މުޢިއްޒު ދެއްކެވި ވާހަކަފުޅެއްގައި، ދިވެހިރާއްޖެއަށް އިންޑިއާއިން ދޫކޮށްފައިވާ ލޯނުތައް ރީސްޓްރަކްޗަރ ކުރަން ބޭނުންވާކަމަށާއި، އިންޑިއާއަކީ ރާއްޖޭގެ އެންމެ ގާތް ޤައުމު ކަމުގައި ވިދާޅުވެފައިވާ ކަމަށެވެ. އެހެން ނަމަވެސް މިއަދު ކުރިމަތިވެގެން މިއުޅޭ ދަތިކަމަކީ، އިންޑިއާ އިން ނަގާފައި ހުރި ލޯނުތަކުގެ މައްސަލަ ނޫންކަމުގައިވެސް ރައީސް ޞާލިޙް ވިދާޅުވިއެވެ.

މިސަރުކާރު އައިފަހުން، ރާއްޖެއަށް ޢަރަބި އިސްލާމީ ޤައުމުތަކުން ލިބުނު އެއްޗަކީ، ހަމައެކަނި 50 ޓަނުގެ ކަދުރުކަމުގައި ރައީސް ޞާލިޙް ވިދާޅުވި އިރު، އެ ކަދުރަކީ، ކޮންމެ ސަރުކާރެއް ރާއްޖޭގައި އޮތަސް ސަޢޫދީސަރުކާރުން ދިވެހިރާއްޖެއަށް ދެމުން އަންނަ ކަދުރެވެ.

ސްޓްލެކޯއިން މިއަދު އާއްމު ކުރި ބަޔާނެއްގައި ބުނީ، މާލެއާއި، ހުޅުލެ އަދި ހުޅުމާލޭގެ ކަރަންޓު އެއް ވިއުގައަކުން ގުޅާލުމަށް ޤާއިމްކޮށްފައިވާ ގްރޭޓާމާލޭ އިންޓަރކަނެކްޝަން ގްރިޑުގައި ހިމެނޭkV 132 ކޭބަލްތަކުގެ މައްޗަށް އެކި ހަރަކާތްތައް ބޭއްވުމަށާއި، އެކި ކަހަލަ ޕޯސްޓަރުތަކާއި އިސްތިހާރުތައް ޖެހުމަށްޓަކައި ދަނގަޑުފަދަ ތަކެތި ޖަހަމުންދާކަން ވަނީ ފާހަގަ ކުރެވިފައި ކަމަށާއި، "އިންޓަރކަނެކްޝަން" ވިއުގައިގެ ކޭބަލްތަކުގެ މައްޗަށް ދަނގަޑުޖަހައި ކޭބަލްތަކަށް ގެއްލުންވެދާނެ ގޮތްތަކަށް އަމަލު ކުރަމުންދާ އެންމެހާ ފަރާތްތަކުން އެފަދަ ކަންކަން ވަގުތުން ހުއްޓާލުމަށް އަންގާ ކަމަށެވެ.

ރައީސުލްޖުމްހޫރިއްޔާ ވިދާޅުވީ، ޖޫރިމަނާތައް މަޢާފްކުރެއްވުމުގެ އިތުރުން، ނުދެއްކި ހުރި ފައިސާ ލުއިގޮތަކަށް ދެއްކޭނޭ ގޮތަށް އެއްބަސްވުން ހެދުމަށްވެސް ކުންފުނިތަަކަށް އަންގަވާފައި ވާނެ ކަމަށެވެ.

ފުޓުބޯޅަ އެސޯސިއޭޝަން އޮފް ދަ މޯލްޑިވްސް (އެފްއޭއެމް) އާ ގުޅުންހުރި 1.9 މިލިއަން ޑޮލަރު (29.3 މިލިއަން ރުފިޔާ)ގެ މައްސަލަތަކެއް ތަހުގީގު ކުރަމުން ދަނިކޮށް، އިތުރު 1 މިލިއަން ޑޮލަރު (15.4 މިލިއަން ރުފިޔާ) ގެ އައު މައްސަލައެއް ފެންމަތިވެއްޖެކަމަށް ރިޕޯޓުކޮށްފިއެވެ.

ބެޑްމިންޓަން އެސޯސިއޭޝަނަށް ކުރެވޭ ކޮރަޕްޝަންގެ ތުހުމަތުތަކާއެކީ، އެ އެސޯސިއޭޝަންގެ ރައީސް މޫސާ ނާޝިދުގެ ކުޅިވަރު ސާމާނު ވިއްކާ ފިހާރައާއި، އޭނާއާ ގުޅުންހުރި އެހެން ތަންތަން އެންޓި ކޮރަޕްޝަން ކޮމިޝަނުން (އޭސީސީ) ބަލާފާސްކޮށްފިއެވެ.

އެމްޑީޕީގެ މިސްރާބު ހަމަ މަގަށް، މަޖިލިސް ކެމްޕޭނުގެ ތެރެއިން އަތޮޅުތެރެއަށް ކުރައްވަމުން ގެންދަވާ ދަތުރުފުޅުގައި، އެމްޑީޕީގެ ރައީސް ޢަބުދުﷲ ޝާހިދު ވަނީި، އިއްޔެ މ. ރަތްމަންދޫގައި ހުންނަވައިގެން އެރަށުގެ ތަރައްޤީގެ މަޝްރޫޢުތައް ހުއްޓިފައިވާކަން ބަޔާން ކުރައްވައި، އެމަނިކުފާނުގެ އަމިއްލަފުޅު ސޯޝަލް މީޑިއާއެކައުންޓްތަކުގައި ވީޑިއޯއެއް ޕޯސްޓް ކުރައްވާފައެވެ.

މޫސުމާއި ބެހޭ ޤައުމީ އިދާރާއިން ހާމަކޮށްފައިވާ ގޮތުގައި، މިއަދު 11:00ގައި ހުޅުލެއަށް 33.1 ޑިގްރީ ސެލްސިއަސްއަށް ހޫނުމިން މައްޗަށް ދިޔައިރު، ފިނިހޫނުމިން އިހްސާސްކުރެވޭ މިންވަރު ވަނީ 44.7 ޑިގްރީ ސެލްސިއަސްއަށް މައްޗަށް ގޮސްފައެވެ.

ފުލުހުންގެ އިދާރާއިން ވިދާޅުވީ، އެމީހާ ކަރަންޓްގައި ޖެހިފައި ވަނީ، ހުޅުާލެ ފޭސް 2 ގެ ހިޔާގެ 3 ވަނަ ޓަވަރު ކައިރީގައި ހުރި ޓްރާންސްފޯމަރ ތެރޭގައި ކަމަށެވެ. އޭނާ އެތަނުގައި ވެއްޓިފައި އޮއްވައި ފުލުހުންނަށް ފެނިފައި ވަނީ ރޭގެ ފަތިހު، 4:07 ހާއިރުގައި ކަމަށްވެސް ފުލުހުންގެ އިދާރާއިން ވިދާޅުވިއެވެ.

މި އަންނަ އެޕްރީލް މަހު ބޭއްވުމަށް ހަމަޖެހިފައިވާ ވިހި ވަނަ ރައްޔިތުންގެ މަޖިލީހުގެ އިންތިހާބުގައި ކޮލަމާފުށި ދާއިރާއަށް ވާދަކުރައްވާ ޕީޕީއެމް/ޕީއެންސީގެ ކެންޑިޑޭޓު، އިބްރާހިމް ދީދީގެ ކެމްޕެއިނަށް މާލޭ ސިޓީގެ ޑެޕިއުޓީ މޭޔަރު އަހުމަދު ނަރީޝް ގއ. މާމެންދޫއަށް ވަޑައިގެންނެވުމުން އެ ރަށު ބަނަދަރުގައި މާރާމާރި ހިންގައިފިއެވެ.

ރާއްޖޭގަ ދެވަނައަށް އެންމެ ބޮޑު އާބާދީއެއް ދިރިއުޅޭ އައްޑޫ ސިޓީއިން މިއަދުގެ މެންދުރުން ފެށިގެން ފެނުގެ ހިދުމަތް ވަނީ މެދެކެނޑިފައެވެ. ސަޕްލައި ފެނަށް ވަރަށް ބޮޑަށް ބަރޯސާވެފަ އޮންނަ އައްޑޫ ސިޓީގެ ގެތަކަށް މިކަމުގެ ސަބަބުން އަންނަނީ ދަތިތަކާ ކުރިމަތިވަމުންނެވެ.

މި މައްސަލައާ ގުޅިގެން ފުލުހުން ހާމަކޮށްފައިވާ ގޮތުގައި، ޓޭކްއަވޭ ވިޔަފާރިއަކަށް މީހަކު ގެއްލުންދިންކަމުގެ ރިޕޯޓު އެ އިދާރާއަށް ލިބިފައިވަނީ މިރޭ 7:00 ހާއިރުއެވެ. އަދި ފުލުހުން އެ ސަރަހައްދަށް ދިޔައިރު، މާރާމާރީ ހިންގުމަށްފަހު، މާރާމާރީ ހިންގި ގްރޫޕުން ފިލާފައިވާކަމަށް ވެސް ހާމަކޮށްފައިވެއެވެ.

މިނިސްޓަރ އިޙްސާން ވިދާޅުވީ، އެ ނިންމުމަކީ، ކޯޓުގެ ނިންމުމެއް ކަމަށެވެ، ސަރުކާރުގެ ނިންމުމެއް ނޫންކަމަށެވެ. އަދި ޕްރޮސެކިއުޓަރ ޖެނެރަލް ގެންދަވަނީ އެނިންމުން އިސްތިއުނާފު ކުރެއްވުމުގެ މަސައްކަތް ކުރައްވަމުން ކަމުގައިވެސް މިނިސްޓަރ އިޙްސާން ވިދާޅުވިއެވެ.

ފަލަސްތީނުގައި އިޒްރޭލުން ހިންގަމުންދާ ހަނގުރާމަ ހުއްޓާލުމަށް ގޮވާލާ ގަރާރެއް ކަމަށް އަޑު ފަތުރައި، އެމެރިކާއިން އެކުވެރި ދައުލަތްތަކުގެ (އ.ދ.) ސެކިއުރިޓީ ކައުންސިލަށް ހުށަހެޅި ގަރާރު ފާހެއް ނުވިއެވެ. ހުކުރު ދުވަހު ބޭއްވި ކައުންސިލް ބައްދަލުވުމުގައި ހުށަހެޅި މި ގަރާރު ފާސްވެފައި ނުވަނީ، އެ ކައުންސިލްގެ ދާއިމީ ދެ މެންބަރުން ކަމުގައިވާ ރަޝިއާ އާއި ޗައިނާ މި ގަރާރު ވީޓޯ ކުރުމުންނެވެ.

ކުޑަކުދިންނަށްކުރާ ޖިންސީ ގޯނާތަކާއި ގުޅޭ މައްސަލަތަކުގައި ހިމެނޭ މީހުން އަނބުރާ މުޖުތަމައުއަށް ދޫކޮށްލަން ޖެހުމަކީ ބަލައިގަނެވޭނެކަމެއް ނޫންކަމަށް ރައީސުލްޖުމްހޫރިއްޔާ ޑޮކްޓަރ މުޙައްމަދު މުއިއްޒު ވިދާޅުވެއްޖެއެވެ. ރައީސުލްޖުމްހުރިއްޔާ މިހެން ވިދާޅުވީ "އެކްސް" ގައި މިއަދު ކުރެއްވެވި ޕޯސްޓެއްގައެވެ.