Advertisement
އައިޝާ ނޫރްޢައިން ޖަނާޙް --
އެންމެ ފަހުން ނޫރްޢައިން މަޤާމުން އިސްތިޢުފާ ދެއްވައިިފި
އެމްއެމްޕީއާރްސީގެ ޗެއާ ޕަރސަންގެ މަޤާމުގައި ހުންނެވި، އައިޝާ ނޫރްޢައިން ޖަނާޙް، އެމަޤާމުން އިސްތިއުފާ ދެއްވައިފިއެވެ.
އޭނާ މަޤާމުން އިސްތިއުފާ ދެއްވިކަމުގެ އަޑުތައް ފެތުރުނު ނަމަވެސް އެކަމާއި ގުޅޭ ގޮތުން ނޫރްޢައިން އެއްވެސް ވާހަކަފުޅެއް ދައްކާވައެއް ނުވެއެވެ. އެހެން ނަމަވެސް ނޫރްޢައިން އާއި އާއިލީ ގުޅުން އޮންނަ ބައެއް ފަރާތްތަކުން ވަނީ ނޫރްޢައިން އިސްތިއުފާދެއްވިކަމުގައި މައުލޫމާތު ދެއްވާފައެވެ.
އައިޝާ ނޫރްޢައިން ޖަނާޢްއަކީ، ޕްރިންސިޕަލް އެޑްވައިޒާ އޮން ޓްރޭޑް އެންޑް އިންވެސްޓްްމަންޓު މުހައްމަދު ޢަލީ ޖަނާޙްގެ ދަރިކަނބަލުންނެވެެ. ޖަނާޙްއަކީ، މިސަރުކާރުގައި މުހިއްމު ދައުރެއް އަދާކުރައްވަމުންގެންދަވާ ބޭފުޅެކެވެ.
ނޫރްޢައިން މަޤާމުން އިސްތިއުފާ ދެއްވާފައި މިވަނީ، ޓުއަރިޒަމް މިނިސްޓަރ އިބްރާހީމް ފައިސަލްއަށް ރަނގަޅަށް އިނގިރޭސި ބަހުން ވާހަކަފުޅު ދައްކަވަން އެނގިވަޑައިނުގެން، ރާއްޖެ ތަމްސީލް ކުރަންޖެހޭ ބޮޑެތި ކޮންފަރެންސްތަކާއި ބައްދަލުވުންތަކުގައި ކޮށި އިނގިރޭސި ބަހުން ވާހަކަފުޅު ދައްކަވާތީ، ސިޔާސީ ފަރާތްތަކުންނާއި އާއްމު ފަރާތްތަކުގެ ފާޑުކިޔުންތައް އަމާޒުވި ދަނޑިވަޅުގައި، ނޫރްޢައިންގެ ޤާބިލްކަމާއި ވާހަކަދެއްކުންތެރިކަމަށް އާއްމުންނާއި ނޫސްތަކުން ވަރަށް ބޮޑަށް ތަޢުރީފްކޮށްފައިވާ ދަނޑިވަޅެއްގައެވެ. އެހެންވެ، ނޫރްޢައިން ޓުއަރިޒަމް މިނިސްޓަރުގެ މަޤާމަށް އައުމަށް މަސައްކަތް ކުރާކަމަށް ތުހުމަތުކޮށް ސަރުކާރުގެ ތެރެއިން ވަނީ އޭނާއަށް ފިއްތުންތައް ކުރިމަތި ކުރުވާފައި ކަމަށްވެސް މައުލޫމާތު ލިބެއެވެ.
