Advertisement

އިލެކްޝަންސް ކޮމިޝަންގެ ބައްދަލުވުމެއްގެ ތެރެއިން --

22 May 2024
ޚަބަރު
ޢަލީ ސުލައިމާން

އިއްޔެގެ ނިޔަަލަށް މާލީ ބަޔާން ހުށައެޅީ، 186 ކެންޑިޑޭޓުން

ނިމިިދިޔަ ރައްޔިތުންގެ މަޖިލީހުގެ އިންތިޚާބުގައި ވާދަކުރެއްވި ކެންޑިޑޭޓުންގެ ތެރެއިން އިއްޔެގެ ނިޔަަލަށް، މާލީ ބަޔާން ހުށައަޅުއްވާފައި ވަނީ، 186 ކެންޑިޑޭޓުންކަމުގައި އިލެކްޝަންސް ކޮމިޝަނުން ވިދާޅުވެއްޖެއެވެ.

އެކޮމިޝަނުން ވިދާޅުވީ، މާލީ ބަޔާން ހުށައެޅުއްވި 186 ކެންޑިޑޭޓުންގެ ތެރޭގައި ހިމެނެނީ، ޕާޓީތަކުން އިންތިޚާބުގައި ވާދަކުރެއްވި 127 ކެންޑިޑޭޓުންނާއި، އަމިއްލަގޮތުން އިންތިޚާބުގައި ވާދަކުރެއްވި 59 ކެންޑިޑޭޓުން ކަމަށެވެ. އަދި ކެންޑިޑޭޓުން މާލީ ބަޔާންތައް ހުށައެޅުމަށް ދީފައިވާ ސުންގަނޑި މިރޭގެ 23:59އަށް ހަމަވާނެ ކަމުގައިވެސް ކޮމިޝަނުން ވަނީ ވިދާޅުވެފައެވެ.

ކޮމިޝަނުން ވިދާޅުވީ، މިއަދާއި މިރޭވެސް ވަރަށް ގިނަ ކެނޑިޑޭޓުން މާލީ ބަޔާންތައް ހުށައަޅުއްވަމުން އެބަ ގެންދަވާ ކަމަށެވެ. ޤާނޫނު ބުނާ ގޮތުން، އިންތިޚާބުގައި ވާދަކުރެއްވި ކެންޑިޑޭޓުން އިންތިޚާބު ނިމޭތާ 30 ދުވަހުގެ ތެރޭގައި އިލެކްޝަންސް ކޮމިޝަނަށް މާލީ ބަޔާންތައް ހުށައަޅުއްވަންޖެހޭނެއެވެ. މިގޮތުން، ކެންޑިޑޭޓުންނަށް  [email protected] އަށް އީމެއިލްގެ ޒަރިއްޔާއިންވެސް މާލީ ބަޔާންތައް ހުށައެޅުއްވޭނެ ކަމުގައި ކޮމިޝަނުން ވިދާޅުވިއެވެ.

މީގެ އިތުރުން ދީފައިވާ ސުންގަނޑި ހަމަވުމަށްފަހުގައިވެސް މާލީ ބަޔާންތައް ހުށައެޅުމުގެ ފުރުޞަތު އޮންނާނެ ކަމަށާއި އެހެން ނަމަވެސް މާލީ ބަޔާންތައް ހުށަނާޅުއްވާ ފަރާތްތަކަށް ދަޢުވާކުރުމާއި މެދު ގޮތް ނިންމާނީ ކޮމިޝަންގެ ބައްދަލުވުމަކުން އެކަން ނިންމައިގެން ކަމުގައިވެސް އިލެކްޝަންސް ކޮމިޝަނުން ވިދާޅުވިއެވެ.

ނިމިދިޔަ 20 ވަނަ ރައްޔިތުންގެ މަޖިލީހުގެ އިންތިޚާބުގައި، 368 ކެންޑިޑޭޓުން ވާދަކުރެއްވިއެވެ. އިއްޔެގެ ނިޔަލަށް އޭގެ ތެރެއިން ދެބައިކުޅަ އެއްބައި ކެންޑިޑޭޓުން މާލީ ބަޔާންތައް ހުށައަޅާފައެއް ނުވެއެވެ.

ކޮމެންޓް
އިތުރު އާޓިކަލް
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.
02 Apr 2025
ޚަބަރު
ހޮޅުދޫ ބޯޓުގައި ރޯވެ އެބޯޓުގައި ހުރި ޒުވާނަކު ގެއްލިއްޖެ
އެމްއެންޑީއެފުން ވިދާޅުވީ، ގެއްލިގެން ހޯދަމުން ދަނީ، ލ.މާވަށަށް ނިސްބަތްވާ 25 އަހަރުގެ އަލީ މުޝްފިގް މުހައްމަދު ކަމަށެވެ. އޭނާގެ އިތުރުން އެބޯޓުން ދަތުރު ކުރި އެހެން މީހުން ވަނީ، ސަލާމަތް ވެފައެވެ. އޭގެ ތެރެއިން ދެމީހަކަށް، ތ. ކަނޑޫދޫ ޞިއްޙީ މަރުކަޒުގައި ފަރުވާދެމުން އަންނަ ކަމުގައިވެސް އެމްއެންޑީއެފުން ވިދާޅުވިއެވެ.