މާލޭގެ ސަރުކާރު ސްކޫލުތަކަށް ވަނުމަށާއި، ސަރުކާރު ސްކޫލުތަކުގެ ތެރެއިން އެއް ސްކޫލުން އަނެއް ސްކޫލަށް ކުދިން ބަދަލު ކުރުމަށް އެދި ހުށައެޅުމަށް ދިން ދެވަނަ ފުރުޞަތުގައި 293 ކުދިން ސްކޫލު ބަދަލު ކުރުމަށް ހުށައަޅާފައިވާ ކަމުގައި މިނިސްޓްރީ އޮފް އެޑިޔުކޭޝަނުން ވިދާޅުވެއްޖެއެވެ.

މިމަހުގެ 15 އަދި 16 ދެދުވަހު، ސްކޫލު ބަދަލުކުރަން ބޭނުންވާ ދަރިވަރުންގެ ފޯމް ހުށައެޅުމަށް ދިން ފުރުޞަތުގައި، އަތޮޅުތަކުގެ ސްކޫލުތަކުން މާލެއަށް 159 ދަރިވަރުން އަދި މާލޭގެ އެއްސްކޫލުން އަނެއް ސްކޫލަށް ބަދަލުވުމަށް 134 ދަރިވަރުން އަދި ރާއްޖެއިން ބޭރުްން މާލެއަށް ބަދަލުވާ 3 ދަރިވަރުންނާއި ޕްރައިވެޓް ސްކޫލުތަކުން ސަރުކާރުގެ ސްކޫލުތަކަށް 17 ދަރިވަރަކު ބަދަލުކޮށްދިނުމަށް އެދި ފޯމް ހުށައަޅާފައިވެއެވެ.

މިނިސްޓްރީ އޮފް އެޑިޔުކޭޝަނުން ދަނީ، ސްކޫލު ބަދަލުވާން އެދި ހުށައަޅާ ފޯމްތައް ބަލައި، ޖާގަ އޮތް ސްކޫލުތަކުން ޖާގަ ހަމަޖައްސައި ދެމުންްނެވެ. 

މިފެށޭ ދިރާސީ އަހަރުގެ ކިޔެވުން އަންނަ ހަފްތާގެ އާދީއްތަ ދުވަހު ފެށޭއިރު، މިހާތަނަށް 924 ދަރިވަރަކު ވަނީ އަތޮޅުތަކުގެ ސްކޫލުތަކުން މާލެއަށް ބަދަލުވުމަށް އެދި ފޯމް ހުށައަޅާފައެވެ.

އަދި މިހާތަނަށް، ޖުމުލަ 4410 ފޯމް ވަނީ ސްކޫލް ބަދަލުކުރަން ހުށައަޅާފައެވެ.