ދިރާސީ އައު އަހަރުގެ ކިޔެވުން ފެށުމާއި ގުޅޭ ގޮތުން މިއަދު މިނިސްޓްރީ އޮފް އެޑިޔުކޭޝަނުން ސްކޫލުތަކަށް ފޮނުވި ސަރކިއުލާގައި ބުނެފައި ވަނީ، މިދުވަސްވަރަކީ، ރާއްޖޭގެ އެކި ހިސާބުތަކަށް ގަދަ ވަޔާއި އެކު ބޯކޮށް ވާރޭވެހި، ކަނޑުތައް ގަދަވުމުގެ ސަބަބުން ދަތުރު ފަތުރު ކުރުމަށް ބުރޫއަރާފައިވާ ދުވަސްވަރަކަށް ވުމާއި އެކު، ކުރިމަތިވެފައިވާ އުނދަގޫ މޫސުމީ ޙާލަތަށް ރިޢާޔަތްކޮށް، ދަރިވަރުންނަށް ފިލާވަޅުތައް ގެއްލޭ މިންވަރު ކުޑަކުރުމަށް އިންތިޒާމްތައް ހަމަޖެއްސުމަށްޓަކައި، އާދީއްތަ ދުވަހުން ފެށިގެން އަންގާރަ ދުވަހާއި ހަމައަށް، ސްކޫލުތަކުގެ ކިޔަވައިދޭ ދަންފަޅިތައް ކުރުކޮށް ގެންދިޔުމަށް މިނިސްޓްރީން ނިންމާފައިވާ ކަމަށެވެ. މިގޮތުން ކިޔަވައިދޭ ކޮންމެ ދަންފަޅިއެއްވެސް 2 ގަޑި އިރާއި، 3 ގަޑި އިރާއި ދެމެދަށް ފައްތައިގެން ކުރިޔަށް ގެންދިޔުމަށް މިނިސްޓްރީ ވަނީ ސްކޫލުތަކަށް އަންގާފައެވެ.

މިމަހުގެ 15 އަދި 16 ދެދުވަހު، ސްކޫލު ބަދަލުކުރަން ބޭނުންވާ ދަރިވަރުންގެ ފޯމް ހުށައެޅުމަށް ދިން ފުރުޞަތުގައި، އަތޮޅުތަކުގެ ސްކޫލުތަކުން މާލެއަށް 159 ދަރިވަރުން އަދި މާލޭގެ އެއްސްކޫލުން އަނެއް ސްކޫލަށް ބަދަލުވުމަށް 134 ދަރިވަރުން އަދި ރާއްޖެއިން ބޭރުްން މާލެއަށް ބަދަލުވާ 3 ދަރިވަރުންނާއި ޕްރައިވެޓް ސްކޫލުތަކުން ސަރުކާރުގެ ސްކޫލުތަކަށް 17 ދަރިވަރަކު ބަދަލުކޮށްދިނުމަށް އެދި ފޯމް ހުށައަޅާފައިވެއެވެ.

މިނިސްޓްރީ އޮފް ހަޔަރ އެޑިޔުކޭޝަން، ލޭބަރ އެންޑް ސްކިލްސް ޑިވެލޮޕްމަންޓުން ވިދާޅުވީ، 2023 ވަނަ އަހަރު މަތީ ސާނަވީ އިމްތިހާނު ފުރިހަމަކުރި ދަރިވަރުންގެ ތެރެއިން ރައީސުލްޖުމްހޫރިއްޔާ ދެއްވާ ޚާއްޞަ ސްކޮލަރޝިޕަށް ޝަރުތުހަމަވާ ދަރިވަރުން މި ސްކޮލަރޝިޕަށް އެދުމުގެ ފުރުސަތު 31 ޖުލައި 2024 ވާ ބުދަ ދުވަހުގެ 13:30 އާއި ހަމައަށް ހުޅުވާލާފައި ވާކަމަށެވެ. އަދި މި ސްކޮލަރޝިޕްގެ އުޞޫލުގައި އޮންނަ ގޮތުން، ކުރިއަށް އޮތް 18 މަސްދުވަހުގެ ތެރޭގައި މި ފުރުޞަތުގެ ބޭނުން ހިފައި ކިޔަވަން ފަށަން ލާޒިމުކުރާތީ ދަރިވަރުން މިކަން ކުރިއަށް ގެންދެވުން އަވަސްކުރެއްވުމަށް ސަމާލުކަން ދެއްވުމަށްވެސް އެމިނިސްޓްރީން ވަނީ އެދިވަޑައިގެންފައެވެ.

ނިމިދިޔަ އެމްޑީޕީ ސަރުކާރުގައި، ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިހްވެސް އެގޮތަށް ނިންމަވާއިފައި ވާތީ، މިސަރުކާރު އައި އިރުވެސް ސްޓޫޑެންޓް ލޯނު ސްކީމުގެ ދަށުން ޝަރުތު ހަމަވާ ހުރިހާ ދަރިވަރުންނަށްވެސް އައި ލޯނު ދޫކުރަމުންނެވެ.

ހަޔަރ އެޑިޔުކޭޝަން މިނިސްޓްރީން ބުނީ، ސްޓޫޑެންޓް ލޯނަށް އެދި ހުށައެޅުމަށް މިހާރު ދީފައިވާ މުއްދަތު، މެއި 2 ވާ ބުރާސްފަތު ދުވަހުގެ މެންދުރުފަހު 1:30އަށް މިހާރު އިތުރުކޮށްދީފައި ވާކަމަށެވެ. މިގޮތުން ލޯނަށް އެދި ހުށައަޅަންޖެހޭނީ އެކަމަށްޓަކައި ޤާއިމްކޮށްފައިވާ ޕޯޓަލް މެދުވެރިކޮށް ކަމުގައިވެސް ހަޔަރ އެޑިޔުކޭޝަނުން ވަނީ ބުނެފައެވެ. އަދި ކޮންމެ ދަރިވަރަކަށްވެސް ހުށައެޅޭނީ އެއް އެޕްލިކޭޝަން ފޯމު ކަމުގައިވެސް ހަޔަރ އެޑިޔުކޭޝަނުން ވަނީ ވިދާޅުވެފައެވެ.

ހަތްހާހަށް ވުރެ ގިނަ ދަރިވަރުން ބައިވެރިވާ ސެކަންޑަރީ ސްކޫލް ސެޓްފިކެޓް އިމްތިހާން (އެސް.އެެސް.ސީ) އިމްތިހާން މުޅި ރާއްޖޭގައި މިއަދު ފަށައިފިއެވެ. ސެކަންޑަރީ ސްކޫލް ސެޓްފިކެޓް އިމްތިހާނަކީ، ދަށު ސާނަވީ ނިންމާ ދަރިވަރުންނަށް ދެވޭ އިމްތިހާނެކެވެ. މިއީ ޤައުމީ ފެންވަރުގެ އިމްތިޙާނެކެވެ. އެސްއެސްއީ އިމްތިހާނުގައި މިއަދު ބާއްވާފައި ވަނީ އިސްލާމް މާއްދާގެ އިމްތިޙާނެވެ.

ރައްޔިތުންގެ މަޖިލީހުގެ އިންތިހާބާ ގުޅިގެން ސްކޫލް ކުދިންގެ އިމްތިހާނު އަވަސް ކުރުމަށް ކުރިން ނިންމާފައި އޮތް ނަމަވެސް، އެކަން މިހާރު ބަދަލުކުރަން ނިންމާފައިވާކަމަށް ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒުވަނީ ރޭ ވިދާޅުވެފައެވެ. ނަމަވެސް، މި މަހުގެ ކުރީކޮޅު އެޑިއުކޭޝަން މިނިސްޓްރީއިން އިމްތިހާނުތައް އަވަސްކުރުމަށް އެދި ސާކިއުލާ ފޮނުވުމާ ގުޅިގެން ބައެއް ސްކޫލުތަކުގެ ބައެއް އިމްތިހާނުތައް މިހާރު ބާއްވާފައިވާކަން މި ނޫހަށް ވަނީ އެނގިފައެވެ.

ރައްޔިތުންގެ މަޖިލީހުގައި ވަޒީރުންނާއި ސުވާލު ކުރުމުގެ ވަގުތުގައި، ސްކޫލުތަކުގެ ޢުމްރާނީ ތަރައްޤީއަށް ފަށާފައި ހުރި، މަޝްޢޫރުތަކާއި ގުޅޭ ގޮތުން މެމްބަރުން ކުރެއްވި ސުވާލުތަކަށް ޖަވާބު ދެއްވަމުން މިނިސްޓަރ ޝަފީޢު ވިދާޅުވީ ސަރުކާރު ބަދަލުވި އިރު، 107 މަޝްރޫޢެއް ހިނގަމުން ދިޔަ ކަމަށެވެ. އޭގެ ތެރެއިން ބައެެއް މަޝްރޫޢުތައް ހުއްޓިފައިވާއިރު، އަނެއްބައި މަޝްރޫޢުތައް ލަސްދުވެއްޔެގައި ކުރިޔަށްދާކަން މިނިސްޓަރ ފާހަގަކުރެއްވިއެވެ.

މިނިސްޓަރ ވިދާޅުވީ، ހުޅުމާލެ 2 ވަނަ ފިޔަވަހީގައި ދިރިއުޅޭ ވަރަށް ގިނަ އަދަދެއްގެ ރައްޔިތުންގެ 2 ވަނަ ފިޔަވިހީގެ ސްކޫލުން ޖާގައަށް އެދި މިނިސްޓްރީއަށް ތަކުރާރުކޮށް ހުށަހަޅަމުންދާ ކަމަށެވެ. ހުޅުމާލެ ދެވަނަ ފިޔަވަހީގައި އެޅި ދެ ސްކޫލުގެ ތެރެއިން ޞަލާޙުއްދީން ސްކޫލު ދެ ދަންފަޅިއަށް ބަދަލުކޮށްގެން ޖާގަ ބޭނުންވާ ކުދިންނަށް ޖާގަ ދިނުމަށް މިނިސްޓްރީން ނިންމާފައި ވާއިރު، އެއް ދަންފަޅިއަށް ކިޔަައިދޭ އެސްކޫލުގައި މިހާރުވެސް 2054 ދަރިވަރުން އަންނަނީ ތަޢުލީމު ހާސިލްކުރަމުންނެވެ.

މޯލްޑިވްސް ކޮލިފިކޭޝަން އޮތޯރިޓީ، އެމްކިއުއޭގެ ޗީފް އެގްޒެކެޓިވް އޮފިސަރުގެ މަޤާމަށް މަތީ ތަޢުލީމާއި މަސައްކަތްތެރިކަމާއި ހުނަރުތައް ތަރައްޤީކުރުމާ ބެހޭ ވުޒާރާގެ ސްޓޭޓް މިނިސްޓަރ މަރްޔަމް ފިޒާނާ ރަޝީދު ޢައްޔަންކުރައްވައިފިއެވެ.

ތުރުކީވިލާތުން ރާއްޖެއަށް ދޭ 30 ސްކޮލަރޝިޕްގެ ފުރުސަށް ކުރިމަތިލާން ހަޔަރ އެޑިއުކޭޝަން މިނިސްޓްރީން ހުޅުވާލައިފިއެވެ.

ހުނަރު ވެހި ހުޅުމުގެ އިތުރުން، ދަރިވަރުންނަށް ހުނަރު ދަސްކޮށްދިނުމަށް ގާއިމުކުރެވުނު އެ ސްކޫލުގެ "ދަސްވެށި" އަދި ލެއިޝަރ ރޫމެއްގެ ގޮތައް ގާއިމުކުރި "މަރިޔާދު" ވެސް ވަނީ ހުޅުވާފައެވެ. އެގޮތުން، ދަސްވެށި ހުޅުއްވައިދެއްވީ އެމް.އޭ.ސީ.އެލްގެ ސީ.އީ.އޯ އަދި އެމް.ޑީ އިބްރާހިމް ޝަރީފް މުހައްމަދު އަދި މަރިޔާދު ހުޅުއްވައި ދެއްވީ ހަޔަރ އެޑިއުކޭޝަން މިނިސްޓަރ މަރިޔަމް މާރިޔާއެވެ.

ގްރޭޑް 10ގެ ދަރިވަރުންގެ ދެވަނަ ޓާމް ޓެސްޓް ރޯދައިގެ ކުރިން ބާއްވަން އެޑިއުކޭޝަން މިނިސްޓްރީން ސްކޫލްތަކަށް އަންގައިފިއެވެ.

ކިޔެވުމުގެ ދަންފަޅިން ވަގުތު ނުގެއްލޭ ގޮތަށް ސްކޫލުގައި ހަރަކާތްތައް ހިންގަން އެޑިއުކޭޝަން މިނިސްޓަރު ޑރ. އިސްމާއިލް ޝަފީއު އަންގަވައިފިއެވެ.

ރާއްޖޭގެ ސްކޫލްތަކަށް ބޭނުންވާ ޕްރިންސިޕަލުން ތަމްރީނު ކުރުމަށް ކުރިއަށްގެންދާ ސްކޮލަރޝިޕްގެ 2 ވަނަ ބުރުގައި ސްކޮލަރޝިޕް ލިބުނު ޕްރިންސިޕަލުންނަށް ލިޔުން ހަވާލުކޮށްފިއެވެ.

މިނިސްޓްރީ އޮފް އެޑިޔުކޭޝަނުން ވިދާޅުވީ، އެ ފަހުމުނާމާާގައި ސޮއިކުރުމުގެ ބޭނުމަކީ، ރާއްޖޭގެ އެކި ސަރަޙައްދުތަކުގައި ޤާއިމުކުރެވޭ ޓެކްނިކަލް އިންސްޓިޓިއުޓްތަކުގައި ކުރިއަށް ގެންދާ، ޓެކްނިކަލް ވޮކޭޝަނަލް އެޑިޔުކޭޝަނަލް ކޯސްތަކުގައި ސްކޫލް ދަރިވަރުނަށް ބައިވެރިވެވޭނެ ފުރުޞަތު ފަހިކޮށްދިނުން ކަމަށެވެ.