ކުރިޔަށް އޮތް ދިރާސީ އައު އަހަރުގެ ކަލަންޑަރު މިނިސްޓްރީ އޮފް އެޑިޔުކޭޝަނުން އާއްމުކޮށްފިއެވެ.

އިއްޔެ އާއްމު ކުރި ދިރާސީ ކަލަންޑަރުގައި ވާގޮތުން، މިއަހަރުގެ ސްކޫލު ބަންދަށްފަހު ދެން ސްކޫލުތައް ހުޅުވޭނީ އޭޕްރީލް މަހުގެ 7 ވަނަ ދުވަހުގައެވެ. އަދި ޖުލައި 24 ގައި ފުރަތަމަ ޓާމު ނިންމާއިރު، ދެވަނަ ޓާމުގެ ކިޔެވުން ފަށާނީ، އޮގަސްޓް 10 ގައެވެ.

މީގެ އިތުރުން ދިރާސީ އަހަރު ނިންމައި ސްކޫލުތައް ބަންދު ކުރާނީ މިއަހަރުގެ ޑިސެމްބަރު މަހުގެ 28 ގައެވެ.

ދިރާސީ އަހަރު ފެށުން ކުރިން އޮތް ގޮތަށް ޖެނުއަރީ މަހަށް ބަދަލު ކުރުމަށް ސަރުކާރުން ނިންމާފައިވާ އިރު 2026 ވަނަ އަހަރުގެ ދިރާސީ އަހަރުގެ ކިޔެވުން ފަށާނީ، ޖެނުއަރީ މަހުގެ 27 ވަނަ ދުވަހުގައެވެ. 

ދިރާސީ އަހަރު އޮގަސްޓްމަހު ފަށާގޮތަށް ކުރީ ސަރުކާރުން ބަދަލުކުރީ، ކޯވިޑް-19ގެ ހާަލަތާއި ގުޅިގެން 2020 ވަނަ އަހަރުގެ ދިރާސީ އަހަރު ދޮޅު އަހަރަށް ދިގުދަންމާލުމަށް ފަހުގައެވެ.