Advertisement

30 Mar 2024
ޚަބަރު

ސްކޫލުތަކުގެ އިމްތިހާނު ފަސްކުރަން ނިންމިއިރު، ބައެއް ސްކޫލުތަކުން ބައެއް އިމްތިހާނުތައް ބާއްވައިފި

ރައްޔިތުންގެ މަޖިލީހުގެ އިންތިހާބާ ގުޅިގެން ސްކޫލް ކުދިންގެ އިމްތިހާނު އަވަސް ކުރުމަށް ކުރިން ނިންމާފައި އޮތް ނަމަވެސް، އެކަން މިހާރު ބަދަލުކުރަން ނިންމާފައިވާކަމަށް ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒުވަނީ ރޭ ވިދާޅުވެފައެވެ. ރައީސުލްޖުމްހޫރިއްޔާ މިހެން ވިދާޅުވީ ސަންގު ޓީވީގެ ޕްރޮގްރާމެއްގައި ވާހަކަފުޅު ދައްކަވަމުންނެވެ.

ނަމަވެސް، މި މަހުގެ ކުރީކޮޅު އެޑިއުކޭޝަން މިނިސްޓްރީއިން އިމްތިހާނުތައް އަވަސްކުރުމަށް އެދި ސާކިއުލާ ފޮނުވުމާ ގުޅިގެން ބައެއް ސްކޫލުތަކުގެ ބައެއް އިމްތިހާނުތައް މިހާރު ބާއްވާފައިވާކަން މި ނޫހަށް ވަނީ އެނގިފައެވެ.

މި ހިންގާ މާޗު މަހުގެ 17 ވަނަ ދުވަހު ބާއްވާ ގޮތަށް ކުރިން ހަމަޖެހިފައިއޮތް ރައްޔިތުންގެ މަޖިލީހުގެ އިންތިހާބު، މި އަންނަ އެޕްރީލް މަހުގެ 21 ވަނަ ދުވަހަށް ފަސްކުރުމާ ގުޅިގެން، އެ ތާރީހާ ސްކޫލު ކުދިންގެ އިމްތިހާނާ ދިމާވާތީ، އިމްތިހާނު އަވަސް ކުރުމަށް މި މަހުގެ ކުރީކޮޅު ސަރުކާރުން ވަނީ ކުރިން ނިންމާފައެވެ.

މި ނިންމުމާ ގުޅިގެން މިނިސްޓްރީ އިން މި މަހުގެ ކުރީކޮޅު ސްކޫލުތަކަށް ފޮނުވި ސާކިއުލާގައި ބުނީ 2023/2024 ގެ ދިރާސީ ކަލަންޑަރުގައި ގްރޭޑު 7،8 އަދި 9ގެ ދަރިވަރުންގެ އިމްތިހާނު ބޭއްވުމަށް 16 އޭޕްރީލް އިން 27 އަށް ކަނޑައަޅާފައިވީ ނަމަވެސް، މަޖިލިސް އިންތިހާބާ އެ ތާރީހާ ދިމާވާތީ އިންތިހާބު ފަށާ ތާރީހަށް މިހާރު ބަދަލު ގެނެސްފައިވާ ކަމަށެވެ. އެގޮތުން މާޗު މަހުގެ 27 އާއި އަންނަ މަހުގެ 25 އާ ދެމެދު، ރަސްމީ ދުވަސްތަކުގައި އިމްތިހާނުތައް ބާއްވާ ނިންމަން އެ ސާކިއުލާގައި އެދިފައި އޮތެވެ. ނަމަވެސް އިމްތިހާނަށް ތައްޔާރުވުމަށް އޮތް މުއްދަތު ކުޑަ ވުމުން، ބެލެނިވެރިންނާ ދަރިވަރުން އެކަމާ ހިންހަމަ ނުޖެހުން ފާޅު ކުރިއެވެ.

މި މައްސަލައާ ގުޅިގެން ރައީސުލްޖުމްހޫރިއްޔާ ރޭގެ ޕްރޮގްރާމުގައި އިތުރަށް ވިދާޅުވެފައިވަނީ، އެޑިއުކޭޝަން މިނިސްޓަރު ޑރ. އިސްމާއީލް ޝަފީއުއާ ވާހަކަފުޅު ދައްކަވައިގެން، އެ އިމްތިހާނުތައް އަވަސް ނުކުރާ ގޮތަށް ހަމަޖައްސާނެކަމަށާއި އެފަދަ ކަންކަން ރާއްވަވާނީ، ބެލެނިވެރިންނާއި ދަރިވަރުންނަށް ދަތިނުވާ ގޮތަށް ކަމަށެވެ.

ނަމަވެސް ރައީސުލްޖުމްހޫރިއްޔާ މިހެން ވިދާޅުވިއިރު، މި ކަން އަދި ސްކޫލުތަކަށް މިނިސްޓްރީއިން އަންގާފައެއް ނުވެއެވެ. އެހެންކަމުން ކުރީގެ ސާކިއުލާއާ އެއްގޮތަށް ބައެއް ސްކޫލުތަކުން މިހާރު ވަނީ ބައެއް މާއްދާތަކުގެ އިމްތިހާނުތައް ބާއްވާފައެވެ.

ކޮމެންޓް
އިތުރު އާޓިކަލް
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.
02 Apr 2025
ޚަބަރު
ހޮޅުދޫ ބޯޓުގައި ރޯވެ އެބޯޓުގައި ހުރި ޒުވާނަކު ގެއްލިއްޖެ
އެމްއެންޑީއެފުން ވިދާޅުވީ، ގެއްލިގެން ހޯދަމުން ދަނީ، ލ.މާވަށަށް ނިސްބަތްވާ 25 އަހަރުގެ އަލީ މުޝްފިގް މުހައްމަދު ކަމަށެވެ. އޭނާގެ އިތުރުން އެބޯޓުން ދަތުރު ކުރި އެހެން މީހުން ވަނީ، ސަލާމަތް ވެފައެވެ. އޭގެ ތެރެއިން ދެމީހަކަށް، ތ. ކަނޑޫދޫ ޞިއްޙީ މަރުކަޒުގައި ފަރުވާދެމުން އަންނަ ކަމުގައިވެސް އެމްއެންޑީއެފުން ވިދާޅުވިއެވެ.