ޑިޕާޓްމެންޓް އޮފް ޕަބްލިކް އެގްޒެމިނޭޝަނުން ވިދާޅުވީ، އެހެން އަހަރު ތަކެކޭވެސް އެއްފަދައިން މިއަހަރުވެސް ދަރިވަރުންނަށް ސެންޓަރުތަކުން ނަތީޖާ ދޫކުރަމުންދާނެ ކަމަށާއި، ސެންޓަރތަކުން ކެނޑިޑޭޓުންނަށް ނަތީޖާ ދޫކުރާނީ މިއަދުގެ 12.00 އިން ފެށިގެން ކަމަށެވެ.

މިނިސްޓަރގެ ވާހަކަފުޅުގައި ވިދާޅުވީ، ކޫލް ސްކޫލެއްގައި ހިތަސް ފިނިކަން ލިބޭނެ ކަމަށާއި، އުފާވެރިކަން އިޙްސާސް ވާނެ ކަމަށެވެ. އަދި ފިނިކަމާއި އެކުގައި ދަރިވަރުންގެ އުޅުމާއި ސްލޫކަށް ހެޔޮ ބަދަލުތަކެއް އަންނާނެ ކަމުގައިވެސް މިނިސްޓަރ ވިދާޅުވިއެވެ.

މާފުށީ ސްކޫލް އޭސީ ކުރުމުގެ މަސައްކަތް ކުރިޔަށް ގެންދަނީ، މާފުށީ ކައުންސިލުން އިސް ނަގައިގެން، އެރަށުގެ ލޯކަލް އޮތޯރިޓީ ކުންފުންޏާއި ހަވާލުކޮށްގެންނެވެ. މާފުށީ ކައުންސިލުން ހާމަކޮށްފައިވާ ގޮތުގައި، މާފުށީ ސްކޫލުގެ ކްލާސްރޫމްތައް އޭސީ ކުރުމުގެ މަސައްކަތް އެއްމަސްދުވަހުގެ ތެރޭގައި ނިންމާނެއެވެ.

ދިރާސީ އައު އަހަރު މިއަދު ފެށިގެން ދިޔުމާއި ގުޅުވައި އެމްޑީޕީން ނެރުނު ބަޔާނުގައި ބުނެފައި ވަނީ، ގިނަ ބެލެނިވެރިން ދަނީ ސްކޫލު ހުޅުވުނު އިރުވެސް ދަރިވަރުންގެ ފޮތްތައް ހަމަނުވާކަމުގެ ޝަކުވާތައް ކުރަމުން ކަމަށެވެ. އަދި ސްކޫލުތަކަށް ބޭނުންވާ ޓީޗަރުން ހަމަނުވާކަމުގެ ޝަކުވާ ގިނަ ޕްރިންސިޕަލުންނާއި ޓީޗަރުންދަނީ ކުރަމުން ކަމަށާއި އަދި އެކަމާއި ނުރުހިގެން ސޯޝަލް މީޑިޔާގައި މުވައްޒަފަކު ޚިޔާލެއްފާޅުކޮށްފިނަމަ އެ މީހަކަށް ފިޔަވަޅު އަޅާކަމުގެ ޝަކުވާތައްވެސް ލިބެމުންދާ ކަމުގައި އެމްޑީޕީން ނެރުނު ބަޔާނުގައި ބުނެފައިވެއެވެ.

މިނިސްޓްރީ އޮފް އެޑިޔުކޭޝަނުން ހާމަކޮށްފައިވާ ގޮތުގައި ދިރާސީ އައު އަހަރުގެ ކިޔެވުން މިއަދު ފެށި އިރު، ސްކޫލުތަކުގައި، 96000 ވުރެ ގިނަ ކުދިން ކިޔަވާނެއެވެ. އަދި ދިރާސީ އަހަރުގެ ކިޔެވުން މިއަދު ފެށި އިރު އަތޮޅުތަކުގެ ސްކޫލުތަކުން މާލޭގެ ސްކޫލުތަކަށް، 1126 ދަރިވަރުން ވަނީ ބަދަލުވެފައެވެ.

ދިރާސީ އައު އަހަރުގެ ކިޔެވުން ފެށުމާއި ގުޅޭ ގޮތުން މިއަދު މިނިސްޓްރީ އޮފް އެޑިޔުކޭޝަނުން ސްކޫލުތަކަށް ފޮނުވި ސަރކިއުލާގައި ބުނެފައި ވަނީ، މިދުވަސްވަރަކީ، ރާއްޖޭގެ އެކި ހިސާބުތަކަށް ގަދަ ވަޔާއި އެކު ބޯކޮށް ވާރޭވެހި، ކަނޑުތައް ގަދަވުމުގެ ސަބަބުން ދަތުރު ފަތުރު ކުރުމަށް ބުރޫއަރާފައިވާ ދުވަސްވަރަކަށް ވުމާއި އެކު، ކުރިމަތިވެފައިވާ އުނދަގޫ މޫސުމީ ޙާލަތަށް ރިޢާޔަތްކޮށް، ދަރިވަރުންނަށް ފިލާވަޅުތައް ގެއްލޭ މިންވަރު ކުޑަކުރުމަށް އިންތިޒާމްތައް ހަމަޖެއްސުމަށްޓަކައި، އާދީއްތަ ދުވަހުން ފެށިގެން އަންގާރަ ދުވަހާއި ހަމައަށް، ސްކޫލުތަކުގެ ކިޔަވައިދޭ ދަންފަޅިތައް ކުރުކޮށް ގެންދިޔުމަށް މިނިސްޓްރީން ނިންމާފައިވާ ކަމަށެވެ. މިގޮތުން ކިޔަވައިދޭ ކޮންމެ ދަންފަޅިއެއްވެސް 2 ގަޑި އިރާއި، 3 ގަޑި އިރާއި ދެމެދަށް ފައްތައިގެން ކުރިޔަށް ގެންދިޔުމަށް މިނިސްޓްރީ ވަނީ ސްކޫލުތަކަށް އަންގާފައެވެ.

ރާއްޖެއަށް މިދުވަސްވަރު ކުރަމުންދާ ވިއްސާރައާއި ގުޅިގެން ކަނޑުމަގުން ކުރާ އާއްމު ދަތުރުފަތުރަށް ހުރަސް އެޅި، ގިނަ އަދަދެއްގެ މުދައްރިސުން ތިބީ މާލޭގައި ތާށިވެފައެވެ. ސްކޫލު ބަންދުގައި ސިއްޙީ ބޭނުންތަކަށާއި، އެހެނިހެން ބޭނުންތަކަށް މުދައްރިސުންވެސް މާލެއަށް އަންނައިރު، އެނބުރި ރަށަށް ފުރޭނެ ގޮތެއް ނެތިފައި ގިނަ އަދަދެއްގެ މުދައްރިސުން މާލޭގައިވެސް އެބަތިއްބެވެ. މޫސުމް ގޯސްވުމުގެ ސަބަބުން އަތޮޅުތަކަށް ކުރާ ލޯންޗު ދަތުރުތަކުުގެ ޝެޑިއުލަށްވެސް ބުރޫ އަރާފައި ވާއިރު، ކަނޑުމަގުން އަތޮޅުތެރެއަށް ކުރާ ލޯންޗު ދަތުރުތައް އޮތީ ގާތްގަނޑަކަށް ހުއްޓިފައެވެ.

މާލޭގެ ސްކޫލުތަކުންނާއި އަތޮޅުތަކުގެ ސްކޫލުތަކުގައި ފޮތްތައް ދޫކުރަން ފަށާފައި ވީނަމަވެސް، މާލޭގައިވެސް ބައެއް ގްރޭޑްތަކުގެ ޓެކްސްޓް ފޮތްތައް އަދިވެސް ނުލިބޭތީ ދުލެއް ނުކުރެއެވެ. އަދި މޫސުމް ގޯސްވުމާއި ދަތުރުފަތުރުގެ ދަތިތަކާއި ހުރެ ދެކުނާއި އުތުރުގެ ބައެއް އަތޮޅުތަކުގެ ރަށްރަށުގެ ސްކޫލުތަަކަށް ޓެކްސްޓް ފޮތްތައް ލިބިފައި ނުވާކަމަށް، ބައެއް ސްކޫލުތަކުގެ އިސްވެރިން ވިދާޅުވިއެވެ.

މިމަހުގެ 15 އަދި 16 ދެދުވަހު، ސްކޫލު ބަދަލުކުރަން ބޭނުންވާ ދަރިވަރުންގެ ފޯމް ހުށައެޅުމަށް ދިން ފުރުޞަތުގައި، އަތޮޅުތަކުގެ ސްކޫލުތަކުން މާލެއަށް 159 ދަރިވަރުން އަދި މާލޭގެ އެއްސްކޫލުން އަނެއް ސްކޫލަށް ބަދަލުވުމަށް 134 ދަރިވަރުން އަދި ރާއްޖެއިން ބޭރުްން މާލެއަށް ބަދަލުވާ 3 ދަރިވަރުންނާއި ޕްރައިވެޓް ސްކޫލުތަކުން ސަރުކާރުގެ ސްކޫލުތަކަށް 17 ދަރިވަރަކު ބަދަލުކޮށްދިނުމަށް އެދި ފޯމް ހުށައަޅާފައިވެއެވެ.

ޑރ. ޙަސަން ޙަމީދަކީ، ރާއްޖޭގައި ހުންނެވި އެންމެ ތަޖުރިބާކާރު ބޭފުޅާއެވެ. ތަޢުލީމީ ދާއިރާއަށް ދިގު މުއްދަތެއްގައި ޚިދުމަތް ކުރައްވާފައިވާ، ޑރ. ޙަސަން ޙަމީދު އެމަނިކުފާނުގެ އަމިއްލަ ފުޅު ބުލޮގްގައި ސްކޫލުތަކުގެ ކްލާސް ރޫމްތައް އޭސީ ކުރުމާއި ގުޅޭ ގޮތުން ލިޔުއްވާފައިވާ މަޒުމޫނުގައި ވިދާޅުވީ، އެކަމަށް މަދުވެގެން 600 މިލިޔަން ރުފިޔާ ހޭދަވާނެ ކަމަށާއި، އަދި އޭސީތައް މަރާމާތުކޮށް ބެލެހެއްޓުމާއި، ކަރަންޓްގެ ޚަރަދަށް އަހަރަކަށް، 178 މިލިޔަން ރުފިޔާ ޚަރަދުވާނެ ކަމަށް އަންދާޒާ ކުރެއްވޭ ކަމަށެވެ.

މާލެއާ ހުޅުމާލޭގެ ބައެއް ސަރުކާރު ސްކޫލުތަކުގެ ޕްރިންސިޕަލުންވެސް ވިދާޅުވީ، އައު ދިރާސީ އަހަރަށް ބޭނުންވާ ޓެކްސްޓް ފޮތްތައް ދަރިވަރުންނަށް ދޫކުރަން ނުފެށޭ ކަމަށާއި، ފޮތްތައް ހަމަޔަށް ނުލިބޭ ކަމަށެވެ. އަތޮޅުތެރޭގެ ބައެއް ސްކޫލުތަކުގެ ޕްރިންސިޕަލުން، "ނޫން.އެމްވީ"އަށް މައުލޫމާތު ދެއްވަމުން ވިދާޅުވީ، ދިރާސީ އައު އަހަރުގެ ކިޔެވުން މެއި 26 ގައި ފެށުމަށް ހަމަޖެހިފައި ވާއިރު، މިހާތަނަށް ޓެކްސްޓް ފޮތްތައް ލިބިފައި ނުވާ ކަމަށެވެ. އެހެން ނަމަވެސް ކުރީ އަހަރުތަކެކޭ އެއްފަދައިން ދިރާސީ އަހަރު ނިމުމުގެ ކުރިން ދަރިވަރުންގެ އަތުން އަނބުރާ ނެގުމަށް ހަމަޖައްސާފައި ހުރި ޓެކްސްޓް ފޮތްތައް ސްކޫލުތަކުން ނަގާފައިވާ ކަމުގައި ޕްރިންސިޕަލުން ވިދާޅުވިއެވެ.

މިނިސްޓަރ ޝަފީޢު މިހެން ވިދާޅުވީ، ޖަމާލުއްދީން ސްކޫލުގެ ކުލާސްރޫމުތަކުގައި ހޫނު ގަދަވާތީ، ބެލެނިވެރިންގެ އެހީތެރިކަމާއި އެކު ކުލާސްރޫމުތަކުގައި ފަންކާތައް އިތުރުކުރުމަށް އެސްކޫލުން ނިންމައި އެކަން އިއުލާނު ކުރުމާއި ގުޅިގެން އާއްމު ރައްޔިތުންގެ ފަރާތުން ސޯޝަލްމީޑިއާގައި އަމާޒުވި ފާޑުކިޔުންތަކަށް ފަހުގައެވެ.

އެމިނިސްޓްރީން ވިދާޅުވީ، މާލޭގެ ސަރަހައްދުތަކުގެ ސްކޫލުތަކުގެ ގްރޭޑް 1އަށް ވެއްދުމަށް، 2290 ފޯމް ހުށައަޅާފައި ވާކަމަށާއި، އަދި ގްރޭޑް 1 ފިޔަވައި އެހެން ގްރޭޑްތަކަށް ވެއްދުމަށް 1450 ފޯމް ހުށައަޅާފައި ވާކަމަށެވެ. މީގ އިތުުރުން މާލެ ސަރަހައްދުގެ އެއް ސްކޫލުން އަނެއް ސްކޫލަށް ބަދަލުވުމަށްވެސް 660 ފޯމު ހުށައަޅާފައި ވާކަމުގައި މިނިސްޓްރީ އޮފް އެޑިޔުކޭޝަނުން ވިދާޅުވިއެވެ.

2025 ވަނަ އަހަރުގެ ކަލަންޑަރުގައިވާ ގޮތުން، ރޯދަ މަހުގެ ފުރަތަމަ ދުވަހަކަށް ވާނީ، ފެބުރުއަރީ މަހުގެ 28 ވަނަ ދުވަހެވެ. އަދި ރޯދަ މަސް ނިމޭނީ، މާރިޗު މަހުގެ 27 ވަނަ ދުވަހުގައި ކަމަށް ވާއިރު ރޯދަމަހުގެ ފުރަތަމަ ހަފްތާ ނުހިމަނައި، އީދު ބަންދާއިއެކު ރޯދަމަސް ހިމަނާފައި ވަނީ ބޮޑު ޗުއްޓީގެ ތެރޭގައެވެ. މިގޮތުން 2024 ވަނަ އަހަރު ދިރާސީ އަހަރު ނިންމައި ސްކޫލުތައް ބަންދުކުރާނީ، މާރިޗު މަހުގެ 9 ވަނަ ދުވަހުގައެވެ. ސްކޫލުތަކުގެ ދެވަނަ ޓާމުގެ ޓެސްޓް ރޯދަމަހުގެ ކުރިން ނިންމާނެއެވެ.

ނިމިދިޔަ އެމްޑީޕީ ސަރުކާރުގައި، ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިހްވެސް އެގޮތަށް ނިންމަވާއިފައި ވާތީ، މިސަރުކާރު އައި އިރުވެސް ސްޓޫޑެންޓް ލޯނު ސްކީމުގެ ދަށުން ޝަރުތު ހަމަވާ ހުރިހާ ދަރިވަރުންނަށްވެސް އައި ލޯނު ދޫކުރަމުންނެވެ.

ހަތްހާހަށް ވުރެ ގިނަ ދަރިވަރުން ބައިވެރިވާ ސެކަންޑަރީ ސްކޫލް ސެޓްފިކެޓް އިމްތިހާން (އެސް.އެެސް.ސީ) އިމްތިހާން މުޅި ރާއްޖޭގައި މިއަދު ފަށައިފިއެވެ. ސެކަންޑަރީ ސްކޫލް ސެޓްފިކެޓް އިމްތިހާނަކީ، ދަށު ސާނަވީ ނިންމާ ދަރިވަރުންނަށް ދެވޭ އިމްތިހާނެކެވެ. މިއީ ޤައުމީ ފެންވަރުގެ އިމްތިޙާނެކެވެ. އެސްއެސްއީ އިމްތިހާނުގައި މިއަދު ބާއްވާފައި ވަނީ އިސްލާމް މާއްދާގެ އިމްތިޙާނެވެ.