ދިރާސީ އަހަރުގައި ސްކޫލްތަކުގެ ދަރިވަރުންނަށް ކުރިއަށްގެންދާ ހަރަކާތްތައް ސްކޫލް އެކްޓިވިޓީ ކަލަންޑަރުގައި ހިމެނުމާއި ގުޅޭގޮތުން ފޯރަމެއް ބާއްވައިފިއެވެ. 

މިނިސްޓްރީ އޮފް އެޑިޔުކޭޝަނުން ހާމަކުރައްވާފައިވާ ގޮތުގައި މިއީ ދިރާސީ ކަލަންޑަރު އެކުލަވާލުމަށް ކަމާއި ގުޅުންހުރި ފަރާތްތަކާއި އެކު މިގޮތަށް ފޯރަމެއް ބާއްވަވާ ފުރަތަމަ ފަހަރެވެ. 

ޢިމާދުއްދީން ސްކޫލުގައި 2 ދުވަހުގެ މުއްދަތަށް ކުރިއަށްގެންދިޔަ މި ފޯރަމް ރަސްމީކޮށް ހުޅުވައިދެއްވީ މިނިސްޓަރ އޮފް އެޑިޔުކޭޝަން، ޑރ. އިސްމާޢީލް ޝަފީޢުއެވެ މި ފޯރަމްގައި ކުޅިވަރު އެސޯސިއޭޝަންތަކާ، އެކަޑެމީތަކާއި އަދި ކަމާއި ގުޅުންހުރި މިނިސްޓްރީތަކުގެ އޮފިޝަލުން ބައިވެރިވި ކަމުގައި މިނިސްޓްރީ އޮފް އެޑިޔުކޭޝަނުން ހާމަކުރައްވާފައެވެ.

ކޮންމެ އަހަރެއްގެވެސް ދިރާސީ އަހަރުގެ އެކްޓިވިޓީ ކަލަންޑަރަކީ، ދިރާސީ އަހަރުގެ ކަލަންޑަރެކޭ އެއްގޮތަށް އާއްމު ކުރަމުން އަންނަ އެއްޗެކެވެ. އަދި ކުޅިވަރު ހަރަކާތްތައް އެކުލަވާލުމުގައި ކަމާއި ގުޅޭ އިދާރާތަކުން މަޝްވަރާ މިނިސްޓްރީން އަންނަނީ ހޯދަމުންނެވެ. 2025 ވަނަ އަހަރުގެ ދިރާސީ އައު އަހަރު ފަށާނީ އޭޕްރީލް މަހުގައެވެ.