ނެޝަނަލް ސްޓޫޑެންޓް ލޯނު ސްކީމުގެ ދަށުން ރާއްޖެއާ ރާއްޖެއިން ބޭރުން ތަޢުލީމު ހާސިލްކުރުމަށް. ލޯން ފުރުޞަތަށް އެދި ހުށައަޅާފައިވާ ހުރިހާ ދަރިވަރުންނަށްވެސް ލޯނު ދިނުމަށް މިހާރުގެ ރައީސުލްޖުމްހޫރިއްޔާ، ޑރ. މުހައްމަދު މުޢިއްޒުވެސް ނިންމަވައިފި ކަމުގައި، ހަޔަރ އެޑިޔުކޭޝަން މިނިސްޓަރު ވިދާޅުވެއްޖެއެވެ.

"އަހާ ފޯރަމް" ގައި ހަޔާ އެޑިއުކޭޝަން މިނިސްޓަރު ޑރ. މަރިޔަމް މާރިޔާ ވިދާޅުވީ، ސްޓޫޑެންޓް ލޯނަށް ޝަރުޠު ހަމަވާ ހުރިހާ ދަރިވަރުންނަށް ލޯނު ދޫކުރުމަށް ރައީސް ނިންމަވާފައިވާ ކަމަށެވެ.

ނިމިދިޔަ އެމްޑީޕީ ސަރުކާރުގައި، ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިހްވެސް އެގޮތަށް ނިންމަވާއިފައި ވާތީ، މިސަރުކާރު އައި އިރުވެސް ސްޓޫޑެންޓް ލޯނު ސްކީމުގެ ދަށުން ޝަރުތު ހަމަވާ ހުރިހާ ދަރިވަރުންނަށްވެސް އައި ލޯނު ދޫކުރަމުންނެވެ.

މިސަރުކާރު އައިފަހުން ދަރިވަރުންނަށް، ނެޝަނަލް ސްޓޫޑެންޓް ލޯން ސްކީމުގެ ތެރެއިން ލޯނަށް އެދި ހުށައެޅުމުގެ ފުރުޞަތު ހުޅުވާލީ، ފެބުރުއަރީ މަހުގައެވެ. މިއީ ރައީސް ޑރ. މުޙައްމަދު މުޢިއްޒުގެ ސަރުކާރުން ސްޓޫޑެެންޓް ލޯން ދޫކުރާ ފުރަތަމަ ބުރެވެ. މިބުރުގައި ސްޓޫޑެންޓް ލޯނަށް ހުށައެޅުމަށް ދީފައިވާ، ސުންގަނޑި ހަމަވާނީ އަންނަ ބުރާސްފަތި ދުވަގެ މެންދުރު 1:30 އަށެެވެ.