ސްކޫލު ބޮޑު ޗުއްޓީއަށް ފަހު ދިރާސީ އައު އަހަރުގެ ކިޔެވުން މިއަދު ފަށައިފިއެވެ.

މިއަދު ކިޔެވުން ފެށިއިރު، ރާއްޖެއަށް މިދުވަސްވަރު މޫސުމް ގޯސްވެފައި ވާތީ، އަންގާރަ ދުވަހާއި ހަމައަށް، ސްކޫލުތަކުގެ ސެޝަންތައް ތިންގަޑިއރަށް ވުރެ ދިގު ނިވާނެހެން ކުރިޔަށް ގެންދިޔުމަށް މިނިސްޓްރީ އޮފް އެޑިޔުކޭޝަނުން ވަނީ ސްކޫލުތަކަށް އަންގާފައެވެ.

މިނިސްޓްރީ އޮފް އެޑިޔުކޭޝަނުން ހާމަކޮށްފައިވާ ގޮތުގައި ދިރާސީ އައު އަހަރުގެ ކިޔެވުން މިއަދު ފެށި އިރު، ސްކޫލުތަކުގައި، 96000 ވުރެ ގިނަ ކުދިން ކިޔަވާނެއެވެ. އަދި ދިރާސީ އަހަރުގެ ކިޔެވުން މިއަދު ފެށި އިރު އަތޮޅުތަކުގެ ސްކޫލުތަކުން މާލޭގެ ސްކޫލުތަކަށް، 1126 ދަރިވަރުން ވަނީ ބަދަލުވެފައެވެ.

މިނިސްޓްރީ އޮފް އެޑިޔުކޭޝަނުން ހާމަކޮށްފައިވާ ގޮތުގައި ސަރުކާރުން ހިންގާ 162 ސްކޫލުގެ ތެރެއިން 55 ސްކޫލެއްގައި މިއަހަރު ކިޔަވައިދޭނީ އެއް ދަންފަޅިއަށެވެ. މާލެ ސަރަހައްދުގެ ސްކޫލުތަކުގެ ތެރެއިން މިދިޔަ އަހަރު އެއްދަނފަޅިއަށް ކިޔެވުން ކުރިޔަށް ގެންދިޔަ ސަލާޙުއްދީން ސްކޫލަށް ވަންނަން ބޭނުންވާ ކުދިންގެ އަދަދު ގިނަ އެސްކޫލުގައި މިއަދު ވަނީ ދެދަންފަޅިއަށް ކިޔަވައިދޭންފަށާފައެވެ.