ހަތްހާހަށް ވުރެ ގިނަ ދަރިވަރުން ބައިވެރިވާ ސެކަންޑަރީ ސްކޫލް ސެޓްފިކެޓް އިމްތިހާން (އެސް.އެެސް.ސީ) އިމްތިހާން މުޅި ރާއްޖޭގައި މިއަދު ފަށައިފިއެވެ.

ސެކަންޑަރީ ސްކޫލް ސެޓްފިކެޓް އިމްތިހާނަކީ، ދަށު ސާނަވީ ނިންމާ ދަރިވަރުންނަށް ދެވޭ އިމްތިހާނެކެވެ. މިއީ ޤައުމީ ފެންވަރުގެ އިމްތިޙާނެކެވެ. އެސްއެސްއީ އިމްތިހާނުގައި މިއަދު ބާއްވާފައި ވަނީ އިސްލާމް މާއްދާގެ އިމްތިޙާނެވެ.

ސާނަވީ މަރުޙަލާ ނިންމާ ދަރިވަރުންނަށް ދެވޭ ބައިނަލްއަޤުވާމީ އިމްތިޙާން، އައިޖީސީއެސްއީ އިމްތިހާނުގެ މާއްދާތަކުގެ އިމްތިހާން ފަށާނީ، މެއި މަހުގެ 2 ވަނަ ދުވަހުންފެށިގެންނެވެ.

އެސްއެސްސީ އިމްތިޙާނާއި، އައިޖީސީއެސްއީ އިމްތިހާން، 257 ސެންޓަރެއްގައި ކުރިޔަށް ގެންދާއިރު، މިއިމްތިހާނުތަކުގައި، 7501 ދަރިވަރުން ބައިވެރިއެވެ. 

އެސްއެސްސީ އިމްތިހާނާއި އައިޖީސީއެސްއީ އިމްތިހާނުގެ މާއްދާތަކުގެ އިމްތިހާނުތައް ޖޫން 13 ވަނަ ދުވަހާއި ހަމައަށް ކުރިޔަށްދާނެއެވެ.