ކުރިޔަށް އޮތް ދިރާސީ އަހަރު އަތޮޅުތަކުން 790 ދަރިވަރަކު މާލޭގެ ސްކޫލްތަކަށް ބަދަލުކުރުމަށް ހުށައަޅާފައިވާ ކަމުގައި މިނިސްޓްރީ އޮފް އެޑިޔުކޭޝަނުން ވިދާޅުވެއްޖެއެވެ.

އަތޮޅުތަކުން މާލެއަށް ބަދަލުވާން ބޭނުންވާ ކުދިންނާއި މާލޭގެ ސްކޫލުތަކުން އެހެން ސްކޫލުތަކަށް ބަދަލުވާން އެދޭ ކުދިންގެ ފޯމްތައް ބަލައި ގަންނަމުންދާނީ، އަންނަ ބުރާސްފަތި ދުވަހުގެ 14:00 އާއި ހަމައަށް ކަމުގައިވެސް އެޑިޔުކޭޝަން މިނިސްޓްރީން ވަނީ ވިދާޅުވެފައެވެ.

އެމިނިސްޓްރީން ވިދާޅުވީ، މާލޭގެ ސަރަހައްދުތަކުގެ ސްކޫލުތަކުގެ ގްރޭޑް 1އަށް ވެއްދުމަށް، 2290 ފޯމް ހުށައަޅާފައި ވާކަމަށާއި، އަދި ގްރޭޑް 1 ފިޔަވައި އެހެން ގްރޭޑްތަކަށް ވެއްދުމަށް 1450 ފޯމް ހުށައަޅާފައި ވާކަމަށެވެ. މީގ އިތުުރުން މާލެ ސަރަހައްދުގެ އެއް ސްކޫލުން އަނެއް ސްކޫލަށް ބަދަލުވުމަށްވެސް 660 ފޯމު ހުށައަޅާފައި ވާކަމުގައި މިނިސްޓްރީ އޮފް އެޑިޔުކޭޝަނުން ވިދާޅުވިއެވެ. 

Advertisement

މާލެ ސަރަހައްދުގެ އެއް ސްކޫލުން އަނެއް ސްކޫލަށް ބަދަލުވާ އެދިފައިވާ ކުދީންގެ ތެރޭގައި ގިނައީ، މާލޭގެ ސްކޫލުތަކުން، ހުޅުމާލެ ދެވަނަ ފިޔަވަހީގައިވާ ޞަލާޙުއްދީން ސްކޫލަށް ބަދަލުވާން އެދިފައިވާ ކުދިންކަން އެނގިފައިވެއެވެ. ޞަލާޙުއްދީން ސްކޫލަށް ބަދަލުވާން އެދޭ ދަރިވަރުންގެ އަދަދު ގިނަވުމާއި އެކު މި ފެށޭ ދިރާސީ އަހަރުންފެށިގެން އެސްކޫލު ދެ ދަންފަޅިއަށް ބަދަލުުކުރުމަށްވެސް މިނިސްޓްރީ އޮފް އެޑިޔުކޭޝަނުން ވަނީ ނިންމާފައެވެ.

މިނިސްޓްރީ އޮފް އެޑިޔުކޭޝަނުން ވިދާޅުވީ، ބުރާސްފަތި ދުވަހުގެ ނިޔަލަށް ހުށައަޅާ ފޯމްތަކަށް 2024 މެއި 13ވާ ހޯމަ ދުވަހުގެ ކުރިން ޖަވާބުދީ ނިންމާނެ ކަމަށެވެ.