ވެލާނާ އިންޓަރނޭޝަނަލް އެއާޕޯޓުން ކައްދޫ އެއާޕޯޓަށް ފުރި މޯލްޑިވިއަންގެ ފްލައިޓް ކައްދޫ އެއާޕޯޓުގައި ނުޖެއްސިގެން އަނބުރާ އައިސް ވެލާނާ އިންޓަރނޭޝަނަލް އެއާޕޯޓުގައި ޖައްސައިފިއެވެ.

މޯލްޑިވިއަންގެ ފްލައިޓް ޑީކިޔޫއޭ2168 ވެލާނާ އެއާޕޯޓުން ކައްދޫއަށް ފުރީ މިރޭ 10:35 ހާއިރުގައެވެ. މޫސުމް ގޯސްވުމާއި ވައިބާރުވުމާއި ގުޅިގެން ފްލައިޓް ނުޖެއްސި ވަރަށް ގިނައިރު ކައްދޫގެ ދެކުނުން ކަނޑުގެ ސަރަހައްދުގައި ބުރުޖަހާފައި ވެއެވެ. 

ކައްދޫގައި ނުޖެއްސިގެން ފްލައިޓް އަނބުރާ މާލެއަށް އައިސް ވެލާނާ އިންޓަރނޭޝަނަލް އެއާޕޯޓުގައި ޖައްސާފައި ވަނީ މިރޭގެ، 00:32 ގައެވެ.

Advertisement

ފްލައިޓް ދަތުރުކުރި މަގު --

ރާއްޖޭގެ ގިނަ އެއާޕޯޓްތަކަކީ، ކްރޮސްވިންޑަށް ޖައްސަންޖެހޭގޮތަށް ހުންނަ އެއާޕޯޓުތަކެއް ކަމުގައި ވާތީ، ވައިގަދަވެ ވިއްސާރަ ދުވަސްތަކުގައި ފްލައިޓްޖައްސަން އުނދަގޫވުމުގެ މައްސަލަތައް ފާހަގަވެއެވެ.

ރާއްޖެއަށް މިހާރު ކުރަމުންދާ ވިއްސާރައިގައި މާލެ ސަރަހައްދަށް މިހާރުވެސް އޮތީ ޔެލޯ އެލާޓް ނެރެފައެވެ.