Advertisement
އެމްއެމްޕީއާރުސީގެ މެނޭޖިން ޑިރެކްޓަރު ފާޠިމަތު ތައުފީޤު (ކުޑީ) ---
އެމްއެމްޕީއާރްސީގެ މެނޭޖިންގ ޑައިރެކްޓަރ ފާޠިމަތު ތައުފީޤު މަޤާމުން ވަކިކޮށްފި
މޯލްޑިވްސް މާކެޓިން އެންޑް ޕަބްލިކް ރިލޭޝަންސް ކޯޕަރޭޝަން (އެމްއެމްޕީއާރުސީ) ގެ މެނޭޖިން ޑިރެކްޓަރު ފާޠިމަތު ތައުފީޤު (ކުޑީ) މަޤާމުން ވަކިކޮށްފިއެވެ.
އޭނާ މަޤާމުން ވަކިކުރެއްވިކަން ސަރުކާރުން ރަސްމީގޮތެއްގައި މިހާތަނަށް އަދި ހާމަކުރައްވާފައެއް ނުވެއެވެ. އަދި އޭނާ މަޤާމުން ވަކިކުރި ސަބަބެއްވެސް ހާމަކޮށްފައެއް ނުވެއެވެ.
އެމްއެމްޕީއާރްސީގެ އެމްޑީގެ މަޤާމުން ފާޠިމަތު ތައުފީޤު (ކުޑީ) ވަކިކުރެއްވުމާއި ގުޅޭ ގޮތުން އޭނާ އެއްވެސް ވާހަކަފުޅެއް ނުދައްކަވައެވެ.
ފާޠިމަތު ތައުފީޤު މަޤާމުން ވަކިކުރައްވާފައިވާ އިރު، އިއްޔެ ވަނީ އެމްއެމްޕީއާރްސީގެ ޗެއާރޕާސަން ނޫރްޢައިން ޖަނާޙްވެސް މަޤާމުން އިސްތިއުފާ ދެއްވާފައެވެ. އޭގެ އިތުރުން މަޓީގެ ފަރާތުން އެމްއެމްޕީއާރްސީގެ ބޯޑުގައި އިންނެވި، ރާފިލް މުޙައްމަދު ވެސް ވަނީ ހުސްވި އޭޕްރީލް މަހުގެ ތެރޭގައި ބޯޑު މެމްބަރުކަމުގެ މަޤާމުން އިސްތިއުފާ ދެއްވާފައެވެ.
އެމްއެމްޕީއާރްސީގެ އެތެރޭގެ ހިންގުމުގައި މައްސަލަތައް އުޅޭކަން ފާހަގަކޮށް، އެމްއެމްޕީއާރްސީގެ ބޯޑު މެމްބަރުންނާއި މެނޭޖިންގ ޑައިރެކްޓަރާއި މެދު ވަނީ ޚިޔާލުތަފާތުވުންތައް އުފެދިފައެވެ.
