ރާއްޖެއަށް މިހާރު ކުރަމުންދާ ވިއްސާރަ އާއި ގުޅިގެން މެދު ރާއްޖެތެރޭގެ ސަރަހައްދުތަކަށް މޫސުމާއި ބެހޭ ޤައުމީ އިދާރާއިން އޮރެންޖް އެލާޓް ނެރެފިއެވެ.

ބ އަތޮޅުން ފެށިގެން މ އަތޮޅާއި ދެމެދުގެ ސަރަހައްދަށް މޫސުމާއި ބެހޭ ޤައުމީ އިދާރާއިން އޮރެންޖް އެލާރޓް ނެރެފައި ވަނީ، މިއަދު ހަވީރު 5:30 އިންފެށިގެން މިރޭގެ 8:00 އަށެވެ.

މޫސުމާއި ބެހޭ ޤައުމީ އިދާރާއިން ވިދާޅުވީ، އޮރެންޖެ އެލާޓު ނެރެފައިވާ ވަގުތުގައި އެވްރެޖްކޮށް 36 މޭލާއި 46 މޭލާއި ދެމެދުގެ ބާރުމިނުގައި ވައިޖެހިފައިވާ ކަމަށާއި، ވިލާގަނޑުގައި ގަޑިއަކު 60 މޭލަށް ވައިގަދަވާނެކަމަށް ލަފާކުރެވޭ ކަމުގައި މޫސުމާއި ބެހޭ ޤައުމީ އިދާރާއިން ވަނީ ވިދާޅުވެފައެވެ.

ހުޅަނގު މޫސުމުގެ ވިއްސާރަ އާއި އެކު މުޅިރާއްޖެއަށްވެސް މޫސުމް ގޯސްވެފައި ވާތީ، ދަތުރުފަތުރު ކުރުމުގައި ޚާއްޞަ ސަމާލުކަމެއް ދިނުމަށް ކަމާއި ބެހޭ ފަރާތްތަކުން ވަނީ އިލްތިމާސްކޮށްފައެވެ.