ހުޅުމާލެ ފިޠުރޯނު މަގުގައި، އެމްޓީސީސީގެ ފެރީ ޓަރމިނަލް ކައިރީގައި ހުރި ބޮޑު ފިތުރޯނުގަހެއް މަގުހުރަހަށް ވެއްޓި މަގު މުޅިން ބަންދުވި އިރު، ފިތުރޯނު މަގުގެ އުތުރުކޮޅުގައި ހުރި ބޮޑެތި ފިޠުރޯނު ގަސްތަކުގެ ގޮފިތައްވެސް ވަނީ ވެރިފައެވެ.

މޫސުމާއި ބެހޭ ޤައުމީ އިދާރާއިން ވަނީ މިއަދުގެ މެންދުރު 12:00 އާއި ހަމައަށް ނެރެފައިވާ އޮރެންޖް އެލާޓުގެ ވަގުތު މިއަދުގެ ހަވީރު 4:00 އާއި ހަމައަށް އިތުރުކޮށްފައެވެ. މިވަގުތު އޮރެންޖް އެލާޓް ނެރެފައި އޮތީ، ވ. އަތޮޅުން ފެށިގެން ޅ އަތޮޅާއި ދެމެދުގައި ހިމެނޭ ސަރަހައްދުތަކަށެވެ.

މޫސުމާއި ބެހޭ ޤައުމީ އިދާރާއިން ވިދާޅުވީ، އޮރެންޖެ އެލާޓު ނެރެފައިވާ ވަގުތުގައި އެވްރެޖްކޮށް 36 މޭލާއި 46 މޭލާއި ދެމެދުގެ ބާރުމިނުގައި ވައިޖެހިފައިވާ ކަމަށާއި، ވިލާގަނޑުގައި ގަޑިއަކު 60 މޭލަށް ވައިގަދަވާނެކަމަށް ލަފާކުރެވޭ ކަމުގައި މޫސުމާއި ބެހޭ ޤައުމީ އިދާރާއިން ވަނީ ވިދާޅުވެފައެވެ.

މޫސުމާއި ބެހޭ ޤައުމީ އިދާރާއިން ވިދާޅުވީ، އައްޑޫ ސިޓީ އާއި ފުވައްމުލަކަށް މޫސުމް ވަރަށް ގޯސްވާނެ ކަމަށާއި ކަނޑުތައްވެސް ވަރަށް ގަދަވާނެ ކަމަށެވެ. އަދި އެވްރެޖް ގޮތެއްގައި ވައިޖެހޭނެ ކަމަށް ލަފާކުރެވެނީ 34 މޭލާއި 40 މޭލާއި ދެމެދުގެ ބާރުމިނެއްގައި ކަމަށާއި، ވިލާގަނޑުގައި ގަޑިއަކު 55 މޭލަށް ވައި ގަދަވާނެ ކަމުގައި މޫސުމާއި ބެހޭ ޤައުމީ އިދާރާއިން ވިދާޅުވެއެވެ.

މޫސުމާއި ބެހޭ ޤައުމީ އިދާރާއިން އައްޑޫ ސިޓީއާއި ފުވައްމުލަކަށް އޮރެންޖް އެލާޓް ނެރެފައި ވަނީ، މިއަދުގެ މެންދުރުފަހު 3:00 އިން ފެށިގެން އިރުއޮއްސި 7:00އަށެވެ. މެޓް އޮފީހުން ވިދާޅުވީ، އައްޑޫސިޓީއަށް އާއްމު ގޮތެއްގައި 34 މޭލާއި 40 މޭލާއި ދެމެދުގެ ބާރު މިނެއްގައި ވައިޖެހޭނެ ކަމަށާއި، ކޮޅިގަނޑުގައި ގަޑިއަކު 60 މޭލަށް ވައިގަދަވާނެ ކަމަށް ލަފާ ކުރެވޭ ކަމަށެވެ.

ރާއްޖެއަށް މިހާރު ކުރަމުންދާ ވިއްސާރައިގައި ރާއްޖޭގެ ބައެއް ރަށްރަށަށް ރޭ ވަނީ ގެއްލުންތައް ލިބިފައެވެ. މިގޮތުން ރޭ ފަތިހު، ހއ. ދިއްދޫއަށް ނަގޫރޯޅިއެއް އެރުމުގެ ސަބަބުން އެރަށުގެ 10 ގެއެއްގެ ފުރާޅަށް ގެއްލުން ލިބުނު އިރު، 6 ގެއެއްގެ ފުރާޅުވަނީ އެއްކޮށް އެއްލާލާފައެވެ. އެގެތަކުގައި ދިރިނޫޅެވޭ ވަރު ވެފައިވާތީ، އެގެތަކުގައި ދިރިއުޅުނު މީހުން ވަނީ ވަގުތީ ގޮތުން އާއިލީ އެހެން މީހުންގެ ގެތަކަށް ބަދަލުވެފައެވެ.

އެމްއެންޑީއެފުން ވިދާޅުވީ، ޕަމްޕްތައް ބޭނުންކޮށްގެން ފެން ހިންދުމުގެ މަސައްކަތުގައި މިހާރު ސިފައިން ހަރަކާތްތެރިވަމުން އަންނަ ކަމަށެވެ. މިރޭ މާލެއަށް ކުރިވިއްސާރައި، ބާރަށް ގުގުރުމުގެ ސަބަބުން މާލޭގެ ބައެއް ސަރަހައްދުތަކުން ކަރަންޓްގެ ޚިދުމަތްވެސް ކެނޑިގެން ދިޔައެވެ.

މާލެއިން ކަރަންޓް ކެނޑިފައި ވަނީ، މައްޗަންގޮޅި އާއި މާފަންނުގެ ބައެއް ސަރަހައްދު ތަކުން ކަމުގައި މައުލޫމާތު ލިބިފައި ވެއެވެ. މާލެއަށް މިރޭގެ 22:27 އާއި 22:29 އަދި 22:31ގައި ވަނީ ވަރަށް ބާރަށް ގުގުރާފައެވެ. އެހެން ނަމަވެސް އެއްވެސް ތަނަކަށް ގެއްލުމެއް ލިބުނު ކަމުގެ ރިޕޯޓެއް އަދި ލިބިފައި ނެތް ނަމަވެސް، މާލޭގެ ބައެއް ސަރަހައްދުތަކުން ކަރަންޓްގެ ޚިދުމަތް ކެނޑުނެވެ.

މޫސުމާއި ބެހޭ ޤައުމީ އިދާރާއިން ވިދާޅުވީ، ކުރިއަށް އޮތް ވަގުތު ތަކުގައި މުޅި ރާއްޖެއަށް ވިއްސާރަ ކުރާނެ ކަމަށް ލަފާކުރެވޭ ކަމަށެވެ. މިގޮތުން މޫސުމާިއ ބެހޭ ޤައުމީ އިދާރާއިން މުޅި ރާއްޖެެއަށް ވައިޓް އެލާޓް ނެރެެފައި ވަނީ މިއަދުގެ މެންދުރު ފަހު 12:30 އިން ހަވީރު 5:00އަށެވެ.

މޫސުމް ގޯސްވެ ޔެލޯ އެލާޓް ނެރެފައި ވަނީ، ހއ. އަތޮޅުން ފެށިގެން ބ. އަތޮޅާއި ދެމެދުގެ އަތޮޅުތަކުގެ ރަށްތަކަށެވެ. މިގޮތުން ޔެލޯ އެލާޓް ނެރެފައި ވަނީ، މިއަދުގެ މެންދުރު 12:45 އިން ހަވީރު 5:00އަށެވެ.

މޫސުމާއި ބެހޭ ޤައުމީ އިދާރާއިން ވިދާޅުވީ، ތިލަދުންމަތިންފެށީގެން ހައްދުންމައްޗާއި ދެމެދުގެ އަތޮޅުތަކުގެ ރަށްތަކަށް ކުރިޔަށް އޮތް 5 ގަޑިއިރު، ގުގުރުމާއި އެކު ބޯކޮށް ވާރޭ ވެހޭނެ ކަމަށް ލަފާކުރެވޭ ކަމަށެވެ. މިގޮތުން ވައިޓް އެލާޓުގެ މުއްދަތު އިތުރުކޮށްފައި ވަނީ މިއަދުގެ މެންދުރުފަހު 1:30 އިން ފެށިގެން އިރުއޮއްސި 7:00އަށެވެ.

އެހެން ނަމަވެސް، ނަމަވެސް މިސަރުކާރުގެ ކޮންސްޓަރަކްޝަން މިނިސްޓްރީން ހިންގައި ނިންމޭނެ ޕްރޮޖެކްޓެއް ނެތުމުން މި ސަރުކާރުން އަމީނީމަގު ނިންމި ކަމަށްދައްކަންވެގެން އެ ހޮޅި ނާޅާ މަގުގެ މަސައްކަތް ނިންމާލުމަކީ، މިއަދު އެހާ ބޮޑަށް ފެންބޮޑުވާން ދިމާވި މައިގަނޑު ސަބަބުކަމުގައި އަކްރަމް ވަނީ ފާހަގަކުރައްވާފައެވެ.

އެއޮތޯރިޓީން ވިދާޅުވީ، މާލެއަށް މިއަދު ކުރި ވިއްސާރައިގައި، މިހާތަނަށް، 85 ތަނަށް ފެންވަދެފައިވާ ކަމަށާއި އޭގެ ތެރެއިން 7 ތަނެއްގައި މީހުންނަށް ދިރިނޫޅެވޭ ވަރަށް ފެންބޮޑުވެފައިވާ ކަމަށް ރިޕޯޓްކޮށްފައިވާ ކަމަށެވެ. އަދި ސިޓީކައުންސިލާއި ފުލުހުންނާއި އެމްއެންޑީއެފާއި ދިވެހިރެޑްކްރެސެންޓްގެ އެހީތެރިކަމާއިއެކު، ވެލިބަސްތާތައް ޖެހުމުގެ މަސައްކަތްތައްވެސް ކުރެވެމުންދާ ކަމުގައި އެންޑީއެމްއޭއިން ވަނީ ވިދާޅުވެފައެވެ.

އެމްއެންޑީއެފުން ވިދާޅުވީ، ބޯކޮށް ވާރޭ ވެހި މާލޭގެ މަގުތަކުގައި ފެންބޮޑުވުމާ ގުޅިގެން، މަގުތަކުން ފެން ހިންދުމާއި އަދި ބައެއް ގެތަކަށް ފެންވަންނަމުންދާތީ، ވެލި ބަސްތާ ޖެއްސުމުގެ މަސައްކަތުގައި އެމްއެންޑީއެފް އެފްއާރުއެސްއާއި އެމްއެންޑީއެފް މާލޭ އޭރިއާ ކޮމާންޑުގެ ސިފައިން މިހާރު ދަނީ ކުރަމުން ކަމަށެވެ.

މޫސުމާއި ބެހޭ ޤައުމީ އިދާރާއިން ވިދާޅުވީ، މުޅި ރާއްޖެއަށް ގުގުރުމާއި އެކު ބޯކޮށް ވާރޭ ވެހޭނެ ކަމަށެވެ. އަދި ފ. އަތޮޅުން ފެށިގެން ހއ. އަތޮޅާއި ދެމެދުގެ އަތޮޅުތަކާއި ރަށްތަކަށްވެސް ގުގުރުމާއި އެެކު ބޯކޮށް ވާރޭ ވެހޭނެ ކަމުގައި މޫސުމާއިބެހޭ ޤައުމީ އިދާރާއިން ވަނީ ލަފާކޮށްފައެވެ.

އިއްޔެއަކީ މިފަހުގެ ތާރީޚުގައި އެންމެ ގިނައިން މާލެއަށް ވާރޭ ވެހުނު ދުވަހެވެ. އިއްޔެ މާލެއަށް މާލެއަށް 159.3 މިލިމީޓަރުގެ ވާރޭ ވެހުނު އިރު، މާލެ ފެންބޮޑުވި ޑިސެމްބަރު މަހުގެ 31 ވަނަ ދުވަހު މާލެއަށް ވެހުނީ 118.2 މިލިމީޓަރުގެ ވާރެއެވެ.