މިހާރު ރާއްޖެއަށް ކުރަމުންދާ ވިއްސާރައިގައި، މޫސުމް ގޯސްވެ އުތުރާއި މެދުތެރެގެ ބައެއް އަތޮޅުތަކަށް މޫސުމާއި ބެހޭ ޤައުމީ އިދާރާއިން ޔެލޯ އެލާޓް ނެރެފިއެވެ.

މޫސުމާއި ބެހޭ ޤައުމީ އިދާރާއިން ވަނީ، މިއަދުގެ މެންދުރުފަހު 3:00 ޖެހުމާއި ހަމައަށް، ރ. އަތޮޅުން ފެށިގެން ވ. އަތޮޅާއި ދެމެދުގެ އަތޮޅުތަކަށް ޔެލޯ އެލާޓް ނެރެފައެވެ.

މޫސުމާއި ބެހޭ ޤައުމީ އިދާރާއިން ވިދާޅުވާ ގޮތުގައި، ބޯކޮށް ވާރޭވެހުމާއި އެކު އެވްރެޖްކޮށް 28 މޭލާއި 35 މޭލާއި ދެމެދުގެ ބާރުމިނުގައި ވައިޖެހޭނެއެވެ. އަދި ވިލާގަނޑުގައި ގަޑިއަކު 55 މޭލަށް ވައިގަދަވާނެ ކަމަށާއި ކަނޑުތައް ވަރަށް ގަދަވާނެ ކަމަށް މޫސުމާއި ބެހޭ ޤައުމީ އިދާރާއިން ވަނީ ވިދާޅުވެފައެވެ.

މޫސުމާއި ބެހޭ އިދާރާއިން ވަނީ ހޯމަ ދުވަހާއި ހަމައަށް ރާއްޖެއަށް މިވިއްސާރަ ކުރަމުންދާނެ ކަމަށް ލަފާކޮށްފައެވެ.