ރާއްޖެއަށް މިހާރު ކުރަމުންދާ ވިއްސާރަގައި ކުރިޔަށް އޮތް ފަސް ގަޑިއރު ބޯކޮށް ވާރޭ ވެހޭނެ ކަމަށް ލަފާކޮށް، ހައްދުންމަތިން ފެށިގެން އުތުރުގެ އަތޮޅުތަކަށް މޫސުމާއި ބެހޭ ޤައުމީ އިދާރާއިން ވައިޓް އެލާޓް ނެރެފިއެވެ.

މިއަދުި ހެނދުނު މުޅި ރާއްޖެއަށް ވައިޓް އެލާޓް ނެރުނު ނަމަވެސް މިހާރު ވަނީ އެންމެ ދެކުނުގެ ހަތަރު އަތޮޅަށް ނެރުނު ވައިޓް އެލާޓް އުވާލާފައެވެ.

މޫސުމާއި ބެހޭ ޤައުމީ އިދާރާއިން ވިދާޅުވީ، ތިލަދުންމަތިންފެށީގެން ހައްދުންމައްޗާއި ދެމެދުގެ އަތޮޅުތަކުގެ ރަށްތަކަށް ކުރިޔަށް އޮތް 5 ގަޑިއިރު، ގުގުރުމާއި އެކު ބޯކޮށް ވާރޭ ވެހޭނެ ކަމަށް ލަފާކުރެވޭ ކަމަށެވެ. މިގޮތުން ވައިޓް އެލާޓުގެ މުއްދަތު އިތުރުކޮށްފައި ވަނީ މިއަދުގެ މެންދުރުފަހު 1:30 އިން ފެށިގެން އިރުއޮއްސި 7:00އަށެވެ.

ރާއްޖެއަށް ވިއްސާރަ ކުރަމުންދާތާ ހަފްތާއެއްހާ ދުވަސްވެފައި ވާއިރު، މިހާރުކުރާ ވިއްސާރައަކީ، ދެމޫސުމްބެދޭ ދުވަސް ވަރުގެ ވިއްސާރައެވެ. ފާއިތުވި ހަފްތާތަކުގައި ވަނީ، ބޯކޮށް ވާރޭ ވެހުމުގެ ސަބަބުން މާލެ އާއި އަތޮޅުތަކުގެ ބައެއް ރަށްރަށުގައި ފެންބޮޑުވެ ގެއްލުންތައް ލިބިފައެވެ.