Advertisement
ހުޅުމާލޭގައި ބޮޑު ފިޠުރޯނު ގަހެއް ވެއްޓި މަގު ބަންދުވެފައި --
ފަތިހު ޖެހުނު ބާރުވައިގައި ހުޅުމާލޭގައި ހުރި ބޮޑެތި ބައެއް ގަސްތައް ވެރިއްޖެ
މިހާރު ރާއްޖެއަށް ކުރަމުންދާ ވިއްސާރައިގައި ވައިގަދަ ވުމުގެ ސަބަބުން ހުޅުމާލޭގައި ހުރި ބޮޑެތި ބައެއް ގަސްތައް ވެރިއްޖެއެވެ.
ހުޅުމާލެ ފިތުރޯނު މަގުގައި، އެމްޓީސީސީގެ ފެރީ ޓަރމިނަލް ކައިރީގައި ހުރި ބޮޑު ފިތުރޯނުގަހެއް މަގުހުރަހަށް ވެއްޓި މަގު މުޅިން ބަންދުވި އިރު، ފިތުރޯނު މަގުގެ އުތުރުކޮޅުގައި ހުރި ބޮޑެތި ފިޠުރޯނު ގަސްތަކުގެ ގޮފިތައްވެސް ވަނީ ވެރިފައެވެ.
މީގެ އިތުރުން ހުޅުމާލޭގެ އެހެން ބައެއް ސަރަހައްދުތަކުންވެސް ގިނަ ގަސްތަކާއި ގަސްގަހުގެ ބައިތައް ވެއްޓިފައިވެއެވެ.
Advertisement
މީގެ އިތުރުން ހުޅުމާލޭފަޅުގައި އޮތް ލޯންޗެއްވެސް ވައިގަދަވެ ކަނޑުގަދަ ވުމުގެ ސަބަބުން ރޭ ބަންޑުންޖަހާލާފައިވެއެވެ.
މިހާރު ރާއްޖެއަށް ކުރަމުންދާ ވިއްސާރަ އާއި ގުޅިގެން ވ. އަތޮޅުން ފެށިގެން އުތުރުގެ ހުރިހާ އަތޮޅަކަށް މޫސުމާއި ބެހޭ ޤައުމީ އިދާރާއިން ވަނީ އޮރެންޖް އެލާޓް ނެރެފައެވެ.
މޫސުމާއި ބެހޭ ޤައުމީ އިދާރާއިން ވަނީ ވިލާގަނޑުގައި ގަޑިއަކު 60 މޭލަށް ވައިގަދަވާނެތީ ދަތުރުފަތުރު ކުރުމުގައި ސަމާލުކަން ދެއްވުމަށްވެސް އިލްތިމާސްކޮށްފައެވެ.
