މިހާރު ރާއްޖެއަށ ްކުރަމުންދާ ވިއްސާރައިގައި އުތުރުގެ އަތޮޅުތަކަށް އިތުރަށް މޫސުމް ގޯސްވެ މޫސުމާއި ބެހޭ އިދާރާއިން ޔެލޯ އެލާޓް ނެރެފިއެވެ.

މޫސުމް ގޯސްވެ ޔެލޯ އެލާޓް ނެރެފައި ވަނީ، ހއ. އަތޮޅުން ފެށިގެން ބ. އަތޮޅާއި ދެމެދުގެ އަތޮޅުތަކުގެ ރަށްތަކަށެވެ. މިގޮތުން ޔެލޯ އެލާޓް ނެރެފައި ވަނީ، މިއަދުގެ މެންދުރު 12:45 އިން ހަވީރު 5:00އަށެވެ.

މޫސުމާއި ބެހޭ ޤައުމީ އިދާރާއިން ވިދާޅުވި އެސަރަހައްދަށް ގުގުރުމާއި އެކު ބޯކޮށް ވާރޭ ވެހޭނޭ ކަމަށް ލަފާކުރެވޭ ކަމަށެވެ.

Advertisement

މިހާރު ރާއްޖެއަށް ކުރަމުން މިދާ ވިއްސާރައިގައި މާލެ އަތޮޅު ގުރައިދޫގައި ރޭ ވަނީ ވަރަށް ބޮޑަށް ފެންބޮޑުވެ ގެއްލުންތައް ލިބިފައެވެ. މީގެ އިތުރުން، ރޭ ކާށިދޫ ކަނޑު ތެެރެއިން ލޭންޑިން ކްރާފްޓެއް ބަންޑުން ޖަހާލައި އެކަކު ވަނީ މަރުވެފައެވެ.

މިދުވަސްވަރު ރާއްޖެއަށް މޫސުމް ގޯސްވެފައިވާތީ، މޫސުމަށް ބަލައިގެން ދަތުރު ފަތުރުކުރެއްވުމަށާއި ފެންބޮޑުވުމުގެ ހާދިސާތަކުން ރައްކާތެރިވެ ތިބުމަށް ފިޔަވަޅުތައް އެޅުއްވުމަށް ކަމާއި ބެހޭ އިދާރާތަކުން ގެންދަވަނީ އިލްތިމާސްކުރައްވަމުންނެވެ.