ހުޅުމާލެ، ސަފާރީ ޓާމިނަލާއި ދިމާއި ފަޅު ތެރޭގައި އަޅާފައި އޮއްވައި ރާޅާއި ވައިގައި، ބަންޑުން ޖަހާލައި އަޑިޔަށް ގޮސްފައި ވަނީ، އެންވަޔަރަމަންޓް ޕްރޮޓެކްޝަން އޭޖެންސީ އީޕީއޭގެ ލޯންޗެއް ކަމުގައި އެމްއެންޑީއެފުން ވިދާޅުވެފައިވެއެވެ.

ފުލުހުންގެ އިދާރާއިން ވިދާޅުވީ ހާދިސާގެ ރިޕޯޓް ފުލުހުންނަށް ލިބިފައި ވަނީ މިއަދުގެ ހެނދުނު 11:05 ހާއިރުގައި ކަމަށާއި، ހާދިސާގައި ގެނބެމުން ދިޔަ ފަތުރުވެރިޔާ ސަލާމަތްވެފައި ވީ ނަމަވެސް، އޭނާ ސަލާމަތްކުރަންް ފޭބި ދިވެހި މުވައްޒަފު މީހާ ވަނީ ނިޔާވެފައި ކަމަށް ފުލުހުން ވިދާޅުވިއެވެ. އޭނާއަކީ އުމުރުން 39 އަހަރުގެ މީހެއް ކަމުގައި ފުލުހުން ވިދާޅުވިއެވެ.

ކޮމިޝަނަރ ޖެނެރަލް އޮފް ޓެކްސޭޝަންގެ މަޤާމަށް މިއަދު އައްޔަން ކުރެއްވި ޙަސަން ޒަރީރަކީ ޓެކްސް އަދި އޮޑިޓާ ގުޅޭ އެކި މަޤާމުތަކުގައި 2000 ވަނަ އަހަރުން ފެށިގެން މަސައްކަތް ކުރައްވާފައިވާ ބޭފުޅެކެވެ. ޙަސަން ޒަރީރު އެންމެ ފަހުން އަދާކުރައްވާފައިވަނީ ވިލާ ޝިޕިންގ އެންޑް ޓްރޭޑިންގ ކޮމްޕެނީ ޕްރައިވެޓް ލިމިޓެޑްގެ ޑިރެކްޓަރ އޮފް ފައިނޭންސް އެންޑް ގްރޫޕް ޗީފް ކޮމްޕަލަޔަންސް އޮފިސަރގެ މަޤާމެވެ. އަދި ބެންކް އޮފް މޯލްޑިވްސްގެ ޗެއަރޕަރސަންގެ މަޤާމު 7 މާރިޗު 2024 އިން ފެށިގެން އަދާކުރައްވަމުން ގެންދެވި އިރު އެބޯޑުން ޒަރީރު ވަނީ މިއަދު އިސްތިއުފާ ދެއްވާފައެވެ. ޒަރީރު ވަނީ މީގެ ކުރިން ޑެޕިއުޓީ ކޮމިޝަނަރ ޖެނެރަލް އޮފް ޓެކްސޭޝަންގެ މަޤާމުވެސް އަދާކުރައްވާފައިވެއެވެ.

މި އަހަރުގެ ކޮންފަރެސް ކުރިޔަށްދާނީ މިހިނގާ މެއި މަހުގެ 27 އިން 30 އަށެވެ. މިފަހަރުގެ ކޮންފަރެންސް ބާއްވަނީ، އުތުރު އެމެރިކާގެ ޖަޒީރާ ޤައުމެއް ކަމުގައިވާ، އެންޓިގުއާ އެންޑް ބާބިއުޑާ ގައެވެ. މިއީ ކޮންމެ 10 އަހަރަކުން އެއްފަހަރު ބާއްވަމުން އަންނަ ސިޑްސްގެ ކޮންފަރެންސް 4 ވަނަ ކޮންފަރެންސްއެވެ. މިފަހަރުގެ ކޮންފަރެންސްގެ އެއް ކޯ ޗެއާ އަކީ، ރައީސުލްޖުމްހޫރިއްޔާާ ޑރ. މުޙައްމަދު މުޢިއްޒެވެ.

ހުޅުމާލެ ފިޠުރޯނު މަގުގައި، އެމްޓީސީސީގެ ފެރީ ޓަރމިނަލް ކައިރީގައި ހުރި ބޮޑު ފިތުރޯނުގަހެއް މަގުހުރަހަށް ވެއްޓި މަގު މުޅިން ބަންދުވި އިރު، ފިތުރޯނު މަގުގެ އުތުރުކޮޅުގައި ހުރި ބޮޑެތި ފިޠުރޯނު ގަސްތަކުގެ ގޮފިތައްވެސް ވަނީ ވެރިފައެވެ.

މޯލްޑިވިއަންގެ ފްލައިޓް ޑީކިޔޫއޭ2168 ވެލާނާ އެއާޕޯޓުން ކައްދޫއަށް ފުރީ މިރޭ 10:35 ހާއިރުގައެވެ. މޫސުމް ގޯސްވުމާއި ވައިބާރުވުމާއި ގުޅިގެން ފްލައިޓް ނުޖެއްސި ވަރަށް ގިނައިރު ކައްދޫގެ ދެކުނުން ކަނޑުގެ ސަރަހައްދުގައި ބުރުޖަހާފައި ވެއެވެ.

ފުލުހުންގެ އިދާރާއިން ވިދާޅުވީ އަމީނީ މަގުގެ ދެކުނުފަޅި ލޭން އާއްމު ދަތުރުފަތުރަށް ބަންދުކޮށްފައިވާ ކަމަށާއި، މަގު ބަންދުކުރަން ޖެހުނީ މާފަންނު ސްޓޭޑިއަމްގެ އުތުރު ފަޅީގެ ފެންސްތަކަށް ގެއްލުންތައް ލިބެމުން އަންނާތީ ކަމަށެވެ.

ދިރާސީ އައު އަހަރުގެ ކިޔެވުން އާދީއްތަ ދުވަހު ފެށޭއިރު އަތޮޅުތަކާއި މާލޭގެ ގިނަ ސްކޫލުތަކުގައިވެސް ދަރިވަރުންނަށް އަދި ހަަމަޔަށް ފޮތްތައް ލިބިފައެއް ނުވެއެވެ. އެހެން ނަމަވެސް މާލޭގެ ސްކޫލުތަކުގައި އާދީއްތަ ދުވަހުން ފެށިގެން ވަނީ ދަރިވަރުންނަށް ޓެކްސްޓް ފޮތްތައް ދޫކުރަން ފަށާފައެވެ.

ކޮމިޝަނުން ވިދާޅުވީ، މިއަދާއި މިރޭވެސް ވަރަށް ގިނަ ކެނޑިޑޭޓުން މާލީ ބަޔާންތައް ހުށައަޅުއްވަމުން އެބަ ގެންދަވާ ކަމަށެވެ. ޤާނޫނު ބުނާ ގޮތުން، އިންތިޚާބުގައި ވާދަކުރެއްވި ކެންޑިޑޭޓުން އިންތިޚާބު ނިމޭތާ 30 ދުވަހުގެ ތެރޭގައި އިލެކްޝަންސް ކޮމިޝަނަށް މާލީ ބަޔާންތައް ހުށައަޅުއްވަންޖެހޭނެއެވެ. މިގޮތުން، ކެންޑިޑޭޓުންނަށް [email protected] އަށް އީމެއިލްގެ ޒަރިއްޔާއިންވެސް މާލީ ބަޔާންތައް ހުށައެޅުއްވޭނެ ކަމުގައި ކޮމިޝަނުން ވިދާޅުވިއެވެ.

ރައްޔިތުންގެ މަޖިލީހުގެ ރައީސް ކަމުގެ މަޤާމަށް، ޢައްޔަނުކުރެއްވުމަށް ރައީސުލްޖުމްހޫރިއްޔާ ޢަބްދުއްރަޙީމްގެ ނަންފުޅު ހުށައެޅުއްވި އިރު، ޢަބުދުއްރަޙީމްއަކީ މިސަރުކާރު އުފެއްދުމުގެ އެންމެ ބޮޑު މޭސްތިރިޔާއެވެ. ރައީސް ޑޮކްޓަރ މުހައްމަދު މުޢިއްޒާއި އެކުގައި ރިޔާސީ ރޭހަށް ނުކުތުމުގެ ނިންމެވުމުން ނިންމަވައި އެންމެ ބޮޑަށް އެކަމަށް މަސައްކަތް ކުރެއްވި ބޭފުޅަކީ ޢަބުދުއްރަހީމްއެވެ. ރައްޔިތުންގެ މަޖިލީހަށް އޭނާ އިންތިޚާބުވެވަޑައިގެންނެވީ، އޭނާ ނިސްބަތްވާ ފޮނަދޫ ދާއިރާގެ ގޮނޑިއަށް ވާދަކުރައްވައި އެގޮނޑި ކާމިޔާބު ކުރައްވައިގެންނެވެ. 18 ވަނަ ރައްޔިތުންގެ މަޖިލީހުގައިވެސް އަބްދުއްރަހީމް ވަނީ އެދާއިރާގެ ގޮނޑި ފުރުއްވާފައެވެ.

އެ މިނިސްޓްރީން ވިދާޅުވީ، ގްރާންޓް، އެކި ފިޔަވަހިތަކަށް ބަހާލާފައިވާއިރު، ފުރަތަމަ ފިޔަވަހި ހުޅުވާލާފައި ވަނީ ހަމައެކަނި ޕްރޮޑަކްޝަންއަށެވެ. މިއީ ގްރީންހައުސް އިންސްޓޯލްކޮށް، ހައިޑްރޮޕޯނިކްސް ސިސްޓަމް ނުވަތަ އެހެންވެސް މީޑިއަމްއެއް ޤާއިމްކޮށްގެން ދަނޑުވެރިކަންކުރުމަށް ދޭ އެހީއެވެ.

ފުލުހުން ވިދާޅުވީ، ޒަޚަމްވި މީހާއަށް ހުޅުމާލެ ހޮސްޕިޓަލްގައި ފަރުވާ ދެމުންދާ ކަމަށާއި، ޒަޚަމްވެފައި ވަނީ އޭނާގެ އަތް ކަމަށެވެ. އަދި އޭނާގެ ހާލު ސީރިއަސް ނޫންކަމުގައިވެސް ފުލުހުންގެ އިދާރާއިން ވިދާޅުވިއެވެ.

ޒުހޫރު އެމަޤާމުން މިއަދު ވަކިކޮށްފައިވާ ކަމުގައި، ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑުން ވަނީ ހާމަކޮށްފައެވެ. ޒުހޫރު މަޤާމުން ވަކިކުރި ސަބަބެއް މިހާތަނަށް ސަރުކާރުން ހާމަކުރައްވާފައެއް ނުވެއެވެ.

ފާޠިމަތު ތައުފީޤު މަޤާމުން ވަކިކުރައްވާފައިވާ އިރު، އިއްޔެ ވަނީ އެމްއެމްޕީއާރްސީގެ ޗެއާރޕާސަން ނޫރްޢައިން ޖަނާޙްވެސް މަޤާމުން އިސްތިއުފާ ދެއްވާފައެވެ. އޭގެ އިތުރުން މަޓީގެ ފަރާތުން އެމްއެމްޕީއާރްސީގެ ބޯޑުގައި އިންނެވި، ރާފިލް މުޙައްމަދު ވެސް ވަނީ ހުސްވި އޭޕްރީލް މަހުގެ ތެރޭގައި ބޯޑު މެމްބަރުކަމުގެ މަޤާމުން އިސްތިއުފާ ދެއްވާފައެވެ.

މީގެ އިތުރުން ދިވެހި ފުލުހުންގެ ޚިދުމަތުން ވަނީ، މި ދުވަސްވަރަކީ ކަނޑުގަދަ، ވިއްސާރަ ދުވަސް ވަރަކަށް ވުމާއެކު، ކޮންމެހެން ކުރަން ޖެހިއްޖެ ހާލަތުގައި މެނުވީ ކަނޑުދަތުރު ނުކުރުމަށާއި، ދަތުރުކުރަން ޖެހިއްޖެ ހާލަތުގައި ވެސް ރައްކާތެރިކަމުގެ ފިޔަވަޅު އެޅުމަށާއި ކުދި އުޅަނދުގައި ދަތުރުނުކުރުމަށް އިލްތިމާސްކުރައްވާފައެވެ.

މޫސުމާއި ބެހޭ ޤައުމީ އިދާރާއިން ވަނީ މިއަދުގެ މެންދުރު 12:00 އާއި ހަމައަށް ނެރެފައިވާ އޮރެންޖް އެލާޓުގެ ވަގުތު މިއަދުގެ ހަވީރު 4:00 އާއި ހަމައަށް އިތުރުކޮށްފައެވެ. މިވަގުތު އޮރެންޖް އެލާޓް ނެރެފައި އޮތީ، ވ. އަތޮޅުން ފެށިގެން ޅ އަތޮޅާއި ދެމެދުގައި ހިމެނޭ ސަރަހައްދުތަކަށެވެ.