Advertisement
މާލޭ ސިޓީގެ މޭޔަރު އާދަމް އާޒިމް --
ފަލަސްޠީނާއި ގުޅުވައި މާލޭގެ މަގަކަށް ނަމެއް ދޭން މޭޔަރު ހުށައަޅުއްވައިފި
ފަލަސްޠީނާއި ގުޅުވައި މާލޭގެ މަގަކަށް ނަން ދިނުމަށް މާލޭ ސިޓީގެ މޭޔަރު އާދަމް އާޒިމް ހުށައަޅުއްވައިފިއެވެ.
މާލޭ ސިޓީ ކައުންސިލްގެ ވަނަ ދައުރުގެ 146 ވަނަ ޖަލްސާއަށް އެކަން ހުށައަޅުއްވަމުން އާޒިމް ވިދާޅުވީ، މާލޭގައި ނަމެއް ނުދީ އޮތް ދެމަގެއް އެބަ އޮތްކަމަށާއި އެދެމަގަކުން މަގަކަށް ނުވަތަ އެހެން މަގަކަށް ނަމަވެސް ފަލަސްޠީނާއި ގުޅުވައި ނަމެއް ދިނުމަށް ހުށައަޅުއްވާ ކަމަށެވެ. އަދި އެކަމުގައި ބޭނުންފުޅުވެވަޑައިގަންނަވަނީ ކައުންސިލްގެ މަޝްވަރާ އާއި ލަފާ ކަމުގައި އާޒިމް ވިދާޅުވިއެވެ.
މާލޭ ސިޓީގެ މޭޔަރު އާދަމް އާޒިމް އެދިވަޑައިގެންނެވީ އެކަމުގައި ސިޓީ ކައުންސިލްގެ އެހެން މެމްބަރު ޚިޔާލު ދެއްވުމަށެވެ.
ސިޓީ ކައުންސިލްގެ އެއް މެމްބަރަކު ފިޔަވައި އެެހެން މެމްބަރުން ވަނީ އެކަމަށް ތާއީދު ކުރައްވާފައެެވެ. އެހެން ކަމުން މަގަށް ކިޔާނެ ނަމެއް ފައިނަލްކޮށް އެކަން އިޢުލާނު ކުރައްވާނެ ކަމުގައި އާޒިމް ވަނީ ވިދާޅުވެފައެވެ.
ރާއްޖެއަކީ، ފަލަސްޠީނާއި މެދު އަބަދުވެސް ޚާއްޞަ ގޮތްތަކެއް ބަހައްޓާ ޤައުމެކެވެ. ކޮންމެ ސަރުކާރެއް އޮތަސް ދިވެހި ދައުލަތުން ބައިނަލްއަޤުވާމީ މުޖުތަމަޢުގައި ފަލަސްޠީނުގެ ހައްޤުގައި ކުރާ ވަކާލާތު ކުރުމަކަށް ބަދަލެއް ނުގެނެއެވެ. ފަލަސްޠީނަކީ މިނިވަން ދައުލަތެއްގެ ގޮތުގައި ބަލައިގަނެ، އަދި ފަލަސްޠީނުގެ ވެރިރަށަކީ އިރުމަތީ ޤުދުސްކަމުގައި ކަނޑައެޅުމަށް ދިވެހިރާއްޖެއިން އަންނަނީ ބައިނަލްއަޤުވާމީ މުޖުތަމަޢުގައި ވަކާލާތު ކުރަމުންނެވެ.
