މާލޭގެ މަގުތަކުގައި ހިނގާބިނގާވެ އުޅޭ މީހުންނަށް އުނދަގޫވާނޭހެން، ޕޭވްމަންޓުތައް ބްލޮކްވާ ގޮތަށް ޕާކުކޮށްފައި ހުންނަ ވެހިކަލްތައް ފުލުހުންނާ ގުޅިގެން ވަގުތުން ޓޯވ ކުރުމަށް ވިސްނަމުން އަންނަ ކަމަށް، މާލޭ ސިޓީ ކައުންސިލްގެ މޭޔަރު އާދަމް އާޒިމް މިއަދު ވިދާޅުވެއްޖެއެވެ. އަދި އެ ކައުންސިލުން ވިސްނަނީ ކަން މަތި ތަކުގައި ރަތް ރޮނގު ދެމުމަށް ކަމަށް ވެސް ހާމަކޮށްފައިވެއެވެ.

ރައީސް ޔާމީނުގެ ޝަރީއަތަށް މިސަރުކާރުން ނުފޫޒު ފޯރުވާފައިވާ ކަމަށް ރައީސް ޔާމީނު ގެންދަވަނީ ވިދާޅުވަމުންނެވެ. އަދި އެކަމާއި ގުޅޭ ގޮތުން ދާދިފަހުން ރައްޔިތުންގެ މަޖިލީހުގެ ރައީސް ޢަބުދުއްރަހީމް ދައްކަވާފައިވާ ވާހަކަފުޅުތަކަށްވެސް ރައީސް ޔާމީނު ރައްދު ދެއްވާފައިވެއެވެ. މީގެ އިތުރުން އެމަނިކުފާނު ވަނީ، ސަރުކާރުގެ ބައެއް މަޤާމުތަކުގައި ބޭފުޅުން ޝަރުޢީ ދާއިރާގެ ބައެއް ބޭފުޅުންނާއި ދައްކަވާފައިވާ ވާހަކަފުޅުތަކެއްގެ ރެކޯޑިންގ ހުރިކަމުގައިވެސް ވިދާޅުވެފައެވެ.

މާލޭ ސިޓީ ކައުންސިލުން ސޯޝަލް މީޑިއާގައި ކުރި ޕޯސްޓެއްގައި ހާމަކޮށްފައިވާގޮތުން، ގައުމީ ކެޑޭޓް ކޯ އާއި މޯލްޑިވްސް ނެޝެނަލް ޑިފެންސް ފޯސްގެ ފަރާތުން މާލޭގެ ބޮޑެތި މަގުތަކުގައި ބޭއްވުމަށް ނިންމާފައިއޮތް ޕެރޭޑް ވިއްސާރަވުމާއި ގުޅިގެން ކެންސަލް ވެފައިވާތީ، މާލޭގައި ހިނގާފައި އުޅެން ނެރުނު ޓްރެފިކް ނޯޓިސް ވަނީ ކެންސަލް ކުރެވިފައެވެ.

މިނިވަންދުވަހުގެ ހަރަކާތްތަކާ ގުޅިގެން މާލޭ ސިޓީ ކައުންސިލުން ނެރުނު އިއުލާނެއްގައި ބުނެފައިވާ ގޮތުން، މިނިވަން ދުވަހުގެ މުނާސަބަތުގައި ގައުމީ ކެޑޭޓް ކޯ އާއި މޯލްޑިވްސް ނެޝެނަލް ޑިފެންސް ފޯސްގެ ފަރާތުން މާލޭގެ ބޮޑެތި މަގުތަކުގައި ހިނގާލުމެއް ކުރިއަށް ގެއްދިއުމަށް ހަމަޖެހިފައިވާކަމަށެވެ.

ބުރާސްފަތި ދުވަހު ސިޓީ ކައުންސިލުން ކުރި އިއުލާނުގައި ބުނެފައި ވަނީ، މާލެ ސިޓީގައި އެއްގަމު އުޅަނދު ރަޖިސްޓަރީ ކޮށްދޭނެ އަދަދާއި، އުޅަނދު ބޭނުންކުރެވޭނެ މުއްދަތު ކަނޑައެޅުމަށްޓަކައި ސަރވޭ ކުރުމާއި މިކަމާގުޅޭ ސްޓަޑީއެއް ހެދުމަށް ބޭނުންވާކަމަށާއި، އެމަސައްކަތްކޮށްދިނުމަށް ޝައުޤުވެރިވާ ފަރާތްތަކަށް ފުރުޞަތު ހުޅުވާލާފައިވާ ކަމަށެވެ.

މިސްކިތުން ވައްކަންކުރި މީހާ ހުކުރު ވިލޭތޭ މިސްކިތަށް ވަދެފަިއ ވަނީ މެންދަމު 12 ޖެހި އިރުގައެވެ. އަދި އޭނާ މިސްކިތުން ނުކުމެފައި ވަނީ، އެރޭގެ 1:09 ގައެވެ. އޭނާ މިސްކިތުން ނުކުމެފައި ވަނީ ފަންކާ ނައްޓައި ރޫޅައި ކޮތަޅަކަށް އަޅައިގެން ކަމަށް އާއްމު ކޮށްފައިވާ ސްކްރީން ޝޮޓްތަކުން ފާހަގަވެއެވެ.

ފުލުހުންގެ އިދާރާއިން ވިދާޅުވީ، މާލޭގެ މިސްކިތްތަކުން ވައްކަން ކުރުމުގެ މައްސަލަަތައް ހުށައެޅި އެމައްސަލަތައް ފުލުހުން ބަލަމުންދާ ކަމަށާއި، މިގޮތުން ވަގަށް ނަގާފައިވާ ބައެއްތަކެތި ހޯދައި ހަވާލުވެސް ކުރެވިފައިވާ ކަމަށެވެ. މިގޮތުން، އެ މައްސަލަތަކުގައި ހިމެނޭ 6 ފަންކާ، 2 ފޯނު އަދި ފެންމޯޓަރެއް ހޯދައި ވަނީ ހަވާލު ކުރެވިފައިވާ ކަމުގައި ސިޓީ ފުލުހުންގެ އިދާރާއިން ވިދާޅުވިއެވެ.

މާލޭ ސިޓި ކައުންސިލުން ބުނެފައިވާ ގޮތުގައި، މާލެ ސަރަހައްދުގެ މިސްކިތްތައް ސާފުކޮށް ބެލެހެއްޓުމަށް 13 ދިވެހި ފިރިހެނުން ބޭނުންވެއެވެ. އެކައުންސިލުން އެ ވަޒީފާއަށް ފުރުޞަތު ހުޅުވާލާފައި ވަނީ އެއް އަހަރުގެ ކޮންޓްރެކްޓް ވަޒީފާއެއްގެ ގޮތުގައެވެ.

މާލޭ ސިޓީ ކައުންސިލްގެ ވަނަ ދައުރުގެ 146 ވަނަ ޖަލްސާއަށް އެކަން ހުށައަޅުއްވަމުން އާޒިމް ވިދާޅުވީ، މާލޭގައި ނަމެއް ނުދީ އޮތް ދެމަގެއް އެބަ އޮތްކަމަށާއި އެދެމަގަކުން މަގަކަށް ނުވަތަ އެހެން މަގަކަށް ނަމަވެސް ފަލަސްޠީނާއި ގުޅުވައި ނަމެއް ދިނުމަށް ހުށައަޅުއްވާ ކަމަށެވެ. އަދި އެކަމުގައި ބޭނުންފުޅުވެވަޑައިގަންނަވަނީ ކައުންސިލްގެ މަޝްވަރާ އާއި ލަފާ ކަމުގައި އާޒިމް ވިދާޅުވިއެވެ.

މި އެއްބަސްވުމުގައި ހައިމަން ކޮންސްޓްރަކްޝަން ޕްރައިވެޓް ލިމިޓެޑްގެ ފަރާތުން ސޮއެކުރެއްވީ، އެކުންފުނީގެ ޑިރެކްޓަރ މުޙައްމަދު އައިމަންއެވެ. މާލޭ ސިޓި ކައުންސިލްގެ ފަރާތުން އެއްބަސްވުމުގައި ސޮއެކުރެއްވީ، ސެކްރެޓަރީ ޖެނެރަލް ވަޖީހް ނަސީރުއެވެ. މިއެއްބަސްވުމުގައި ސޮއެކުރުމަށް ބޭއްވި ރަސްމިއްޔާތުގައި މާލޭ ސިޓީގެ މޭޔަރު އާދަމް އާޒިމް ބައިވެރިވެވަޑައިގެންނެވިއެވެ.

މާލޭ ސިޓީކައުންސިލުން ވިދާޅުވީ، އެކަން ކުރި ފަރާތާއި މެދު ފިޔަވަޅު އަޅައި ޖޫރިމަނާކޮށް، އެކަން ރަނގަޅު ކުރުމަށް އަންގާފައިވާ ކަމަށެވެ. އަދި އާއްމުރައްޔިތުންނަށް އުނދަގޫވާ ގޮތަށް އެފަދަ ކަންކަން ނުކުރުމަށް އިލްތިމާސްކުރާ ކަމަށެވެ.

މިގޮތުން މިތަކެތި ބަލައިގަންނަމުންދާނީ، 27 އޭޕްރީލް 2024 ން 2 މެއި 2024 ގެ ނިޔަލަށް ކޮންމެ ދުވަހެއްގެ ހެނދުނު 9:00 ން ހަވީރު 4:00 އަށް މި އިދާރާގެ ޢާއްމު ޚިދުމަތްތަކާބެހޭ ބައި (ތައިސޭކޮށި) ވިލިމާލެ ސެކްޝަން އަދި ހުޅުމާލެ ސެކްޝަނުންނެވެ.

މިމައްސަލައިގެ ކަންބޮޑުވުން ފާޅުކުރައްވައި މާލޭ ސިޓީގެ މޭޔަރު އާދަމް އާޒިމް އެކްސްގައި ކުރެއްވި ޕޯސްޓެއްގައި ވިދާޅުވީ، އެއީ އެތައް ހާސް ދަރިވަރުންނަށް އަސަރު ކުރާނެ ކަމެއް ކަމަށާއި، އެކުދިން އިމާރާތުން ނެރުމަކީ މެޑިސިން ފަދަ ކޯހެއްގައި ކިޔަވާ ދަރިވަރުންތަކެއް ކިޔެވުމަށް ކުރަންޖެހޭނެ މަސައްކަތާމެދު ވިސްނާނުލާ ދެވޭ ނިކަމެތި ކަމެއް ކަމަށެވެ. މީގެ އިތުރުން އެކުދިންގެ ކިޔެވުމަށް ކުރާ މަސައްކަތަކީ ވަރަށް ބުރަކޮށް ކުރާ ހޭދައެއްކަމާއި އަދި ބެލެނިވެރިންގެވެސް ވަރަށްބޮޑު އުންމީދެއްކަން އާޒިމް ފާހަގަކުރެއްވިއެވެ.

ސަރުކާރުން އަޅާ މި ފެސިލިޓީއަކީ މާލެ ސަރަހައްދުގެ ޕާކުތަކާއި މަގުމަތީގައާއި އަދި މި ނޫންވެސް ޢާންމުން އެއްވެ އުޅޭ ސަރަހައްދުތަކުގައި ބުޅާ ގިނަވެ، އެ ބުޅާތަކަށް ލިބެމުންދާ އަނިޔާތަކާއި އަދި ތަފާތު ބަލިތައް ޖެހުމުން ސަލާމަތްކޮށް، ބުޅާތައް ދިރިއުޅޭނެ ރައްކާތެރި މާހައުލެއް ޤާއިމުކުރުމަށާއި އާންމު ތަންތަނުގައި ބުޅާ ގިނަވުމުގެ ސަބަބުން ފެތުރިދާނެ ބަލިތަކުން އާންމު ސިއްޙަތު ރައްކާތެރި ކުރުމުގެ ބޭނުމުގައި ޤާއިމުކުރާ ފެސިލިޓީއެކެވެ.

މަގުމައްޗަށް ކުނިއަޅާ މީހުންގެ ފޮޓޯ އާއި ވީޑިއޯ ސިޓީ ކައުންސިލުން މިހާރު އާންމު ކުރަން ފަށާފައިވާއިރު، ފުލުހުންނާ ގުޅިގެން މި މައްސަލަ ހައްލު ކުރުމަށް ދަނީ މަސައްކަތްކުރަމުންނެވެ. އަދި މަގުތަކަށް ކުނިއަޅާ މީހުންނަށް ނަސޭހަތް ދީ ޖޫރިމަނާ ކުރުމުގެ މަސައްކަތް ވެސް ކަމާ ގުޅޭ އިދާރާތަކާ ގުޅިގެން ކުރަމުން އަންނަކަމަށް ސިޓީ ކައުންސިލުން ބުނެފައިވެއެވެ.

އާޒިމް ވިދާޅުވީ، ދިޔަދޮވި އަދި އޭސީ ތަކުން މަގުމައްޗަށް ފެންފައިބާ މައްސަލަތަކަކީ، އެކަމުގެެ ސަބަބުން ހިނގާ ބިނގާވެ އުޅޭ މީހުންނަށް ތަކުލީފަކަށްވެފައި އޮންނަ ކަމެއް ކަމަށާއި އެކަމާއި ގުޅިގެން ކައުންސިލުން ފިޔަވަޅުތައް އަޅަން ފަށާފައިވާ ކަމަށެވެ. މިގޮތުން އަސްކަނިތަކާއި ދިޔަ ދޮވިތަކުން އަދި އޭސީން މަގުމައްޗަށް ފެން ފައިބާ 12 އިމާރާތެއް އިއްޔެ އިންސްޕެކްޓްކޮށްފައިވާ ކަމަށާއި، އަދި އެކަންކަން އިސްލާޙް ކުރުމަށް ވެރިފަރާތްތަކަށް އަންގާފައިވާ ކަމުގައިވެސް އާޒިމް ވިދާޅުވިއެވެ.