މާލޭ މާފަނުގައި ހުންނަ ޢީދު މިސްކިތުން ވައްކަން ކުރި ކަމަސް ބެލެވޭ މީހާގެ ފޮޓޯ އާއްމުކޮށްފިއެވެ.

މާލޭ ސިޓީކައުންސިލުން ވަނީ މާލޭގެ ޢީދު މިސްކިތުން ވައްކަން ކުރިކަމަށް ތުހުމަތުކުރެވޭ މީހާ މިސްކިތުގެ ތެރޭގައި އުޅޭ މަންޒަރުން ފެންނަ، ސީސީޓީވީ ވީޑިއޯ ފުޓޭޖްގެ ސްކްރީން ޝޮޓްތައް އާއްމުކޮށް އެމައްސަލަ ފުލުހުންނަށް ހުށައަޅާފައިވާ ކަން ހާމަކޮށްފައެވެ.

މިސްކިތުން ވައްކަންކުރި މީހާ ހުކުރު ވިލޭތޭ މިސްކިތަށް ވަދެފަިއ ވަނީ މެންދަމު 12 ޖެހި އިރުގައެވެ. އަދި އޭނާ މިސްކިތުން ނުކުމެފައި ވަނީ، އެރޭގެ 1:09 ގައެވެ. އޭނާ މިސްކިތުން ނުކުމެފައި ވަނީ ފަންކާ ނައްޓައި ރޫޅައި ކޮތަޅަކަށް އަޅައިގެން ކަމަށް އާއްމު ކޮށްފައިވާ ސްކްރީން ޝޮޓްތަކުން ފާހަގަވެއެވެ.

މާލޭ ޢީދު މިސްކިތުން ވައްކަން ކުރިކަމަށް ބެލެވޭ މީހާ މިސްކިތުން ނުކުންނަނީ --- 

މާލޭ ސިޓީ ކައުންސިލުން ވިދާޅުވީ، މިޖޫން މަހުގައި އެކަނިވެސް މާލޭ ޢީދު މިސްކިތުން 10 ފަންކާއެއް ވަގަށް ގެންގޮސްފައިވާ ކަމަށެވެ.

ފުލުހުންގެ އިދާރާއިން ވިދާޅުވީ މިއަހަރުގެ މިހާތަނަށް މާލޭގެ މިސްކިތްތަކުން ވައްކަން ކުރުމުގެ 21 މައްސަލައެއް ފުލުހުންނަށް ހުށައެޅި ބަލަމުންދާ ކަމަށެވެ.