Advertisement
މާފަންނު ހުޅަނގު އުތުރު ދާއިރާގެ މެންބަރު މުހައްމަދު އަރީޝް ---
ޑެޕިއުޓީ މޭޔަރަކަށް އަރީޝް އިންތިޚާބުކޮށްފި
މާލެ ސިޓީގެ ޑެޕިއުޓީ މޭޔަރުގެ މަގާމަށް މާފަންނު ހުޅަނގު އުތުރު ދާއިރާގެ މެންބަރު މުހައްމަދު އަރީޝް އިންތިހާބުކޮށްފި އެވެ.
މިއަދު އޭނާ ޑެޕިއުޓީ މޭޔަރުގެ މަޤާމަށް ހޮވާފައި ވަނީ، މާލޭ ސިޓީ ކައުންސިލުން ބޭއްވި އެކައުންސިލުގެ ޖަލްސާގައެވެ.
ޑެޕިއުޓީ މޭޔަރުގެ މަޤާމަށް ކުރިމަތިލެއްވީވެސް ޢަރީޝް އެކަންޏެވެ. އެހެންވެ އެމަޤާމަށް ޢަރީޝް ހޮވުމަށްޓަކައި ނަގާފައި ވަނީ، ފެންނަ ނުފެންނަ ވޯޓެއް ކަމަށާއި، ސިއްރު ވޯޓެއްގެ ގޮތުގައި ނެގި އެވޯޓުގައި ކައުންސިލްގެ 16 މެމްބަރުންވެސް ވޯޓު ދެއްވީ އަރީޝް ޑެޕިއުޓީ މޭޔަރުގެ މަޤާމަށް ހޮވަން ފެންނަ ކަމަށް ކަމުގައި ސިޓީ ކައުންސިލުން ހާމަކުރައްވާފައި ވެއެވެ.
މާލޭސިޓީ ކައުންސިލްގެ ކުރީގެ ޑެޕިއުޓީ މޭޔަރު އަޙްމަދު ނަރީޝް މަޤާމުން އިސްތިއުފާ ދެއްވީ، މިދިޔަ ބުދަ ދުވަހުގައެވެ. އޭނާ ވަނީ ޔޫތު މިނިސްޓަރުގެ އެޑްވައިޒަރުގެ މަޤާމަށް ޢައްޔަނުކުރެއްވުމުން މިއަދު އޮފީހަށް ނުކުންނަވަން ފައްޓަވާފައެވެ.
އަދި ކުރީގެ ޑެޕިއުޓީ މޭޔަރު ނަރީޝް ވަނީ ޢަރީޝްއަށް މަރުހަބާ ވިދާޅުވެފައެވެ.
