މީގެ ކުރިން ވެސް އެތައް ފަހަރެއްގެ މަތިން ވައްކަންކޮށްފައިވާ ޢީދު މިސްކިތުން އަނެއްކާ ވެސް ވައްކަންކޮށްފިއެވެ. މި ފަހަރު އެ މިސްކތުން ވައްކަން ކުރީ މަރާމާތަށް ބަންދުކޮށްފައި ހުއްޓައެވެ.

މާލޭ ސިޓީ ކައުންސިލުން ހާމަކޮށްފައިވާ ގޮތުގައި، މި ވައްކަން ކޮށްފައިވަނީ ރޭ އިރުއޮއްސި 06:00 އާއި 10:00 އާ ދެމެދުއެވެ. އަދި ވަގަށް ނަގާފައިވާ ތަކެތީގެ ތެރޭގައި 13 ބޮތްކާއި އަށް ފަންކާގެ ނަރުތައް ހިމެނޭ ކަމަށް ސިޓީ ކައުންސިލުން ހާމަކޮށްފައި ވެއެވެ.

މި މައްސަލަ މިހާރު ވަނީ ތަހުގީގު ކުރުމަށް ޕޮލިހަށް ހުށަހަޅާފައެވެ. ފުލުހުންނަށް މި މައްސަލަ ރޭ ހުށަހަޅާފައިވީ ނަމަވެސް، އަދި މި މއްސަލައާ ގުޅިގެން އެއްވެސް މީހަކު ހައްޔަރުކޮށްފައެއް ނުވެއެވެ.

ޢީދު މިސްކިތުން ތަކުރާރުކޮށް ކުރަމުންދާ ވައްކަން ތަކުގައި މިދިޔަ ޖޫން މަހުގެ ތެރޭގައި ވަނީ 10 ފަންކާ ވަގަށް ނަގާފައެވެ.