މާލޭ އާސަހަރާ މިސްކިތް، މަސްޖިދުއްތަޢާވުން، މާދަމާގެ ހުކުރު ނަމާދަށް ހުޅުވުމަށް ނިންމައިފިއެވެ.

މާލޭ ސިޓީ ކައުންސިިލުން ވިދާޅުވީ، 2024 ސެޕްޓެމްބަރު މަހުގެ 5ވާ ހުކުރު ދުވަހުގެ ހުކުރު ނަމާދަށް، އާސަހަރާ މިސްކިތް ހުޅުވުމުގެ ގޮތުން ކުރަންޖެހޭ އެންމެ ފަހުގެ މަސައްކަތްތައް މިހާރު ކުރަމުންދާ ކަމަށެވެ. މިގޮތުން މާދަމާ އާސަހަރާ މިސްކިތް ހުޅުވާއިރު، ފުރަތަމަ ނަމާދު ކުރުމަށް ހުޅުވާލުމަށް ނިންމާފައި ވަނީ، މިސްކިތުގެ ގްރައުންޑް ފްލޯ އެކަނި ކަމަށްވެސް ސިޓީކައުންސިލުން ހާމަކޮށްފައިވެއެވެ. އާސަހަރާ މިސްކިތް މާދަމާ ހުޅުވާއިރު އެމިސްކިތުގެ ތިރީބައި ހުންނާނީ އޭސީކޮށްފައި ކަމަށްވެސް ސިޓީ ކައުންސިލުން ހާމަކޮށްފައިވެއެވެ.

މާލޭ ސިޓީކައުންސިލްގެ މޭޔަރު އާދަމް އާޒިމް ވަނީ، އާސަހަރާ މިސްކިތް ހުކުރު ނަމާދަށް ހުޅުވުމުގެ ތައްޔާރީތައް ހިނގަމުންދާ ގޮތް ބައްލަވާލައްވާފައެވެ.