Advertisement
ހުޅުމާލޭގެ މިސްކިތެއް --
މާލެ ސަރަހައްދުގެ މިސްކިތްތައް ބެލެހެއްޓުމަށް ދިވެހި ފިރިހެނުން ހޯދަނީ
މާލެ ސަރައްހަދުގެ މިސްކިތްތައް ފޮޅައި ސާފުކޮށް ބެލެހެއްޓުމަށްޓަކައި ދިވެހި ފިރިހެން މުވައްޒަފުން ހޯދުމަށް މާލޭ ސިޓީ ކައުންސިލުން އިއުލާނުކޮށްފިއެވެ.
މާލޭ ސިޓި ކައުންސިލުން ބުނެފައިވާ ގޮތުގައި، މާލެ ސަރަހައްދުގެ މިސްކިތްތައް ސާފުކޮށް ބެލެހެއްޓުމަށް 13 ދިވެހި ފިރިހެނުން ބޭނުންވެއެވެ. އެކައުންސިލުން އެ ވަޒީފާއަށް ފުރުޞަތު ހުޅުވާލާފައި ވަނީ އެއް އަހަރުގެ ކޮންޓްރެކްޓް ވަޒީފާއެއްގެ ގޮތުގައެވެ.
މިވަޒީފާއަށް އެދޭ ފަރާތްތަކަށް ވަޒީފާއަށް އެދި ހުށައެޅުމުގެ ފުރުޞަތު ހުޅުވާލާފައި ވަނީ މިއަންނަ ޖޫން މަހުގެ 6 ވަނަ ދުވަހުގެ ނިޔަލަށެވެ.
މީގެ ކުރިން މާލޭ ސިޓީ ކައުންސިލުން މާލޭ ސިޓީ ކައުންސިލްގެ މިސްކިތްތައް ފޮޅާ ސާފުކޮށް ބެލެހެއްޓުމުގެ މަސައްކަތް ކުރަމުން އައީ ބީލަމުގެ އުސޫލުން ކުންފުނިތަކާއި ހަވާލުކޮށްގެންނެވެ.
