Advertisement
އެމްއެމްޕީއާރްސީގެ ކުރީގެ މެނޭޖިންގ ޑައިރެކްޓަރ ފާޠިމަތު ތައުފީޤު ފަތުރުވެރިކަމުގެ ދާއިރާގެ އެހެން ބޭފުޅުންނާއި އެކު --
އެމްއެމްޕީއާރްސީގެ ހިންގުން ބައްސާމަށް ހަވާލުކޮށްފި
އެމް.އެމް.ޕީ.އާރު.ސީ ގެ ހިންގުން އެކުންފުނީގެ ޑެޕިޔުޓީ މެނޭޖިންގް ޑިރެކްޓަރު އަލްފާޟިލް މުހައްމަދު ބައްސާމު އާދަމް އާއި މިއަދުންފެށިގެން ވަގުތީގޮތުން ހަވާލުކޮށްފައިވާ ކަމުގައި، ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑު (ޕީ.ސީ.ބީ) އިން ބުނެފިއެވެ.
އެކުންފުނީގެ ހިންގުން ބައްސާމާއި މިއަދުން ފެށިގެން ހަވާލުކޮށްފައި ވަނީ، އެކުންފުނީގެ މެނޭޖިންގ ޑައިރެކްޓަރުގެ މަޤާމުގައި ހުންނެވި ފާޠިމަތު ތައުފީޤު (ކުޑީ) އިއްޔެ އެމަޤާމުން ވަކިކުރެއްވުމަށްފަހުގައެވެ. އޭނާ އެމަޤާމުން ވަކިކުރެއްވި ސަބަބެއް ސަރުކާރުން އަދި ހާމައެއް ނުކުރެއެވެ. އެހެން ނަމަވެސް ކުޑީގެ މައްޗަށް ބައެއް ފަރާތްތަކުން ވަނީ ކޮރަޕްޝަންގެ ތުހުމަތުތައް ކޮށްފައެވެ.
އިއްޔެއާ މިއަދު ސަރުކާރުގެ ބައެއް ކުންފުނިތަކުންނާއި މަޤާމުތަކުން ބައެއް މީހުން ވަކިކޮށް އަދި ބައެއް މީހުން ވަޒީފާއިން ސަސްޕެންޑް ކުރަމުން ދާއިރު، އެކަމާއި ގުޅޭ ގޮތުން ޗީފް ސްޕޯކްސް ޕަރސަން ހީނާ ވަލީދު ވިދާޅުވީ، ސަރުކާރުގެ ހިންގުން ހަރުދަނާ ކުރެއްވުމުގެ ގޮތުން އަބަދުވެސް ބަދަލުތައް ގެންނަމުންދާ ކަމަށެވެ.
