ފަތުރުވެރިކަމާއި ބެހޭ ވުޒާރާއިން ވިދާޅުވީ، "އައްޑޫ އައްސޭރި ޓޫރިޒަމް ޑިވަލޮޕްމެންޓް ޕްލޭން" އެކުލަވައިލީ ސީޑީސީ ކޮންސަލްޓިންގެ އެހީގައި ކަމަށެވެ. މި ޕްލޭންގައި ކުރިއަށް އޮތް 5 އަހަރު އައްޑޫގެ ޓޫރިޒަމް ތަރައްގީކުރުމަށް ހާސިލު ކުރާނެ ކަންކަން ވަނީ ހިމަނާފައެވެ.

މަސްވެރިކަމުގެ ދާއިރާގައި މަސައްކަތްކުރާ ކުދި ވިޔަފާރި އާއި މެދުފަންތީގެ ވިޔަފާރިތައް ކުރިއެރުވުމަށް "މަހަ"ގެ ނަމުގައި ބިޒްނަސް ސެންޓަރ ކޯޕަރޭޝަން (ބީސީސީ)ން ޚާއްޞަ އީކޮމަރސް ޕްލެޓްފޯމެއް ތަޢާރަފުކޮށްފިއެވެ. މި ޕޯޓަލް އިފްތިތާހުކޮށްދެއްވީ އެސްއެމްއީ ޑެވެލޮޕްމެންޓް ފައިނޭންސް ކޯޕަރޭޝަން (އެސްޑީއެފްސީ)ގެ މެނޭޖިންގ ޑިރެކްޓަރ އައިޝަތު ފިފްޝީން ޢަލީއެވެ.

އެސްޑީއެފްސީން ފަށާ މަދަދު ލޯނަށް އެދި ހުށައެޅުމުގެ ފުރުޞަތު ހުޅުވާލުމަށް ހަމަ ޖެހިފައިވަނީ އަންނަ މަހުގެ 3ވަނަ ދުވަހުއެވެ. އަދި ފަށާ މަދަދު ލީސިންގަށް އެދި ހުށައެޅުމަށް ހުޅުވާލެވިގެން ދާނީ މާރިޗު މަހުގެ ތެރޭގައި ކަމަށް އެސްޑީއެފްސީން ވިދާޅުވެއެވެ.

މަސްވެރިންގެ އަތުން މަސް ގަތުމަށްފަހު ސަރުކާރުން ދޭން ޖެހިފައިވާ ފައިސާގެ ތެރެއިން 70 މިލިއަން ރުފިޔާ ދޫކޮށްފައިވާކަމަށް މިނިސްޓްރީ އޮފް ފިޝަރީޒް އެންޑް އޯޝަން ރިސޯސަސްއިން ހާމަކޮށްފިއެވެ.

ސަލީމް ވިދާޅުވީ، އިލެކްޝަންސް ކޮމިޝަނުން ރޯދަމަހުގެ ތެރޭގައި އިންތިޚާބު ބޭއްވުމަށް ނިންމައި އިއުލާނުކުރީ، ރޯދައިގެ ފަހަށް އިންތިޚާބު ލަސްކުރުމަށް މަޖިލީހުންނާއި، ރައްޔިތުންވެސް އެދެމުން ދަނިކޮށްކަމަށެވެ.

މިތަޤުރީރުގައި، މޫސުމީ ބަދަލުތަކުގެ ސަބަބުން ރާއްޖެއަށް ކުރިމަތިވަމުން އަންނަ ގޮންޖެހުންތަކަށް އަލިއަޅުއްވާލައްވައި، އަސްލަމް ދެއްކެވި ވާހަކަފުޅުގައި ވިދާޅުވީ، ރާއްޖެއަކީ މާގިނަ ވަޞީލަތްތަކެއް ނެތް ނަމަވެސް، ތިމާވެއްޓާއި ރައްޓެހި ގޮތްތަކަށް ކަންތައް ކުރުމުގައި ކުރި ހޯދާފައިވާ ޤައުމެއް ކަމަށެވެ. މިގޮތުން ރާއްޖެއިން ފުރަތަމަ ފަހަަރަށް، ހަކަތަ އާއި މޫސުމަށް އަންނަ ބަދަލުތަކާއި ފެނާއި ނަރުދަމާ އާއި ކުނި މެނޭޖުކުރުމާއި ގުޅޭ ޤާނޫނުތައް، މިހިނގާ 5 އަހަރުގެ ތެރޭގައި، ފާސްކުރެވިފައިވާކަން އެމަނިކުފާނުގެ ވާހަކަފުުޅުގައި ފާހަގަކުރެއްވިއެވެ.

މިބައްދަލުުކުރެއްވުން ބާއްވަވާފައި ވަނީ، 14 ވަނަ އޭޝިއަން ޕާލަމެންޓަރީ އެސެމްބްލީގައި ބައިވެރިވެވަޑައިގަތުމަށް، ރައްޔިތުންގެ މަޖިލީހުގެ ރައީސް، އޮނަރަބަލް މުޙައްމަދު އަސްލަމް އަޒަރުބައިޖާނަށް ކުރެއްވި ރަސްމީ ދަތުރުފުޅުގެ ތެރެއިން މިއަދުކަމުގައި ރައްޔިތުންގެ މަޖިލީހުގެ އިދާރާއިން ހާމަކުރައްވާފައިވެއެވެ.

މިރޭގެ ފޯރަމަށް ސުވާލު ހުށައެޅުމުގެ ފުރުޞަތު މިހާރު ހުޅުވާލާފައިވާ ކަމަށާއި، އޭގެ އިތުރުން ވަގުތުން ރައީސުލްޖުމްހޫރިއްޔާ އާއި ސުވާލު ކުރުމުގެ ފުރުޞަތުވެސް ދޭނެ ކަމުގައި ރައީސުލްޖުމްހޫރިއްޔާގެ އޮފީހުން ވަނީ ވިދާޅުވެފައެވެ.

އެކޮމިޝަނުން ވިދާޅުވީ، 2024 މާރިޗު 17 ވާ އާދީއްތަ ދުވަހު ބޭއްވުމަށް ހަމަޖެހިފައިވާ ރައްޔިތުންގެ މަޖިލީހުގެ އިންތިޚާބު 2024 ގެ އޮފިޝަލުންގެ ގޮތުގައި ޙަރަކާތްތެރިވުމަށް ޝައުޤުވެރިވާ ފަރާތްތަކުން އެޕްލިކޭޝަން ހުށައެޅުުމުގެ މުއްދަތު، މާރިޗު މަހުގެ 05 ވަނަ ދުވަހުގެ 15:00 އާއި ހަމައަށް ހުޅުވާލާފައިވާ ކަމަށެވެ.

ޕޮލިސް ޕޯސްޓްތައް ހުޅުވައި ޚިދުމަތްދޭން ފަށާފައި ވަނީ، ހއ. ފިއްލަދޫ، ހދ. ކުރިނބި، ހދ. ނެއްލައިދޫ، ށ. ޅައިމަގު، ނ. ޅޮހި، ނ. ހެނބަދޫ، ނ. މާޅެންދޫ، ނ. މިލަދޫ، ބ. މާޅޮސް، ބ. ކިހާދޫ، ބ. ކުޑަރިކިލު، ބ. ހިތާދޫ، ވ. ތިނަދޫ އަދި ވ. ފުލިދޫ، ދ. ހުޅުދެލި، ތ. ވަންދޫ، ތ. ގާދިއްފުށި، ލ. މާބައިދޫ، ގއ. ކޮނޑޭ ގައެވެ.

މިނިސްޓްރީ އޮފް ފިޝަރީޒް އެންޑް އޮޝަން ރިސޯސަސް އިން ނެރުނު ނޫސް ބަޔާނެއްގައި ބުނީ، ބުދަ ދުވަހުގެ ރެއާއި ހަަމައަށް މަސްވެރިންނަށް، 70 މިލިއަން ރުފިޔާ ޖަމާކޮށްދީފައިވާ ކަމަށާއި، މިފެބުރުއަރީ މަހުގެ 26 ވާ ހޯމަދުވަހުގެ ކުރިން އިތުރު 30 މިލިޔަން ރުފިޔާ އާއެކު ޖުމުލަ 100 މިލިޔަން ރުފިޔާ މިހަފްތާގެ ތެރޭގައި މަސްވެރިންނަށް ޖަމާކޮށްދޭނެ ކަމަށެވެ.

މިނިސްޓަރ ޑރ މުއްޠަލިބު ސޯޝަލްމީޑިއާގައި ކުރެއްވި ޕޯސްޓެއްގައި ވިދާޅުވީ، ތިލަމާލެ ބުރިޖުގެ މަސައްކަތް ކުރާތީ މާލެ-ވިލިމާލެ އަދި ވިލިމާލެ-ގުޅީފަޅު ކަނޑުއޮޅިން ދަތުރުކުރުން ޓްރާންސްޕޯޓް މިނިސްޓްރީ އިން އޮތީ މަނާކޮށްފައި ކަމަށެވެ. އަދި އެސަރަހައްދުން ދަތުރުކުރާ ނަމަ، ލައިސަންސް ހިފަހައްޓާނެކަމުގެ އިންޒާރުވެސް އޮތީ ދީފައި ކަމަށްވެސް މިނިސްޓަރު ވިދާޅުވިއެވެ. މިނިސްޓަރ ޑރ މުއްޠަލިބު ވިދާޅުވީ، މިފަދަ ހިތާމަވެރި އަދި ނުރައްކާތެރި ހާދިސާތަކުން ސަލާމަތްވުމަށް ކަނޑުގައި ދުއްވާ އުޅަނދުތަކުން މި ދެ ކަނޑުއޮޅިން ދަތުރު ނުކުރުމަށް ތަކުރާރުކޮށް އިލްތިމާސްކުރައްވާ ކަމަށެވެ.

ދަރުމަވަންތަ ހޮސްޕިޓަލުގެ އުޑުވިލާ މާލަމުގައި ކުރިއަށްދިޔަ ރަސްމިއްޔާތުގައި މިމަޝްރޫޢު އިފްތިތާހްކޮށްދެއްވީ، ރައީސުލްޖުމްހޫރިއްޔާގެ ނައިބު އަލްއުސްތާޛު ޙުސައިން މުޙައްމަދު ލަޠީފެވެ.

މިއެކްސިޑެންޓްގައި އަނިޔާވި 13 މީހުންގެ ތެރޭގައި ހިމެނެނީ، ގްރޭޓާ މާލެ ކަނެކްޓިވިޓީ ބްރިޖުގެ މަސައްކަތް ކުރާ އެފްކޮންސްގެ 10 މީހުންނާއި، އަނަންތަރާ ރިޒޯޓުގެ 3 މީހުންނެވެ.

އެޕާޓީން ހާމަކޮށްފައިވާ ގޮތުގައި މިފަހަރު ރައްޔިތުންގެ މަޖިލީހަށް އެޕާޓީން ކަނޑައެޅި ޝިޢާރަކީ، "މިސްރާބު ހަމަ މަގަށް" މިޝިއާރެވެ.

މަޖިލީހުގެ މެމްބަރުންގެ ގޮނޑި ގެއްލޭ ގޮތަށް، ރައީސް ޔާމީނުގެ ސަރުކާރުގައިވެސް ޤާނޫނެއް ފާސްކުރިއެވެ. އެޤާނޫނު ފާސްކުރީ ރައްޔިތުންގެ މަޖިލީހުގެ 12 މެމްބަރެއްގެ ގޮނޑި ގެއްލިއްޖެކަމަށް ނިންމައި އޭރު ސަރުކާރުން ހިންގަމުން ގެންދިޔަ ކަންތައްގަނޑެއްގެ ތެރެއިންނެވެ. އަދި 18 ވަނަ ރައްޔިތުންގެ މަޖިލީހުން އެ ޤާނޫނު ފާސްކުރި އިރު ހިމަނާފައި އޮތީ، ރައްޔިތުންގެ މަޖިލީހުގެ މެމްބަރަކު އެބޭފުޅަކު ހުންނެވި ޕާޓީން ވަކިކޮށްފި ނަމަވެސް މަޖިލީހުގެ ގޮނޑި ގެއްލޭ ގޮތަށެވެ.