މީހުންގެ އަތުން ފޭރެމުން ދިޔަ 4 މީހަކު ހިފައްހައްޓައި ފުލުހުންނާއި ހަވާލުކޮށްފިއެވެ.

ފުލުހުންގެ އިދާރާއިން ވިދާޅުވީ، މިހާދިސާ ހިނގާފައި ވަނީ ހުޅުމާލެ ފޭސް 2 ގެ ހިޔާ ޓަވަރުތައް ކައިރީގައި ކަމަށެވެ.

ފުލުހުންގެ އިދާރާއިން ވިދާޅުވީ، ހުޅުމާލެ ފޭސް 2 ގެ ހިޔާގެ އެއްވަނަ ޓަވަރު ކައިރީގައި، މީހަކު އަތުން ފައިސާ ފޭރުނު ބަޔަކު ހިފަހައްޓައިގެން އުޅޭ ކަމަށް ފުލުހުންނަށް ރިޕޯޓްކޮށްފައި ވަނީ ރޭގައި އެކަމަށެވެ. އެހާދިސާ އާއި ގުޅިގެން ފުލުހުން އެތަނަށް އެޓެންޑްވެ މައުލޫމާތު ސާފު ކުރި އިރު ފޭރުމުގެ ތުހުމަތުގައި ހިފެހެއްޓި މީހުން އެހެން އެހެން މީހުންގެ އަތުން އެކި ފަހަރު މަތިން ފައިސާ ފޭރުނު ކަމުގެ މައުލޫމާތު ލިބިފައިވާ ކަމަށް ފުލުހުންގެ އިދާރާއިން ވިދާޅުވިއެެވެ.

ފުލުހުން ވިދާޅުވީ، ފޭރުމުގެ މިމައްސަލަ އާއި ގުޅިގެން ދިވެހި 4 ފިރިހެނަކު ހައްޔަރުކޮށްފައިވާ ކަމަށާއި، އޭގެ ތެރޭގައި ހިމެނެނީ، 32 އަހަރު ގެ ދެމީހުންނާއި، 36 އަހަރުގެ މީހަކާއި، 45 އަހަރުގެ މީހެއް ކަމަށެވެ.

މިހާދިސާ ފުލުހުން ދަނީ ތަޙްޤީޤު ކުރަމުންނެވެ.