ރައްޔިތުންގެ މަޖިލިސް ކުރާ ގެއާ ކައިރީގައި ޕާކުކޮށްފައި ހުރި ސައިކަލު ތަކެއްގައި މީހަކު ގަސްދުގައި ރޯކޮށް އަންދާލައިފިއެވެ.

ފުލުހުންގެ އިދާރާއިން ވިދާޅުވީ، ސައިކަލްތަކުގައި އަލިފާން ރޯވެފައި ހުއްޓައި ފެނިގެން ފުލުހުންނަށް ރިޕޯޓްކޮށްފައި ވަނީ، ފަތިހު 3:03 ގައި ކަމަށެވެ.

ރޯކޮށްލާފައި ވަނީ، މެދު ޒިޔާރަތް މަގުން ހޮޓެލް ޖެން އާއި ކައިރީގައި ހުރި ސައިކަލުތަކެއްގައި ކަމަށް ފުލުހުން ބުނެފައި ވާއިރު، އެސަރަހައްދުގައި މަޖިލިސް އިދާރާގެ އުތުރުފަރާތަށް ވާ ގޮތަށް އޮންނަނީ ސައިކަލާއި ހަތަރުފުރޮޅުލީ އުޅަނދުތައް ޕާކުކުރާ ޕާކިން ޒޯނެކެވެ.

ފުލުހުން ވިދާޅުވީ، ސައިކަލުތަކުގައި ރޯކޮށްލުމާއި ގުޅިގެން 7 ސައިކަލަކަށާއި 1 ވޭނަަށް ބޮޑެތި ގެއްލުންތަކެއް ލިބިފައި ވާކަމަށެވެ. އަދި އަލިފާން ރޯކޮށްލި ކަމަށް ތުހުމަތު ކުރެވޭ މީހާ ދެނެގަނެވި އޭނާ ހައްޔަރު ކުރުމުގެ މަސައްކަތް ކުރަމުންދާ ކަމުގައި ފުލުހުންގެ އިދާރާއިން ވިދާޅުވިއެވެ.