ކަރަންޓް ބިލްތައް ބޮޑު ކަމަށް ބުނެ ކުރާ ޝަކުވާތައް އިތުރުވުމާއި ގުޅިގެން އެޝަކުވާތައް ހުށައެޅުމަށް ސްޓެލްކޯއިން އެދިއްޖެއެވެ.

ސްޓެލްކޯއިން މިއަދު ވަނީ ކަރަންޓް ބިލްތަކާއި ގުޅޭ ޝަކުވާތައް އެކުންފުނީގެ ނަމްބަރު، 7788438 އަށް ނުވަތަ، އެކުންފުނީގެ އީމެއިލް  [email protected] އަށް ހުށައެޅުމަށް އެދިފައެވެ.

ސްޓެލްކޯއިން ބުނީ ހުށައަޅާ ޝަކުވާތައް ބަލައި 24 ގަޑިއިރުގެ ތެރޭގައި ޖަވާބު ދިނުމަށް އެކުންފުނިން މަސައްކަތް ކުރަމުންދާނެ ކަމަށެވެ.

ސްޓެލްކޯއިން ކަރަންޓްބިލްތައް ފޮނުވިއިރު، ބިލްތައް އާދަޔާއި ޚިލާފަށް ބޮޑު ކަމަށް ބުނެ ބައެއް ފަރާތްތަކުން އަންނަނީ ސޯޝަލް މީޑިއާގައި ކަންބޮޑުވުންތައް ފާޅުކުރަމުންނެވެ. އަދި އެއްވެސް އަސާސެއް ނެތް ތުހުމަތުތައްވެސް ސްޓެލްކޯއަށާއި ސްޓެލްކޯގެ ވެރިންނަށް ސޯޝަލްމީޑިއާގައި ބައެއް މީހުންކޮށްފައިވެެއެވެ.

ފާއިތުވި ތިން މަހުވެސް އާއްމު ގޭބިސީތަކުގެ ކަރަންޓް ބިލްތައް ބޮޑުވެގެން ދިޔައިރު، މާރިޗުމަހާއި އޭޕްރީލް މަހު ސަރުކާރުން ވަނީ ކަރަންޓް ބިލްތަކަށް ވަރަށް ބޮޑު ޑިސްކައުންޓެއް ހަމަޖައްސައިދީފައެވެ.