މާރޗް މަހުގެ 17ގައި ބޭއްވުމަށް ހަމަޖެހިފައިވާ ރައްޔިތުންގެ މަޖިލީހުގެ އިންތިޚާބުގައި މަސައްކަތްކުރާ ފުލުހުން ކޮމާންޑަރުންގެ ގޮތުގައި މަސައްކަތްކުރާ އޮފިޝަލުން ތަމްރީނުކުރަން ފަށައިފިއެވެ.

މާލީ ކަންކަމުގައި ރާއްޖެއިން އަމަލު ކުރާނެ ގޮތްތަކާ މެދު މަޝްވަރާ ކުރުމަށް ރާއްޖޭގެ ވަފުދެއް އިނގިރޭސިވިލާތަށް ދާން ނިންމާފައިވާ ކަމަށް އިކޮނޮމިކް މިނިސްޓަރު މުހައްމަދު ސައީދު ވިދާޅުވެއްޖެއެވެ. ސައީދު މިހެން ވިދާޅުވީ ރައީސް މުއިއްޒު އަތޮޅުތަކަށް ކުރައްވާ ދަތުރުފުޅުގައި ނ. މިލަންދޫގައި ވާހަކަދައްކަވަމުންނެވެ.

ހުޅުމާލޭ ރަށު މާރުކޭޓުން ގޮޅި ކުއްޔަށް ހިފުމުގެ ފުރުޞަތު ހައުންސިން ޑިވެލޮޕްމަންޓް ކޯޕަރޭޝަން، އެޗްޑީސީން ހުޅުވާލައިފިއެވެ. އެޗްޑީސީން ބުނީ ގޮޅި ކުއްޔަށް ދޫކުރެވޭނެ ފަރާތެއް ކަނޑައަޅާނީ ބީލަން ހުށައަޅާ ފަރާތްތަކުގެ ތެރެއިން އެންމެ މަތީ އަގު ހުށައަޅާ ފަރާތަކަށް ކަމަށެވެ.

ހޯމް މިނިސްޓްރީގެ ބަޔާނުގައި ބުނެފައި ވަނީ، ރ. މީދޫ ފެންފިޔާޒްގޭ މުހައްމަދު އަނަސްއަށް ތޫނު އެއްޗަކުން ހަމަލާދީ، އަނިޔާވެރިގޮތަކަށް މަރާލާފައިވާ މައްސަލައިގައި، ކްރިމިނަލް ކޯޓުގައި ދައުވާ އުފުލާފައިވާ، ހުރިހާ ފަރާތްތަކުގެ މައްޗަށް ދައުވާ ސާބިތު ނުވާކަމަށް ކްރިމިނަލްކޯޓުން ނިންމާފައިވާ ނިންމުމަކީ، ސަރުކާރުން ނުހަނު ކަންބޮޑުވާ ކަމެއް ކަމަށެެވެ.

ފުލުހުންގެ އިދާރާއިން ވިދާޅުވީ ހައްޔަރު ކުރި މީހުންގެ ތެރެއިން 21 އަހަރުގެ ދެމީހުންނާއި، 24 އަހަރުގެ މީހާ ހައްޔަރުކޮށްފައި ވަނީ ހުޅުމާލެއިން ކަމަށާއި، 26 އަހަރުގެ މީހާ ހައްޔަރުކޮށްފައި ވަނީ ލ. ގަމުގައި ހުއްޓައި ކަމަށެވެ.

ޕީޕަލްސް ނެޝަނަލް ފްރޮންޓް (ޕީއެންއެފް) ގެ ނަމުގައި، ސިޔާސީ ޕާޓީއެއް އުފެއްދުމަށް، އިލެކްޝަންސް ކޮމިޝަނުން، ޒެއިން އަބްދުﷲ ޔާމީންއަށް ހުއްދަ ދެއްވާފައި ވަނީ، ހުސްވި އަހަރުގެ ނޮވެމްބަރު މަހުގެ 29 ވަނަ ދުވަހުގައެވެ. ޕާޓީ ރަޖިސްޓްރީ ކުރުމަށްޓަކައި ޕީއެންއެފްއިން ވަނީ، 3060 ފޯމް އިލެކްޝަންސް ކޮމިޝަނަށް ހުށައަޅާފައެވެ.

ޝާކިރުބޭގެ މައްޗަށް ކުރެވޭ ކަށުނަމާދު އޮންނާނީ ، މިއަދުގެ މެންދުރު ނަމާދަށް ފަހުގައި، ހުޅުމާލެ ސަހަރާ މިސްކިތުގައެވެ. ޖަނާޒާ އޮންނާނީވެސް ހުޅުމާލެ ސަހަރާގައެވެ.

ޢަބުދުﷲ ޝާހިދުގެ ވާހަކަފުޅުގައި ވަނީ، މިސަރުކާރުގައި ރާއްޖޭގެ އިޤުތިޞާދީ ޙާލަތު ދަށަށް ގޮސް ދޭދޭ ޤައުމުތަކާއި އެކު އޮތް ޚާރިޖީ ގުޅުންތައް ކެނޑިގެން ގޮސް، މީގެ ކުރިން ޤައުމު ވެއްޓިފައި ނުވާފަދަ ދަރަޖައަކަށް، ޤައުމު ވެއްޓިފައިވާ ކަމަށެވެ.

ފުރަތަމަ ފަހަރަށް މޯލްޑިވިއަން ޑިމޮކްރަޓިކް ޕާޓީ (އެމްޑީޕީ) އަށް ރައްޔިތުންގެ މަޖިލީހުގެ މެޖޯރިޓީ ލިބުނު 19 ވަނަ މަޖިލީހުގައި އެ ޕާޓީއިން ފާސްކޮށްފައިވާނީ ރައްޔިތުންނަށް ލާބައާއި މަންފާކުރާނެ ގާނޫނުތަކެއްކަމަށް، ހިންނަވަރު ދާއިރާގެ މެމްބަރު ޖީހާން މަޙްމޫދު ވިދާޅުވެއްޖެއެވެ. ޖީހާން މިހެން ވިދާޅުވީ، އެމްޑީޕީގެ މަޖިލިސް ކެމްޕޭން ފެށުމުގެ ގޮތުން "މިސްރާބު ހަމަމަގަށް" މިނަމުގައި އާޓިފިޝަލް ބީޗުގައި ބޭއްވި ޖަލްސާގައި ވާހަކަފުޅު ދައްކަވަމުންނެވެ.

ރައީސް އިބްރާޙިމް މުޙައްމަދު ޞާލިޙްގެ ވެރިކަމުގައި އައްޑޫ ސިޓީ ދެކެމުން އައި ތަރައްގީ މަޑުޖެހިއްޖެ ކަމަށާއި، އެ ސަރުކާރުން އައްޑޫގައި ފަށާފައިވާ ގިނަ މަޝްރޫއުތައް މިހާރު މަޑުޖެހިއްޖެކަމަށް ހިތަދޫ ދެކުނު ދާއިރާގެ މެމްބަރު، އަދި ވިހި ވަނަ މަޖިލީހުގައި ވެސް އެ ދާއިރާއަށް އެމްޑީޕީ ޓިކެޓުގައި ވާދަކުރައްވާ އިބްރާޙިމް ނާޒިލް ވިދާޅުވެއްޖެއެވެ. ނާޒިލް މިހެން ވިދާޅުވީ، އެމްޑީޕީގެ މަޖިލިސް ކެމްޕޭން ފެށުމުގެ ގޮތުން "މިސްރާބު ހަމަމަގަށް" މި ނަމުގައި މިރޭ އާޓިފިޝަލް ބީޗުގައި ބޭއްވި ޖަލްސާގައި ވާހަކަފުޅު ދައްކަވަމުންނެވެ.

ފައްޔާޒް ވިދާޅުވީ އެމްޑީޕީގެ ފުރަތަމަ ސަރުކާރުގައި ރައްޔިތުން ކުރިޔަށްލާ ރައްޔިތުންގެ ހައްޤުގައި ގިނަ މަސައްކަތްތަކެއް ކުރެވުނު ކަމަށެވެ. އެހެން ނަމަވެސް އެސަރުކާރު ވައްޓާލީ ރައްޔިތުންގެ ތެރޭގައި އަނިޔާވެރިކަން ޤާއިމްކުރުމަށް ބޭނުންވާ ބައެއް ކަމުގައެވެ.

"މިސްރާބު ހަމަމަގަށް" މި ޝިއާރުގެ ދަށުން މިރޭ، އެމްޑީޕީގެ ރަސްމީ ކެމްޕޭން ފަށާފައި ވާއިރު، މިޖަލްސާގައި އެމްޑީޕީގެ އެޑްވައިޒަރ އަދި ކުރީގެ ރައީސުލްޖުމްހޫރިއްޔާ އިބްރާހީމް މުހައްމަދު ޞާލިޙާއި، އެމްޑީޕީގެ އައު ރައީސް ޢަބުދުﷲ ޝާހިދާއި، އެމްޑީޕީގެ ޗެއާޕާސަން ފައްޔާޒް އިސްމާއީލާއި، އެމްޑީޕީގެ މަޖިލިސް މެމްބަރުންނާއި އާއްމު މެމްބަރުންގެ ތެރެއިން ގިނަ އަދަދެއްގެ މެމްބަރުން ބައިވެރިވިއެވެ.

އެމްޑީޕީގެ އެޑްވައިޒަރު އަދި ކުރީގެ ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ވިދާޅުވީ، އެމަނިކުފާނުގެ ވެރިކަމުގައިވެސް މިފްކޯ އެސްޓީއޯގެ ދަށުން ވަކިކުރުމަށް، ފިސީބިލިޓީތައް ހެދިކަމަށާއި އެހެން ނަމަވެސް އެގޮތް ރަނގަޅު ނުވި ކަމަށެވެ. އަދި މިއަދު މިފްކޯ އެސްޓީއޯގެ ދަށުގައި އޮތް ނަމަ އެކުންފުންނަށް ލޯނު ލިބޭނެ ގޮތްތައްވެސް ހޯދުނީސް ކަމުގައި އެމަނިކުފާނު ވިދާޅުވިއެވެ.

ޑިފެންސް މިނިސްޓްރީން މިރޭ ނެރުނު ނޫސްބަޔާނުގައި ވިދާޅުވީ، އިންޑިއާއިން ރާއްޖެއަށް ހަދިޔާކޮށްފައިވާ، ހެލިކޮޕްޓަރު ދުއްވުމަށް އެޤައުމުން ފޮނުވާ ސިފައިން ކަމުގައި ނުހިމެނޭ އިންޑިއާގެ އާއްމު ކްރޫ މާލެ އައީ މިއަދު ހަވީރު ކަމަށެވެ. އަދި އެޓީމް މިރޭ އައްޑޫ ސިޓީއަށް ގޮސް، ހޭޑް އޯވަރ އަދި ޓޭކް އޯވަރ މަސައްކަތްތައް ފަށާނެ ކަމުގައިވެސް ޑިފެންސް މިނިސްޓްރީން ވަނީ ބުނެފައެވެ. އަދި ކަނޑައެޅިފައިވާ ތާރީޚަށް ރާއްޖޭގައި ޤާއިމްވެތިބި އިންޑިއާ ސިފައިން ދިވެހިރާއްޖެއިން ފައިބާނެ ކަމުގައިވެސް ޑިފެންސް މިނިސްޓްރީން ވަނީ ވިދާޅުވެފައެވެ.

ކުރީ ސަރުކާރުގެ ދުވަސްވަރު މަސްވެރިން ކިރުވާފައިވާ މަހަށް އޭރު ސަރުކާރުން ފައިސާ ނުދީ އޮތް ކަމުގައި ބުނެ، މިސަރުކާރުގެ ސިޔާސީ ބޭފުޅުން ވާހަކަފުޅުތައް ދައްކަވަމުން ދާއިރު، މިއަދު މިފްކޯއިން އެކްސްގައި ކުރި ޕޯސްޓްގައި ބުނެފައި ވަނީ، ސަރުކާރު މިއަދު ޖަމާކޮށްދިން ފައިސާ އާއެކު، 14 ޖެނުއަރީގެ ކުރިން މަސްވެރިން މަސްކިރުވައި ދޫކޮށްފައިވާ ހުރިހާ ބިލަކަށް ފައިސާދީ ނިމޭނެ ކަމަށެވެ.

ބަންޑާރަ ނައިބުގެ އޮފީހުން ނެރުއްވި ނޫސް ބަޔާނުގައި ވިދާޅުވެފައި ވަނީ، އެމައްސަލައިގައި ނިމިދިޔަ ސަރުކާރުން ޒިންމާދާރުކަން ކުޑަގޮތަކަށް ޢަމަލުކުރުމުގެ ސަބަބުން އެ މައްސަލައިގައި އިޓްލޮސްއިން ނިންމާފައިވާ ނިންމުމާ ގުޅިގެން ދިވެހިރާއްޖޭގެ ޚާއްޞަ އިޤްތިޞާދީ ސަރަޙައްދުން ގެއްލިގެން ދިޔަ ބައި އަނބުރާ ހޯދުމަށް މިހާރު ކުރަމުންދާ މަސައްކަތުގައި ބޮޑެތި ގޮންޖެހުންތަކެއް ކުރިމަތިވެފައިވާ ކަަމަށެވެ. އަދި އެގޮންޖެހުންތައް ދިމާވެފައި ވަނީ އެމައްސަލައިގެ ތެރޭގައި، ދިވެހިރާއްޖޭގެ އެންމެ މަތީ މަސްލަޙަތު ހިމާޔަތްކުރުމަށް ނެގެން ހުރި ގިނަ ދިފާޢުތަކެއް ނަގާފައި ނުވާތީ ކަމަށް ބަންޑާރަ ނައިބުގެ އޮފީހުން ނެރުއްވި ބަޔާނުގައި ވިދާޅުވެފައެވެ. އެހެން ނަމަވެސް ނެގެން ހުރި ދިފާޢުތަކުގެ ތެރެއިން ކުރީ ސަރުކާރުން ނުނަގައި ދޫކޮށްލި ދިފާޢަކީ ކޮބައިކަމެއް ބަންޑާރަ ނައިބުގެ އޮފީހުން ނެރުއްވި ބަޔާނުގައި ވިދާޅުވެފައެއް ނުވެއެވެ.