އެއްގަމު އިންޖީނުލީ އެއްގަމު އުޅަނދު ދުއްވުން މަކޮށްފައިވާ ވަގުތުތަކުގައިވެސް ޚާއްޞަ ހުއްދައެއްގެ ދަށުން ބައެެއް އުޅަނދު ފަހަރު ދުއްވޭނެއެވެ. މިހުއްދަ ދޫކުރަނީ، މާލެ ސިޓީ ކައުންސިލުގެ އާންމު ޚިދުމަތާ ބެހޭ ބައިން ކަމުގައިވެސް ސިޓީ ކައުންސިލުން ހާމަކުރައްވާފައިވެއެވެ.

މޯލްޑިވްސް ހައްޖު މިޝަން އިން ބުނީ، ހުރިހާ ހައްޖުވެރިންވެސް ޢަރަފާތު ބިމަށް ގޮސްފައިވާ ކަމަށާއި، ހުރިހާ ހައްޖާޖީންގެ ޙާލުވެސް އާއްމު ގޮތެއްގައި ރަނގަޅުކަމަށެވެ. ހައްޖު މިޝަން އިން ހާމަކޮށްފައިވާ ގޮތުގައި، އަރަފާތު ބިމަށް ހައްޖުވެރިން ދަތުރުފެށީ، ރޭ މައްކާގެ ގަޑިން 11:30ގައެވެ. އަދި ފަތިސް ނަމާދުު ވަގުތުގެ ކުރިން ހުރިހާ ހައްޖުވެރިންނަށްވެސް ޢަރަފާތު ބިމަށް ވަދެވިފައިވާ ކަމުގައި މައުލޫމާތު ލިބިފައިވެއެވެ.

ރައީސުލްޖުމްހޫރިއްޔާ ރާއްޖެއިން ބޭރަށް ކުރައްވާ ދަތުރުފުޅުތަކަށް ހިނގާ ޚަރަދުތައް އާއްމުކުރެއްވުމަކީ، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ވަޢުދުފުޅުތަކުގެ ތެރޭގައި ހިމެނޭ ކަމެކެެވެ. މިގޮތުން ދަތުރުފުޅު ނިމޭތާ ގިނަވެގެން 15 ދުވަހުގެ ތެރޭގައި އެމައުލޫމާތު އާއްމު ކުރައްވަމުން ގެންދަވައެވެ.

މޯލްޑިވްސް ހައްޖު މިޝަން އިން ހާމަކުރައްވާފައިވާ ގޮތުގައި، ދިވެހި ހައްޖާޖީންގެ ހާލު ރަނގަޅެވެ. މިއަހަރު ރާއްޖެއިން ހައްޖަށް ދިޔަ މީހުންގެ ތެރެއިން އެކަކު ވަނީ ނިޔާވެފައެވެ.

އިއްޔެ ބަންޑާރަ ނައިބުގެ އޮފީހުގައި ނޫސްވެރިންގެ ބައްދަލުވުމުގައި ވަނީ، ސަރުކާރުގެ ލެޖިސްލޭޓިވް އެޖެންޑާ އާއި ގުޅޭ މައުލޫމާތުތައް ހާމަކުރައްވާފައެވެ. އިއްޔެ ސަރުކާރުގެ ލެޖިސްލޭޓިވް އެޖެންޑާ އާއްމުކޮށް ޝާއިއު ކުރައްވާފައި ވާއިރު، މި ފަސް އަހަރުގެ ދައުރުގެ ތެރޭގައި، 213 ބިލެއް ރައްޔިތުންގެ މަޖިލީހަށް ހުށައެޅުމަށް ނިންމާފައި ވަނީ، 15 ދާއިރާއަކުން ކަމުގައިވެސް ބަންޑާރަ ނައިބުގެ އޮފީހުން ވިދާޅުވެފައިވެއެވެ.

އެމިނިސްޓްރީން މިހެން ވިދާޅުވީ، މިއަދު ފާހަގަކުރާ ދުނިޔޭގެ ލޭ ހަދިޔާ ކުރުމުގެ ދުވަހާއި ގުޅުވައިގެން އާއްމު ކުރި ބަޔާނުގައެވެ. އެމިނިސްޓްރީން ވިދާޅުވީ، ހދ. ކުޅުދުއްފުއްްޓާއި އަދި ރ. އުނގޫފާރުގައި މިއަހަރުގެ ތެރޭގައި ބްލަޑް ބޭންކް ޤާއިމްކުރުމަށް ސަރުކާރުން މަސައްކަތް މަސައްކަތް ކުރައްވަމުން ގެންދަވާ ކަމަށެވެ.

މި ރަސްމިއްޔާތުގައި ވާހަކަ ދައްކަވަމުން އެމް.އޭ.ސީ.އެލްގެ ސީ.އީ.އޯ އަދި މެނޭޖިންގ ޑިރެކްޓަރ އިބްރާހީމް ޝަރީފް ވަނީ އެއަރޓްރެފިކް ކޮންޓްރޯލަރުން އަދާކުރާ ވަޒީފާގެ މުހިއްމުކަމާއި އެކަމުގައި ސަމާލުކަން ދޭންޖެހޭ ކަންކަމުގެ މައްޗަށް އަލިއަޅުއްވާލައްވާފައެވެ. އަދި މީގެ އިތުރުން އެމްނެޓްސްއަކީ އަލަށް އުފެދުނު ކުންފުންޏަކަށްވުމާއެކު ކުންފުނީގެ މަސައްކަތްތައް އިތުރަށް ހަރުދަނާކުރުމުގެ މުހިއްމުކަމާމެދުވެސް ވާހަކަ ދެއްކެވިއެވެ.

ފުލުހުންގެ އިދާރާއިން ވިދާޅުވީ، އަހްމަދު ނިޒާމްއާ އޭނާގެ އަންހެނުންގެ ނަންމަތީގައި 100 ގިނަ އުޅަނދު ރަޖިސްޓްރީކޮށްފައި ހުރި އިރު އޭގެ ތެރޭގައި، ހަތަރު ފުރޮޅުލީ އެއްގަމު އުޅަނދުގެ 86 ވެހިކަލް ހިމެނޭ ކަމަށެވެ. ފުލުހުން ވިދާޅުވީ، އޭގެ ތެރެއިން ބައެއް ކާރުގެ ރަޖިސްޓްރީ ހަދާފައި ވަނީ 2025ވަނަ އަހަރަށާއި، 2027 ވަނަ އަހަރަށްކަން ފާހަގަކުރެވިފައިވާ ކަމަށެވެ. އަދި ކުށުގެ މިޢަމަލުތައް ހިންގާފައި ވަނީ ޓްރާންސްޕޯޓް މިނިސްޓްރީގެ ތެރެއިން ބަޔަކާއި ގުޅިގެންކަންވެސް ފުލުހުންގެ އިދާރާއިން ފާހަގަކުރައްވާފައިވެއެވެ.

އެމްއެމްޕީއާރުސީގެ މެނޭޖިންގޑައިރެކްޓަރުގެ މަޤާމުގައި ކުރިން އައްޔަނުކުރެއްވި ފާތިމަތު ތައުފީޤު (ކުޑީ) މަޤާމުން ވަކިކޮށްފައި ވަނީ، ހުސްވި މެއި މަހުގެ 22 ވަނަ ދުވަހުގައެވެ.

މަސްވެރިންނަށް ފައިސާ ނުލިބޭ މައްސަލަ އާއި ލޭނުގެ މަސްވެރިކަމަށް ބޭރުގެ ފަރާތްތަކަށް ހުއްދަދޭން އުޅޭ މައްސަލަ އާއި މަސްވެރި އޮޑިފަހަރަށް އަގުބޮޑުކޮށް ޑީސަލް ވިއްކާތީި، އިއްޔެ މަސްވެރިން ވަނީ އެކަމާއި ދެކޮޅަށް އިޙްތިޖާޖުކޮށްފައެވެ. މަސްވެރިންގެ އެ އިހްތިޖާޖުގައި އިސްކޮށް ހަރަކާތްތެރިވެފައި ވަނީ ބޮޑުކަންނެލީގެ މަސްވެރިކަން ކުރާ ފަރާތްތަކުންނެވެ.

ރިޒާއަކީ، ޖުޑީޝަލް ސަރވިސް ކޮމިޝަނަށް ރައްޔިތުންގެ މަޖިލީހުގެ މެމްބަރުންގެ ތެރެއިން ޢައްޔަނުކުރައްވާފަިއވާ މެމްބަރެވެ. މީގެ އިތުރުން ރައްޔިތުންގެ މަޖިލީހުގެ ރައީސްގެ ހައިސިއްޔަތުން ފޮނަދޫ ދާއިރާގެ މެމްބަރު ޢަބްދުއްރަޙީމް ޢަބުދުﷲވެސް އެކޮމިޝަނުގައި އިންނަވައެެވެ.

ފުލުހުންގެ އިދާރާއިން ވިދާޅުވީ، މި އޮޕަރޭޝަނުގައި، މާލެ އޭރިއާގެ ބަނދަރުތަކުން ލަފާފުރާ އުޅަނދުފަހަރާއި ކަނޑުގެ ސަރަހައްދުން ދަތުރުކުރާ އުޅަނދުފަހަރުގެ ސަލާމަތާއި ރައްކާތެރިކަން ކަށަވަރުކުރުމަށް ބަލައިފާސްކޮށް އަދި ސަލާމަތާއި ރައްކާތެރިކަމާ ގުޅޭގޮތުން މައުލޫމާތުދެމުން ގެންދާނެ ކަމަށެވެ. މީގެ އިތުރުން، އަތޮޅުތަކުން ލަފާފުރާ އުޅަނދުފަހަރުގެ ސަލާމަތާއި ރައްކާތެރިކަން ކަށަވަރުކުރުމަށް މައުލޫމާތުދިނުމާއި ބަލައިފާސްކުރުމުގެ ކަންކަން އަތޮޅުތަކު ޕޮލިސް ސްޓޭޝަންތަކުންވެސް ކުރިޔަށް ގެންދާނެ ކަމުގައި ފުލުހުންގެ އިދާރާއިން ބުނެފައިވެއެވެ.