ކެނދިކުޅުދޫ ކައުންސިލްގެ މެމްބަރަކު ވިދާޅުވީ، އެލްޖީއޭއިން ކައުންސިލަށް ސިޓީއެއް ފޮނުވާފައިވާ ކަމަށާއި، އެސިޓީއާ ގުޅިގެން ކައުންސިލުން ޤާނޫނީ ލަފާ ހޯދުމުގެ މަސައްކަތް ކުރަމުންދާ ކަމަށެވެ. އަދި އެލްޖީއޭގެ ސިޓީއަށް ކައުންސިލުން ދޭނެ ޖަވާބެ އަދި އެކަމުގައި އަމަލުކުރާނެ ގޮތެއް ނިންމާނީ އޭގެ ފަހުން ކަމުގައިވެސް އެ މެމްބަރުން ވިދާޅުވިއެވެ. މީގެ އިތުރުން އޭނާ ވިދާޅުވީ، އެލްޖީއޭގެ ސިޓީން ދޭހަވަނީ އެއީ، ރައީސުލްޖުމްހޫރިއްޔާއަށް ޤާނޫނު އަސާސީގެ 115 ވަނަ މާއްދާއިން ލިބިދީފައިވާ ބާރުތައް ނުހަމަ ގޮތުގައި ބޭނުންކުރެއްވި ނަމަވެސް އެކަމާއި ގުޅޭ ގޮތުން އެއްވެސް ފަރާތަކަށް އެއްވެސް އެއްޗެއް ނުބުނެވޭނެކަމަށް އެންގި އެންގުމެއްގެ ގޮތުގައި ކަމަށެވެ.

ދެކުނު ގައްޒާގެ ރަފާހް ސިޓީއަށް އިސްރާއިލުން ދިން ވައިގެ ހަމަލާއެއްގައި ފަލަސްތީނުގެ 14 މީހަކު ޝަހީދުކޮށްލައިފިއެވެ. މަންޒަރުދުށް މީހަކު ބުނެފައިވާ ގޮތުގައި، ޝަހީދުކޮށްލާފައިވާ މީހުންގެ އިތުރުން އެތައް ބަޔަކު ވަނީ މި ހަމަލާއާއި ގުޅިގެން އިމާރާތްތަކުގެ ދަށުގައި ތާށިވެފައެވެ.

ރައީސުލްޖުމްހޫރިއްޔާގެ ވާހަކަފުޅުގައި އިތުރަށް ވިދާޅުވީ، ޓެކްސް ބޭސް ފުޅާކޮށް، ޓެކްސް ނިޒާމުގެ ތެރެއިން އާމްދަނީ އިތުރުކުރެވޭނެ ގޮތްތަކަށް މަސައްކަތް ކުރައްވަމުން ގެންދަވާ ކަމަށެވެ. އެހެން ނަމަވެސް އިތުރު އާ ޓެކްސްްއެއް ތަޢާރަފް ނުކުރައްވާނެ ކަމުގައިވެސް ރައީސުލްޖުމްހޫރިއްޔާ ވިދާޅުވިއެވެ.

ރ. އަލިފުށީގެ ތަރައްޤީއަށް އެންމެ މުހިންމު އެއްކަމަކީ އެރަށުގައި ބޯހިޔާވަހިކަމުގެ މައްސަލައަށް ހައްލު ހޯދުންކަމުގައި އެރަށު ކައުންސިލުން ވިދާޅުވެއްޖެއެވެ. އަލިފުށީ ކައުންސިލުން މިކަން ފާހަގަކުރެއްވީ ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު މިއަދު އަލިފުށީ ކައުންސިލާ އަދި އަންހެނުންގެ ތަރައްޤީއަށް މަސައްކަތްކުރާ ކޮމިޓީ (އ.ތ.މ) އާއެކު ބޭއްވެވި ބައްދަކުރެއްވުމުގައެވެ.

ކަނޑުމަތީގައި 14 ޑައިވަރުން އޮޔާދަނިކޮށް ފުލުހުން ސަލާމަތްކޮށްފިއެވެ. ފުލުހުން ބުނީ މެރިން ޕޮލިސް ލޯންޗެއް މިއަދު ހެނދުނު ފުވައްމުލަކުން ފުރައިގެން ގދ. އަތޮޅަށް ދަތުރު ކުރަމުން ދަނިކޮށް ގދ. ގަން ކައިރި، ކަނޑުމަތިން ޑައިވަރެއް ފެނިގެން ލޯންޗު އެ ސަރަހައްދަށް ދިޔައިރު އިތުރު ދެ ޑައިވަރުން ފެނުނު ކަމަށެވެ.

ކޯޓުގައި ޝަރީއަތްތައް ހިނގަމުންދާ ވަގުތު، ދިވެހި ބަހުން ދެކެވޭ ވާހަކަތައް ވަގުތުން ވަގުތަށް ލިޔެވޭ "ކޭލި" ސޮފްޓްވެއާ މިއަދު ތައާރަފްކޮށްފިއެވެ. މިކަމަށްޓަކައި ބޭއްވި ހާއްސަ ރަސްމިއްޔާތެއްގައި، މި ސޮފްޓްވެއާ އިފްތިތާހުކޮށްދެއްވީ ރާއްޖޭގެ އުއްތަމަ ފަނޑިޔާރު އަހުމަދު މުއުތަސިމް އަދުނާނެވެ.

ރައީސުލްޖުމްހޫރިއްޔާ ވިދާޅުވީ، އެއާ އެމްބިއުލެންސްގެ ސީޕްލޭންގެ ޚިދުމަތަކީ މެޑިކަލް އިވެކުއޭޝަންގެ ޚިދުމަތް އިތުރަށް ފުޅާކުރުމުގެ މަގުސަދުގައި ސަރުކާރުން ފައްޓަވާ ޚިދުމަތެއް ކަމަށެވެ. އަދި އޭރުން، ދުވާލު ގަޑީގައި ކުރިމަތިވާ ސިއްހީ ކުއްލި ހާލަތްތަކުގައި އެއާޕޯޓެއް ނެތް ރަށްރަށަށް ވެސް އެއާ އެމްބިއުލެންސްގެ ޚިދުމަތް ފުޅާވެގެންދާނެކަމަށް އެމަނިކުފާނު ވިދާޅުވިއެވެ.

މި ދަތުރުފުޅުގައި 2 އަތޮޅުގެ ބައެއް ރަށްތަކަށް ޒިޔާރަތްކުރެއްވުމުގެ އިތުރުން، ވަގުތު ލިބިވަޑައިގަތް މިންވަރަކުން 2 އަތޮޅުގެ ގިނަ ރަށްތަކުގެ ކައުންސިލްތަކާއި އ.ތ.މ. ކޮމިޓީތަކާ ބައްދަލުކުރެއްވުމަށް ވަނީ ހަމަޖެހިފައިވާކަމަށް ހާމަކޮށްފައިވެއެވެ. އަދި މި 2 އަތޮޅުގެ އަތޮޅު ކައުންސިލާވެސް ބައްދަލުކުރައްވާނެކަމަށް ރައީސުލްޖުމްހޫރިއްޔާގެ އޮފީހުން ހާމަކުރައްވާފައިވެއެވެ.

އީދު ނަމާދު ފަށާ ގަޑި އަވަސްކުރުމުގެ މަޝްވަރާ އިސްލާމިކް މިނިސްޓްރީން ފަށައިފިއެވެ. އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ސޯޝަލް މީޑިއާގައި ހިއްސާކުރެއްވި ޕޯސްޓެއްގައި ވިދާޅުވީ، އީދު ނަމާދު ޖަމާއަތް ފެށޭ ގަޑި އަވަސްކުރުމާ މެދު މަޝްވަރާކުރަމުންދާކަމަށެވެ.

ބޯޓުގެ ފުރަތަމަ ދަތުރަކީ ކުޅުދުއްފުށީ ރީޖަނަލް ހޮސްޕިޓަލުގައި އޮތް ބަލިމީހަކު، އިތުރު ފަރުވާއަށް މާލެ ގެނައުމަށް ކުރި ދަތުރެކެވެ. މި ބޯޓު ވެލާނާ އިންޓަނޭޝަނަލް އެއާޕޯޓުގައި ޖައްސާފައިވަނީ ރޭ މެންދަމުން އަނބުރާ 3:40 ހާއިރުއެވެ.

ރާއްޖެއަށް މިހާރު ކުރަމުންދާ ވިއްސާރައިގައި ބޯކޮށް ވާރޭ ވެހި ވައި ގަދަވާނެތީ ހުރިހާ ފަރާތްތަކުންވެސް މޫސުމަށް ސަމާލުވުމަށް މޫސުމާ ބެހޭ ޤައުމީ އިދާރާއިން ވަނީ އިލްތިމާސްކޮށްފައެވެ.

ރައީސް ޞާލިޙް ވިދާޅުވީ، މިސަރުކާރުން އެންމެ ފުރަތަމަ ކުރި ކަމަކީ ނޫސްވެރިކަމުގެ މިނިވަންކަން ހުއްޓުވުމަށްޓަކައި މަސައްކަތް ކުރުން ކަމަށާއި، އެގޮތުން ނޫސް ވެބްސައިޓްތައް ސަރުކާރުން ބްލޮކްކުރިކަން އެމަނިކުފާނު ފާހަގަކުރެއްވިއެވެ. އަދި އެމްޑީޕީއަށް މަޖިލީހުގެ މެޖޯރިޓީ ނުލިބިއްޖެނަމަ ސަރުކާރުން ހުރިހާ އޮންލައިން ނޫސްވެބްސައިޓްތައް ބަންދުކުރާނެ ކަމަށާއި އެސަބަބަށްޓަކައިވެސް އެމްޑީޕީއަށް މަޖިލީހުގެ މެޖޯރިޓީ ހޯދުން މުހިއްމު ކަމުގައި ރައީސް ޞާލިޙް ވިދާޅުވިއެވެ.

ޤައުމީ އެއާލައިން މޯލްޑިވިއަން ހިންގާކުންފުނި އައިލެންޑް އޭވިއޭޝަނުން މިއަދު ނެރުނު ބަޔާނުގައި ބުނީ، އެއާ އެމްބިއުލާންސްގެ ގޮތުގައި މިއަދު ބޭނުން ކުރަންފެށި ޑޭޝް-8 މަރުކާގެ މަތިންާ ބޯޓަކީ ސަލާމަތީ ގޮތުން ރައްކާތެރި ބޯޓެއް ކަމަށެވެ. އެކުންފުނިން މިބަޔާން ނެރުނީ، އެބޯޓުގެ ސަލާމަތާއި ރައްކާތެރިކަމާއި މެދު ސުވާލު އުފައްދައި، ސޯޝަލްމީޑިއާގައި ސަރުކާރާއި އިދިކޮޅު ފަރާތްތަކުން ވާހަކަތައް ފަތުރަމުން ގެންދާތީއެވެ.

މޯލްޑިވިއަން އޭވިއޭޝަން އެކަޑަމީން އޭޕްރީލް އިންޓޭކްގައި ފަށާ ޕައިލެޓް ޓްރޭނިންގކޯހާއި ގުޅޭ ގޮތުން، "ނޫން"އަށް މައުލޫމާތު ދެއްވަމުން، ޒައިދު ވިދާޅުވީ، ރާއްޖޭގެ ސިވިލްއޭވިއޭޝަންގެ ޤާނޫނާއި ޤަވާއިދުތަކަކީ، ޔޫރަޕިއަންގެ މަދަނީ ވައިގެ ދަތުރުފަތުރު ކުރުމުގެ ޤާނޫނާއި ޤަވާއިދުތަކާއި އެއްގޮތަށް ލިޔެފައިވާ ޤާނޫނާއި ޤަވާއިދުތަކެއް ކަމަށެވެ. އެހެންކަމުން މޯލްޑިވިއަން އޭވިއޭޝަން އެކަޑަމީގެ ޕްރޮފްރާމްތައްވެސް ހެދިފައި ވަނީ އެމިންގަނޑުތަކަށް ކަމަށް ވުމާއިއެކު، މޯލްޑިވިއަން އޭވިއޭޝަން އެކަޑަމީން ނިމޭ ދަރިވަރަކުވެސް އެތަމްރީން ނިންމާލަނީ، ޔޫރަޕްގައި ހުންނަ ފްލައިން ސްކޫލެއްގެ ދަރިވަރަކުވެސް ނިންމާ ފެންވަރުގައި ކަމަށް ޒައިދު ވިދާޅުވިއެވެ.

އޭޕްރީލް އިންޓޭކްގައި ފަށާ މިކޯހުގައި ބައިވެރިވާން ބޭނުންވާ ފަރާތްތަކުގެ ކިބައިގައި ފުރިހަމަވާންޖެހޭ އަސާސީ ޝަރުޠުތަކުގެ ތެރޭގައި، އުމުރުން 17 އަހަރު ފުރިފައި ވުމާއި، މެޑިކަލްއިން ފާސްވުމާއި، ލެވެލް ނުވަތަ އެއާއި އެއްފެންވަރުގެ އިމްތިހާނަކުން ފިޒިކްސްއާއި މެތަމެޓިކްސް އާއި އިނގިރޭސި ފާސްވެފައިވުން ހިމެނެއެވެ. އެހެން ނަމަވެސް ސައިންސް ސްޓްރީމް ކިޔަވާފައި ނުވާ ދަރިވަރުންނަށްވެސް، މޯލްޑިވްސް އޭވިއޭޝަން އެކަޑަމީން ދޭ އިމްތިހާނު ފާސްވެގެން ކޯހުގައި ބައިވެރިވުމުގެ ފުރުޞަތު ލިބޭނެއެވެ.