މާލެ އާއި އަތޮޅުތެރޭގެ ބައެއް ރަށްރަށުގައި މިއަދު ބޮޑު ޖަމާޢަތުގައި ޢީދު ނަމާދުކޮށްފިއެވެ.

ގްރޭޓާ މާލެ ރީޖަންގައި 4 ތަނެއްގައި މިއަދު ވަނީ ޢީދު ނަމާދުގެ ބޮޑު ޖަމާޢަތް ބާއްވާފައެވެ. ވިލިމާލޭގެ ބޯޅަ ދަނޑުގައި ޢީދުފެ ނަމާދުގެ ބޮޑު ޖަމާޢަތް ބޭއްވި އިރު، މާލޭގައި ބޮޑު ޖަމާޢަތުގައި ޢީދު ނަމާދުކޮށްފައި ވަނީ، މާފަންނު ސްޓޭޑިއަމްގައެވެ.

ހުޅުމާލެ ފޭސް 1 ގައި ސިންތެޓިކް ޓްރެކްގައި ޢީދު ނަމާދުގެ ބޮޑު ޖަމާޢަތް ބޭއްވި އިރު، ހުޅުމާލެ ފޭސް 2 ގައި ޢިދު ނަމާދުގެ ބޮޑު ޖަމާޢަތް ބާއްވާފައި ވަނީ ކްރިކެޓް ދަނޑުގައެވެ.

މީގެ އިތުރުން މާލެ ސަރަހައްދުގެ 23 މިސްކިތެއްގައިވެސް މިއަދު ވަނީ ޢީދު ނަމާދުކޮށްފައެވެ.

ރާއްޖޭގެ މީހުން ދިރިއުޅޭ ގިނަ ރަށްތަކެއްގައިވެސް މިއަދު ޢީދު ނަމާދުގެ ބޮޑު ޖަމާޢަތް ބާއްވާފައި ވާއިރު، އުތުރުގެ ބައެއް ރަށްރަށުގައި މޫސުމް ގޯސްވެ ވިއްސާރަ ވުމުގެ ސަބަބުން ޢީދު ނަމާދުގެ ބޮޑު ޖަމާޢަތް ކެންސަލްކުރަން ޖެހުނެވެ.