ޑރ. އިލްޔާސް ޙުސައިންގެ މިދަރުސް އޮންނާނީ، މާދަމާރޭ 20:30ގައި އިސްލާމީ މަރުކަޒުގެ ޖަލްސާކުރާ މާލަމްގައެވެ. މި ދަރުސްގައި، ޑރ. އިލްޔާސް ޙުސައިން ވާހަކަފުޅު ދައްކަވާނީ "ތިބާގެ ރައްބާއި ތިބާ ދުރުކޮށްލީ ކޮންކަމެއް ހެއްުޔެވެ؟" މިމަޢުޟޫއަށެވެ.

މިނިސްޓްރީ އޮފް އިސްލާމިކް އެފެއާޒުން ހާމަކުރައްވާފައިވާ ގޮތުގައި، މިއަންނަ ފެބުރުއަރީ މަހުގެ 6 ވަނަ ދުވަހާއި ހަމައަށް ކަދުރު ބެހުމުގެ މަސައްކަތް ކުރަމުންދާނެއެވެ. މާލޭގައި ރަސްމީ ބަންދު ދުވަސްތައް ފިޔަވައި ކޮންމެ ދުވަހެއްގެވެެސް ހެނދުނު 9:30 އިން މެންދުރުފަހު 13:00 އަށް އިސްލާމީ މަރުކަޒު ޖަލްސާ ކުރާ މާލަމްގައި ގޭބިސީތަކަށް ކަދުރު ދޫކުރަމުންދާނެ ކަމުަގައި އެމިނިސްޓްރީން ވަނީ ވިދާޅުވެފައެވެ.

އެބަޔާނުގައި ބުނެފައި ވަނީ، އަލްހިޖުރަ ޖަމާއަތުގެ ހަވާލުގައި ހުސްވި ޑިސެމްބަރު މަހު އުމްރާއަށް ގެންދިޔަ 24 އުމްރާ ވެރިން ރާއްޖެ ނުގެނެވިފައި ތިބީ ކުންފުންޏަށް ދިމާވި މާލީ ދަތިކަމުގެ ސަބަބުން ކަމަށެވެ. އަދި ކުންފުނިން އުމުރާވެެރިން މާލެ ގެނައުމަށް މަސައްކަތް ކުރަމުންދާކަމަށާއި އެހެން ނަމަވެސް އެކަމަށް ބޭނުންވާ ފައިސާ މިއަދާއި ހަމައަށް ވެސް ހޯދިފައި ނުވާކަމަށެވެ. އުމުރާވެރިން އުމުރާއަށް ގޮސްފައި ވަނީ އެގުރޫޕަށް ފައިސާ ހަމައަށް ދައްކައިގެން ނަމަވެސް އެޖަމާޢަތުން ދިޔަ މީހުން ގެނައުމުގައި ފައިސާގެ ދަތިކަން ކުރިމަތިވީ ކީއްވެކަމެއް އެޖަމާޢަތުން ހާމަކޮށްފައެއް ނުވެއެވެ.

"އެންމެ މަންފާހުރި މީހާ" މި މައުލޫއަށް މިއަދު މުޅި ރާއްޖޭގެ މިސްކިތްތަކުގައި އިއްވި ހުކުރު ޚުޠުބާގައި ބުނެފައި ވަނީ، ރަޞޫލާގެ ޙަދީޘްފުޅުން ހާމަވާ ގޮތުގައި ހެޔޮ އަމަލުގެ ތެރެއިން އެންމެ ފުރަތަމަ ކަމަކަށް މާތް ނަބިއްޔާ ބަޔާންކޮށްދެއްވާފައި ވަނީ، މުސްލިމުންގެ ހިތަށް އުފާވެރިކަން ވައްދައިދިނުން ކަމަށެވެ. އެގޮތުން އެންމެ އިސްކަން ދޭންޖެހޭނީ ތިމާގެ މައިންބަފައިންނާއި އަނބިދަރީންނާއި ގާތްތިމާގެ މީހުންނާއި އަވައްޓެރީންނަށްކަންވެސް ނަބިއްޔާގެ ޙަދީޘުން އެނގޭ ކަމުގައި ޚުޠުބާގައި ބުނެފައިވެއެވެ.

ފުލުހުންގެ އިދާރާއިން ވިދާޅުވީ، ޙައްޖުވެރިން ރާއްޖެ އައުމަށް ހަމަޖެހިފައިވާ ދުވަސްތަކުގައި ޙައްޖުވެރިން ބަލާ އެއާޕޯޓަށް ވަޑައިގަންނަވާ ގާތްތިމާގެ މީހުންނާއި އެއާޕޯޓަށް ދަތުރުކުރާ އެއްގަމު އުޅަނދު ދުއްވާ ފަރާތްތަކުން ފުލުހުންގެ އިރުޝާދުތަކާ އެއްގޮތަށް އަމަލުކުރެއްވުމަށް އެދޭ ކަަމަށެވެ.

ގްރޭޓާ މާލެ ރީޖަންގައި 4 ތަނެއްގައި މިއަދު ވަނީ ޢީދު ނަމާދުގެ ބޮޑު ޖަމާޢަތް ބާއްވާފައެވެ. ވިލިމާލޭގެ ބޯޅަ ދަނޑުގައި ޢީދުފެ ނަމާދުގެ ބޮޑު ޖަމާޢަތް ބޭއްވި އިރު، މާލޭގައި ބޮޑު ޖަމާޢަތުގައި ޢީދު ނަމާދުކޮށްފައި ވަނީ، މާފަންނު ސްޓޭޑިއަމްގައެވެ.

މިނިސްޓްރީ އޮފް އިސްލާމިކް އެފެއާޒުން މައުލޫމާތު ލިބިފައިވާ ގޮތުގައި، ނިޔާވި ހައްޖާޖީއަކީ، ހައްޖުކޯޕަރޭޝަންގެ ހަވާލުގައި މިއަހަރު ހައްޖަށް ދިޔަ، ރ. ހުޅުދުއްފާރު، ހަފީޒީހިޔާ، ފާޠިމަތު ޙަފީޒާ (80އ)އެވެ.

މިނިސްޓްރީ އޮފް އިސްލާމިކް އެފެއާޒުން ހާމަކުރައްވާފައިވާ ގޮތުގައި، ރާއްޖެއިން މިއަހަރު ހައްޖަށްދާ މީހުންގެ ތެރެއިން އެންމެ ފަހުގެ ގުރޫޕްގައި ހިމެނޭ ފަރާތްތަކުން ޖިއްދާއަށް ގޮސްފައި ވަނީ މިރޭގައެވެ. މީގެ ތެރޭގައި މިނިސްޓަރ އޮފް އިސްލާމިކް އެފެއާޒް ޑރ. މުޙައްމަދު ޝަހީމް ޢަލީ ސަޢީދުވެސް ހިމެނިވަޑައިގަންނަވައެވެ.

މިނިސްޓްރީ އޮފް އިސްލާމިކް އެފެއާޒުން ވިދާޅުވީ، މައްކާގައި ދިވެހި ޙައްޖުވެރިން ތިބުމަށް ހަމަޖެހިފައިވަނީ އަލްބަލަދުއް ޠޮއްޔިބް އަޖްޔާދު ހޮޓަލުގައި ކަމަށާއި، ފުރަތަމަ ގުރޫޕްގެ މީހުންނަށް ރޭ ހޮޓަލަށް ގޮސްފައިވާ ކަމަށެވެ. އަދި ފުރަތަމަ ގުރޫޕުގައި ދިޔަ އެންމެންގެ ހާލުވެސް ރަނގަޅު ކަމުގައި އެމިނިސްޓްރީން ވިދާޅުވިއެވެ.

މިދިޔަ އޮކްޓޫބަރު މަހުގެ 7 ވަނަ ދުވަހުން ފެށިގެން، އިޒްރޭލު މީހުން ފަލަސްޠީނުގެ ރައްޔިތުންނާއި ދެކޮޅަށް ހިންގަމުންދާ ޢުދުވާންތަކާއި ޤަޠުލްޢާއްމުތަކާއި ގުޅިގެން، ރާއްޖޭގެ މިސްކިތްތަކުގައި ފުރަތަމަ ޤުނޫތު ކިޔަން ފަށާފައި ވަނީ އޮކްޓޯބަރު މަހުގެ 11 ވަނަ ދުވަހުގައެވެ. އަދި އޭގެ ފަހުން ފަރުޟު ހުރިހާ ނަމާދެއްގައި، ޤުނޫތު ކިޔަންފެށީ އޮކްޓޫބަރު މަހުގެ 18 ވަނަ ދުވަހުން ފެށިގެންނެވެ.

އެއިދާރާއިން މިކަން ހާމަކުރައްވާފައިވަނީ، އެ އިދާރާގެ ޚަރަދު ބަރަދާއި ގުޅޭ ގޮތުން އާއްމު ކުރި ރިޕޯޓުގައެވެ. އެެިޕޯޓުގައި ވާގޮތުން ފަޤީރުންނާއި މިސްކީނުންގެ ތެރެއިން ބޭސްފަރުވާގެ އެހީ ބޭނުންވާ 59 މީހަކަށް، 878،682.88ރ ވަނީ އެހީގެ ގޮތުގައި ދޫކޮށްފައެ އެވެ. އޭގެ ތެރެއިން އެންމެ ގިނަ ފައިސާ އެހީގެ ފައިސާ ދޫކޮށްފައި ވަނީ ކެންސަރުގެ ބަލިތަކަށް ފަރުވާކުރަމުން އަންނަ މީހުންނަށެވެ. މިގޮތުން ކެންސަރުގެ ބަލިތަކަށް ފަރުވާ ކުރަމުން އަންނަ މީހުންނަށް، 190،822.50ރ ހޭދަކޮށްފައި ވާއިރު، ފުރަމޭގެ ބަލިތަކަށް، 25،443ރ އަދި ހިތުގެ އޮޕަރޭޝަންތަަކަށް 8،481ރ ވަނީ އެހީގެ ގޮތުގައި ދީފައެވެ.

ހުޅުމާލޭގައި ބޮޑު ޖަމާޢަތުގައި ޢީދު ނަމާދުކޮށްފައި ވަނީ، ހުޅުމާލެ ސިންތެޓިކް ޓްރެކްގަޔާއި، ހުޅުމާލެ ފޭސް-2 ގެ ހުސްބިމުގައެވެ. ވިލިމާލޭގައި ބޮޑު ޖަމާޢަތުގައި ޢީދު ނަމާދުކޮށްފައި ވަނީ ވިލިމާލެ ފުޓުބޯޅަ ދަނޑުގައެވެ.

ރާބިޠަތުލްޢާލަމީލް އިސްލާމިއްޔާއަކީ، 1962 ވަނަ އަހަރު އުފެއްދި ދުނިޔޭގެ މުސްލިމް ޤައުުމުތައް ބައިވެރިވާ ޖަމިއްޔާއެކެވެ. މިޖަމިއްޔާގެ އޮފީހެއް ދިވެހިރާއްޖޭގައިވެސް ހުންނައިރު، މިޖަމިއްޔާގެ މައި އޮފީސް ހުންނާނީ މައްކާގައެވެ.

މިގޮތަށް ނިންމަވާފައި ވަނީ ދިވެހިރާއްޖޭގެ އެއްވެސް ތަނަކަށް އަދި އިސްލާމީ އެއްވެސް ޤައުމަކަށްވެސް ހަނދު ފެނިފައި ނުވާތީއެވެ. ސަޢޫދީ އަރަބިއްޔާއިންވެސް ކަނޑައަޅާފައި ވަނީ އެޤައުމަށް ހަނދުސާބިތު ކުރެވިފައި ނުވާތީ މިއަހަރުގެ ފިޠުރު ޢީދު ދުވަހަކީ، 10 އޭޕްރީލް 2024ވާ ބުދަ ދުވަސް ކަމަށެވެ.

މިގޮތުން މާދަމާ ގޮވާމުގެ ބާވަތްތަކުން ޒަކާތް ބަހާނީ، ހެނދުނު 11އިން ހަވީރު 4އަށް އަދި ރޭގަނޑު 8:30 އިން 10:30 އަށެވެ. މީގެ އިތުރުން މާދަމާ، ގޮވާމުގެ ބާވަތްތަކު ފިތުރު ޒަކާން ބަހާނީ، ހެނދުނު 11އިން މެންދުރު ފަހު 3:30އަށް އަދި ރޭގަނޑު 8:30 އިން 10:30އަށް ކަމުގައިވެސް ޒަކާތު ހައުސްއިން ހާމަކުރައްވާފައިވެއެވެ.

އެމިނިސްޓްރީން ވިދާޅުވީ، މާލެ ސަރަހައްދުގައި މާދަމާ ކަދުރުބަހަން ފަށާނީ ކޮންމެ ގޭބިސީއަށް އެއްކަދުރުޕެކެޓްގެ މަގުން ކަމަށެވެ. މިގޮތުން ކަދުރު ބަލައިވަޑައިގަންނަވާ ބޭފުޅުން އައިޑިކާޑު ގެންނަން ޖެހޭނެ ކަމަށް އެމިނިސްޓްރީން ވަނީ ވިދާޅުވެފައެވެ.