އަލްހިޖުރަ ޖަމާޢަތުގެ ހަވާލުގައި ހުސްވި ޑިސެމްބަރު މަހު އުމުރާއަށް ފޮނުވި މީހުން އަނބުރާ ގެނެވޭނެ ގޮތެއް ނެތްކަމުގައި އެޖަމާޢަތުން ބުނެފިއެވެ.

އެޖަމާޢަތުން މިހެން ބުނެފައި ވަނީ، އެޖަމާޢަތުގެ ފޭސްބުކް ޕޭޖުގައި މިރޭ އާއްމު ކުރި ބަޔާނެއްގައެވެ. އެހެން ނަަމަވެސް އެބަޔާން ފަހުން ވަނީ އެޕޭޖުން ނަގާފައެވެ.

އެބަޔާނުގައި ބުނެފައި ވަނީ، އަލްހިޖުރަ ޖަމާއަތުގެ ހަވާލުގައި ހުސްވި ޑިސެމްބަރު މަހު އުމްރާއަށް ގެންދިޔަ 24 އުމްރާ ވެރިން ރާއްޖެ ނުގެނެވިފައި ތިބީ ކުންފުންޏަށް ދިމާވި މާލީ ދަތިކަމުގެ ސަބަބުން ކަމަށެވެ. އަދި ކުންފުނިން އުމުރާވެެރިން މާލެ ގެނައުމަށް މަސައްކަތް ކުރަމުންދާކަމަށާއި އެހެން ނަމަވެސް އެކަމަށް ބޭނުންވާ ފައިސާ މިއަދާއި ހަމައަށް ވެސް ހޯދިފައި ނުވާކަމަށެވެ. އުމުރާވެރިން އުމުރާއަށް ގޮސްފައި ވަނީ އެގުރޫޕަށް ފައިސާ ހަމައަށް ދައްކައިގެން ނަމަވެސް އެޖަމާޢަތުން ދިޔަ މީހުން ގެނައުމުގައި ފައިސާގެ ދަތިކަން ކުރިމަތިވީ ކީއްވެކަމެއް އެޖަމާޢަތުން ހާމަކޮށްފައެއް ނުވެއެވެ.

އަލް ހިޖުރަ ޖަމާޢަތުގެ ބަޔާން --

މިނިސްޓްރީ އޮފް އިސްލާމިކް އެފެއާޒުގެ ލަފަޔާއި އިރުޝާދުގެ ދަށުން، މައްކާގައި ތާށިވި، އަލްހިޖުރަ ޖަމާޢަތުގެ ޢުމްރާވެރިން ރާއްޖެ ގެނައުމުގެ މަސައްކަތްކުރަމުންދާކަމު ހައްޖު ކޯޕަރޭޝަނުން މިރޭ ވަނީ ހާމަކޮށްފައެވެ.