ސައޫދީ ޢަރަބިއްޔާއިން ރާއްޖެއަށް ހަދިޔާކުރި ކަދުރު އިއްޔެ ބަހަން ފަށައިފިއެވެ. 

މިނިސްޓްރީ އޮފް އިސްލާމިކް އެފެއާޒުން ހާމަކުރައްވާފައިވާ ގޮތުގައި، މިއަންނަ ފެބުރުއަރީ މަހުގެ 6 ވަނަ ދުވަހާއި ހަމައަށް ކަދުރު ބެހުމުގެ މަސައްކަތް ކުރަމުންދާނެއެވެ. މާލޭގައި ރަސްމީ ބަންދު ދުވަސްތައް ފިޔަވައި ކޮންމެ ދުވަހެއްގެވެެސް ހެނދުނު 9:30 އިން މެންދުރުފަހު 13:00 އަށް އިސްލާމީ މަރުކަޒު ޖަލްސާ ކުރާ މާލަމްގައި ގޭބިސީތަކަށް ކަދުރު ދޫކުރަމުންދާނެ ކަމުަގައި އެމިނިސްޓްރީން ވަނީ ވިދާޅުވެފައެވެ.

މިއަހަރު ގޭ ބިސީތަކުގެ އިތުރުން އާއްމުންނަށް ރޯދަވީއްލުންތައް ބާއްވާ، ޖަމިއްޔާ ޖަމާއަތްތަކަށްވެސް ކަދުރު ދޫކުރުމަށް ނިންމާފައިވާ ކަމުގައި މިނިސްޓްރީން ވަނީ ވިދާޅުވެފައެވެ.

މިއަހަރުވެސް ރޯދަމަހަށް ޚާއްޞަކޮށް ސަޢޫދީ އަރަބިއްޔާއިން ދިވެހިރާއްޖެއަށް ހަދިޔާކޮށްފައި ވަނީ، 50 ޓަނުގެ ކަދުރެވެ.