Advertisement
ޑރ. މުޙައްމަދު ޝަހީމް ޢަލީ ސަޢީދާއި ރާބިޠާގެ އިސްބޭފުޅުން --
ރާބިޠާއަށް ޑރ ޝަހީމް ޢައްޔަނުކުރައްވައިިފި
މުސްލިމު ވޯލްޑްލީގު (ރާބިޠަތުލްޢާލަމީލް އިސްލާމީ) ގެ އެންމެ މަތީ މަޖްލީހުގެ މެންބަރަކަށް ދިވެހިރާއްޖޭގެ އިސްލާމީ ކަންތައްތަކާ ބެހޭ ވަޒީރު ޑރ މުޙައްމަދު ޝަހީމް ޢަލީ ސަޢީދު ޢައްޔަންކުރައްވައިފިއެވެ.
މިނިސްޓްރީ އޮފް އިސްލާމިކް އެފެއާޒުން ވިދާޅުވީ، އެމަޖިލީހަށް ޑރ. ޝަހީމް ޢައްޔަނުކުރެއްވުމަށްފަހުގައި ބާއްވާ ފުރަތަމަ ބައްދަލުވުމުގައި އެމަނިކުފާނު ބަިއވެރިވެވަޑައިގަންނަވާނެ ކަމަށެވެ. މިގޮތުން މިބައްދަލުވުން އޮންނާނީ މިމަހުގެ 23 ވަނަ ދުވަހުގައި މައްކާގައެވެ.
ރާބިޠަތުލްޢާލަމީލް އިސްލާމިއްޔާއަކީ، 1962 ވަނަ އަހަރު އުފެއްދި ދުނިޔޭގެ މުސްލިމް ޤައުުމުތައް ބައިވެރިވާ ޖަމިއްޔާއެކެވެ. މިޖަމިއްޔާގެ އޮފީހެއް ދިވެހިރާއްޖޭގައިވެސް ހުންނައިރު، މިޖަމިއްޔާގެ މައި އޮފީސް ހުންނާނީ މައްކާގައެވެ.
ރާބިޠާގެ އެންމެ މަތީ މަޖްލީހަކީ އިސްލާމީ ދުނިޔޭގައި ފާހަގަކޮށްލެވޭ އިލްމީ ޝަޚުޞިއްޔަތުތައް ހިމެނޭހެން އެކުލެވިގެންވާ ރާބިޠަތުލްޢާލަމިލްއިސްލާމީގެ އެންމެ މަތީ މަޖިލީހެއް ކަމުގައި އިސްލާމިކް މިނިސްޓްރީން ހާމަކުރައްވާފައިވެއެވެ.
