މާދަމާ އަކީ މިއަހަރުގެ ރަމަޟާން މަހުގެ 30 ވަނަ ދުވަސްކަމަށާއި، މިއަހަރުގެ ފިތުރު އީދު ދުވަހަކީ، 10 އޭޕްރީލް 2024ވާ ބުދަ ދުވަސް ކަމުގައި މިނިސްޓްރީ އޮފް އިސްލާމިކް އެފެއާޒުން ކަނޑައަޅައިފިއެވެ.

މިގޮތަށް ނިންމަވާފައި ވަނީ ދިވެހިރާއްޖޭގެ އެއްވެސް ތަނަކަށް އަދި އިސްލާމީ އެއްވެސް ޤައުމަކަށްވެސް ހަނދު ފެނިފައި ނުވާތީއެވެ. ސަޢޫދީ އަރަބިއްޔާއިންވެސް ކަނޑައަޅާފައި ވަނީ އެޤައުމަށް ހަނދުސާބިތު ކުރެވިފައި ނުވާތީ މިއަހަރުގެ ފިޠުރު ޢީދު ދުވަހަކީ، 10 އޭޕްރީލް 2024ވާ ބުދަ ދުވަސް ކަމަށެވެ.

މިއަހަރުން ފެށިގެން ސަރުކާރުން ވަނީ ރާއްޖޭގައި ފިޠުރު ޢީދު ނަމާދު ކުރާ ވަގުތަށް ބަދަލު ގެނެސްފައެވެ. އެހެން ކަމުން މިއަހަރުންފެށިގެން ދެން ރާއްޖޭގައި ޢީދު ނަމާދު ކުރާނީ ހެނދުނު 7:00 ގައެވެ. ގްރޭޓާ މާލެ ސަރަހައްދުގެ 5 ތަނެއްގައި ބޮޑު ޖަމާޢަތުގައި ޢީދު ނަމާދު ކުރުމަށް ވަނީ ނިންމާފައެވެ.

Advertisement