Advertisement
ހުޅުމާލޭގައި ޢީދު ނަމާދު ކުރުން --
މާލެ އާ އަތޮޅުތަކުގައި ބޮޑު ޖަމާޢަތްތަކުގައި ޢީދު ނަމާދުކޮށްފި
މާލެ އާއި އަތޮޅުތަކުގެ ރަށްރަށުގައި ބޮޑު ޖަމާއަތްތަކުގައި އީދު ނަމާދުކޮށްފިއެވެ.
މާލޭގައި ބޮޑު ޖަމާޢަތުގައި ޢީދު ނަމާދުކުރުން ކުރިޔަށްދިޔައީ، މާފަންނު ސްޓޭޑިއަމްގަޔާއި އިސްލާމީ މަރުކަޒު އަދިން ކިންގ ސަލްމާން މިސްކިތުގައެވެ.
ހުޅުމާލޭގައި ބޮޑު ޖަމާޢަތުގައި ޢީދު ނަމާދުކޮށްފައި ވަނީ، ހުޅުމާލެ ސިންތެޓިކް ޓްރެކްގަޔާއި، ހުޅުމާލެ ފޭސް-2 ގެ ހުސްބިމުގައެވެ. ވިލިމާލޭގައި ބޮޑު ޖަމާޢަތުގައި ޢީދު ނަމާދުކޮށްފައި ވަނީ ވިލިމާލެ ފުޓުބޯޅަ ދަނޑުގައެވެ.
އަތޮޅުތަކުގެ ގިނަ ރަށްރަށުގައި، ބޮޑު ޖަމާޢަތުގައި ޢީދު ނަމާދުކޮށްފައި ވަނީ ސްޓޭޑިއަމްތަކާއި، ފުޓުބޯޅަ ނުވަތަ ފުޓުސަލް ދަނޑުތަކުގައެވެ.
މިއަހަރަކީ ޢީދު ނަމާދުކުރާ ވަގުތަށް ބަދަލު ގެނެސް ޢީދު ނަމާދު ކުރި ފުރަތަމަ ފަހަރެވެ. މިއަދުންފެށިގެން ދެން ކޮންމެ ޢީދެއްގައިވެސް ރާއްޖޭގައި ޢީދު ނަމާދު ކުރާނީ ހެނދުނު 7:00ގައި ކަމަށް ސަރުކާރުން ވަނީ ކަނޑައަޅުއްވާފައެވެ.
