ގޮވާމުގެ ބާވަތްތަކުން ފިޠުރު ޒަކާތް ބެހުން މިއަދު ފަށާނެ ކަމުގައި ދިވެހިރާއްޖޭގެ ޒަކާތު ހައުސްއިން ހާމަކުރައްވައިފިއެވެ.

އެއިދާރާއިން ހާމަކޮށްފައިވާ ގޮތުގައި މާލެ ސަރަހައްދުގައި ގޮވާމުން ދައްކާފައިވާ ޒަކާތް ބެހުމުގެ މަސައްކަތް ކުރިޔަށް ގެންދާނީވެސް އަމީނިއްޔާ ސްކޫލުގެ ހޯލުގައެވެ.

މިގޮތުން މާދަމާ ގޮވާމުގެ ބާވަތްތަކުން ޒަކާތް ބަހާނީ، ހެނދުނު 11އިން ހަވީރު 4އަށް އަދި ރޭގަނޑު 8:30 އިން 10:30 އަށެވެ. މީގެ އިތުރުން މާދަމާ، ގޮވާމުގެ ބާވަތްތަކު ފިތުރު ޒަކާން ބަހާނީ، ހެނދުނު 11އިން މެންދުރު ފަހު 3:30އަށް އަދި ރޭގަނޑު 8:30 އިން 10:30އަށް ކަމުގައިވެސް ޒަކާތު ހައުސްއިން ހާމަކުރައްވާފައިވެއެވެ.

ޒަކާތު ހައުސްއިން ހާމަކުރައްވާފައިވާ ގޮތުގައި ގޮވާމުގެ ބާވަތްތަކުން ފިޠުރު ޒަކާތް ދޫކުރަމުން ގެންދާނީ، މާލެ ސިޓީގެ ފަޤީރުންނާއި މިސްކީނުންގެ ދަފްތަރުގައި ރަޖިސްޓްރީ ކޮށްފައިވާ ފަރާތްތަކަށެވެ.

ގޮވާމުން ފިޠުރު ޒަކާތް ބަލައިގަންނަ އެންމެ ފަހު ވަގުތަކީ، މިއަދު ޝައްވާލު މަހުގެ ހަނދު ނުފެނިއްޖެ ނަމަ މާދަމާގެ މެންދުރު ފަހު، 15:30 ކަމުގައިވެސް ދިވެހިރާއްޖޭގެ ޒަކާތު ހައުސްއިން ވަނީ ކަނޑައަޅުއްވާފައެވެ.