މާލޭ ދަރުބާރުގޭކައިރީގައި ރޭ ހިންގި މާރާމާރީ އާއި ގުޅިގެން އިތުރު ބަޔަކު ހައްޔަރުކޮށްފައިވާ ކަމުގައި ފުލުހުންގެ އިދާރާއިން ވިދާޅުވެއްޖެއެވެ. 

ފުލުުހުންގެ އިދާރާއިން ހާމަކުރައްވާފައިވާ ގޮތުގައި ރޭ ހިނގި މިމާރާމާރީ އާއި ގުޅިގެން މިއަދު ވަނީ، ދިވެހި ހަތަރު ފިރިހެނުން ހައްޔަރުކޮށްފައެވެ. އެމާރާމާރީ އާއި ގުޅިގެން ރޭވެސް ދެމީހަކު ހައްޔަރުކޮށްފައިވެއެވެ.

މާރާމާރީގައި އެކަކަށް އަނިޔާވެ ރޭ ސެނަހިޔާ ހޮސްޕިޓަލްގައި ފަރުވާދީފައި ވެއެވެ. 

ފުލުހުންގެ އިދާރާއިން ވިދާޅުވީ އެ މާރާމާރީ ފުލުހުންނަށް ރިޕޯޓްކޮށްފައި ވަނީ ރޭގެ، 22:30 ހާއިރުގައި ކަމަށެވެ.