ދިވެހި ދައުލަތަށް 47 އަހަރަށް ވުރެ ގިނަ ދުވަހު ޚިދުމަތްކުރައްވައި، އެކަމުގެ އަގު ދައުލަތުން ވަޒަންކުރައްވާ އިނާމު ދެއްވަވާފައިވާ ޚިދުމަތްތެރިއެއްކަމުގައިވާ އަލްމަރުޙޫމް މުޙައްމަދު ޒަކީ އަވަހާރަވުމާއި ގުޅިގެން އެބޭފުޅާގެ އާއިލާއަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ތަޢުޒިޔާ ވިދާޅުވެއްޖެއެެވެ.

އަލްމަރްހޫމް މުޙައްމަދު ޒަކީގެ ޖަނާޒާ އޮތީ މިއަދުގެ މެންދުރު ނަމާދަށް ފަހުގައި ހުޅުމާލެ ސަހަރާގައެވެ. 

ދިވެހި ދައުލަތަށް މުހައްމަދު ޒަކީ 47 އަހަރު ދުވަހު ކޮށްދެއްވާފައިވާ ޚިދުމަތުގެ އަގުވަޒަން ކުރައްވަިއ ދައުލަތުން އޭނާއަށް، ދިވެހި ދައުލަތަށް ޚިދުމަތް ކުރުމުގެ އިނާމް ދެއްވާފައި ބަނީ ހުސްވި 2023 ވަނަ އަހަރުގައެވެ.

މުޙައްމަދު ޒަކީ، ދިވެހި ދައުލަތަށް ޚިދުމަތް ކުރައްވަން ފެއްޓެވީ، 3 މާރިޗު 1973 ގައެވެ. އުމުރުން 65 އަހަރުވެގެން، 28 އޮކްޓޫބަރު 2020 ގައި ރިޓަޔަރ ކުރެއްވިއިރު ހުންނެވީ، ޑިޕާޓްމަންޓް އޮފް ޕަބްލިކް އެގްޒޭމިނޭޝަންސްގެ ސީނިއަރ ޕްރިންޓިންގ ސުޕަވައިޒަރެއްގެ މަގާމުގައެވެ.