އެއްގަމު ދަތުރު ފަތުރުގެ ޤާނޫނާއި ޚިލާފަށް، ޕިކަޕަކަށް ގިނަ އަދަދެއްގެ މީހުން އަރުވައިގެން ދުއްވި މައްސަލައަކާއި، ރެޖިސްޓްރީކޮށްފައި ނުވާ އުޅަނދެއް ދުއްވި މައްސަލައެއް ބަލަން ފަށާފައިވާ ކަމުގައި ފުލުހުންގެ އިދާރާއިން ވިދާޅުވެއްޖެއެވެ.

ޕިކަޕަކަށް ގިނަ އަދަދެއްގެ މީހުން އަރުވައިގެން ދުއްވި މައްސަލައެެއް ބަލަންފަށާފައިވާ ކަމަށް ފުލުހުންގެ އިދާރާއިން ވިދާޅުވެފައި ވާއިރު، މިހަފްތާގައި ވަނީ، ޕިކަޕަކަށް ލޭބަރުން އަރުވައިގެން ދުއްވާ މައްސަލައެއް އާއްމުންގެ މީހަކު ސޯޝަލްމީޑިއާގައި ފެންމަތިކޮށްފައެވެ.

ފުލުހުންގެ އިދާރާއިން ވިދާޅުވީ ޕިކަޕަކަށް ގިނަ އަދަދެއްގެ މީހުން އަރުވައިގެން ދުއްވި މައްސަލައެއް ފުލުހުންނަށް ރިޕޯޓްކޮށްފައި ވަނީ ހޮނިހިރު ދުވަހުގެ ހަވީރު، 17:17 ހާއިރުގައި ކަމަށެވެ. އަދި އެމައްސަލަ ފުލުހުން މިހާރު ބަލަމުން ގެންދާ ކަމުގައިވެސް ފުލުހުންގެ އިދާރާއިން ވިދާޅުވިއެވެ.

Advertisement

މީގެ އިތުރުން ފުލުހުންގެ އިދާރާއިން ވިދާޅުވީ، ރަޖިސްޓްރީކޮށްފައި ނުވާ ހަތަރު ފުރޮޅުލީ އެއްގަމު އުޅަނދެއްގައި ވަގު ބޯޑެއް އަޅުވައިގެން ދުއްވި މައްސަލައެއްވެސް 18:18 ހާއިރު ފުލުހުންނަށް ރިޕޯޓްކޮށްފައިވާ ކަމަށާއި އަދި އެއުޅަނދު ދުއްވި މީހާއަކީ އިންޖީނުލީ އެއްގަމު އުޅަނދު ފަހަރު ދުއްވުމުގެ ލައިސަންސްވެސް ނެތް މީހެއް ކަމުގައި ފުލުހުންގެ އިދާރާއިން ވިދާޅުވިއެވެ.