މާލެ ސަރަހަދުގައި މާދަމަމާ ހަތަރުތަނެއްގައި ބޮޑު ޖަމާޢަތުގައި ޢީދު ނަމާދު ކުރުމަށް ހަމަޖެހިފައިވާ ކަމުގައި މިނިސްޓްރީ އޮފް އިސްލާމިކް އެފެއާޒުން ހާމަކުރައްވައިފިއެވެ.

އެމިނިސްޓްރީން ހާމަކުރައްވާފައިވާ ގޮތުގައި، ބޮޑު ޖަމާޢަތުގައި ޢީދު ނަމާދުކުރުން އޮންނާނީ، ވިލިމާލެ ބޯޅަދަނޑުގަޔާއި، މާލޭގެ މާފަންނު ސްޓޭޑިއަމްގަޔާއި، ހުޅުމާލެ ފޭސް 1 ސިންތެޓިކް ޓްރެކް ގަޔާއި އަދި ހުޅުމާލެ ފޭސް 2 ގެ ހިޔާ ސަރަހައްދުގައި އޮންނަ ހުސްބިމުގައެވެ.

މީގެ އިތުރުން މާލެ ސަރަހައްދުގެ 24 މިސްކިތެއްގައި ޢީދު ނަމާދު ކުރާނެއެވެ. އަދި މޫސުމް ތަން ނުދިނުމުގެ ސަބަބުން ބޮޑުޖަމާޢަތްތަކުގައި ޢީދު ނަމާދުކުރުން ދަތިވެއްޖެ ޙާލަތެެއްގައި މާލެ ސަރަހައްދުގައި ހުކުރުނަމާދު ކުރާ ހުރިހާ މިސްކިތެއްގައިވެސް ޢީދު ނަމާދު ކުރާ ގޮތަށް ހަމަޖައްސާފައިވާ ކަމުގައި މިނިސްޓްރީ އޮފް އިސްލާމިކް އެފެއާޒުން ހާމަކޮށްފައިވެއެވެ.