މީހަކު މަރުވި، ލޯންޗް އެކްސިޑެންޓާއި ގުޅިގެން ހައްޔަރު ކުރި، ކެޕްޓަންގެ ބަންދަށް 15 ދުވަސް ޖަހައިފިއެވެ.

ފުލުހުންގެ އިދާރާއިން ވިދާޅުވީ، އޭނާގެ ބަންދާއި މެދު ގޮތެއް ނިންމުމަށް ކޯޓަށް ހާޟިރުކުރުމުން އޭނާގެ ބަނަދަށް 15 ދުވަސް ކޯޓުން ދީފައިވާ ކަމަށެވެ.

އިއްޔެ ހެނދުނު އދ. ދަނގެތީ ކައިރިން ތިލައެއްގެ ކައިރިއަށް ފާނަ ބާނަން ފައިބާއޮތް މީހެއްގެ ގައިމަތިން ލޯންޗު ދިޔުމުގެ ސަބަބުން އެމީހާ ވަނީ މަރުވެފައެވެ. އެމީހާ މަރުވީ ލޯންޗުގެ ބުރަފަތިތަކުގައި ޖެހި އެމީހާގެ ހަށިގަނޑު ވަރަށް ބޮޑަށް ކަފައިގެން ދިޔުމުގެ ސަބަބުންނެވެ.

އެ ހާދިސާ ފުލުހުންނަށް ރިޕޯޓްކޮށްފައި ވަނީ އިއްޔެ ހެނދުނު 7:05ގައި ކަމަށް ފުލުހުންގެ އިދާރާއިން ވިދާޅުވިއެވެ. އަދި އެކްސިޑެންޓާއި ގުޅިގެން ލޯންޗު ދުއްވި، ކެޕްޓަން ހައްޔަރުކޮށް ފުލުހުން ވަނީ އެމައްސަަލަ ތަޙްޤީޤު ކުރަން ފަށާފައެވެ.

މިއެކްސިޑެންޓް ގައި މަރުވި، މީހަކީ، ފ.އަތޮޅު ފީއަލީގެ ފާނަ މަސްވެރިކަން ކުރާ މަސްދޯންޏެއްގައި މަސައްކަތް ކުރަމުން އައި ބިދޭސީ މީހެކެވެ. އޭނާ މޫދަށް ފައިބައި އޮތީ އޭނާ އެތާނގައި އޮތްކަން އެނގޭ ގޮތަށް ބާސްކެޓްތަކުގައި ރީނދޫ ކުލައިގެ ދިދަވެސް ޖަހައިގެންނެވެ.